رد: حد قفل ال 100 ألف كيلو باللوجان
 

رد: حد قفل ال 100 ألف كيلو باللوجان
 

أنا عملت 53 ألف والعربية معايا من 3 سنين بالظبط.

رد: حد قفل ال 100 ألف كيلو باللوجان
 

ماشاء الله
طب متجيب تقرير جامد كده يليق بلوجي :D:018A1D~146:

رد: حد قفل ال 100 ألف كيلو باللوجان
 

طيب ما تكلمنا عن العربية هل هي مريحاك ولا مغلباك ؟ هل وجدت مشاكل في العثور على قطع الغيار ام لا ؟ هل اسعار قطع الغيار مناسبة ام هناك مغالاة في اسعار قطع الغيار ؟

هل تنصح من يريد الشراء بشراء اللوجان ام لا ؟

رد: حد قفل ال 100 ألف كيلو باللوجان
 

رد: حد قفل ال 100 ألف كيلو باللوجان
 

شوف أنا هاجاوب على كل أسئلتك، بس علشان أكون أمين معاك مش أنا الشخص المناسب اللى انتم منتظرينه علشان يطمنكم بخصوص العربية.

لأنى عملت 53 ألف فى تلات سنين إلا اسبوعين بالظبط .. يعنى مازلت حتى هذه اللحظة تحت مظلة الضمان و انتوا عارفين ان الضمان بيشيل بلاوي

الشخص اللى انتم منتظرينه واللى المفروض يتكلم مش مهم يكون عمل كام كيلو بالعربية ، المهم يكون عاش أد ايه ويا عربيته بره الضمان واتعامل مع اعطالها ازاى فى الظروف دى.

على سبيل المثال عربيتى احتاجت تغيير قطعة معينة فى وقت ما .. رحت التوكيل وغيرتها ببساطة بدون أى تكلفة، والمشكلة خلصت ، بس أنا فكرت يا ترى لو أنا بره الضمان كانت الأمور هتمشى ازاى .. هنا لقيت نفسى قلقان لأن الإجابة ماكانتش مريحة.

يتبع ..

رد: حد قفل ال 100 ألف كيلو باللوجان
 

والآن إلى الإجابة عن تساؤلاتكم :

العربية بصفة عامة مريحانى

آدائها مقنع ليا جداً سواء على الطرق السريعة أو جوه البلد ، فى السفر الطويييييل أو المشاوير الصغيرة.

ثبات العربية وتسارعها مرضى بالنسبة لى ، وارتفاعها عن الأرض ميزة كبيرة بتخللى من الصعب انها تحك فى المطبات ، مع ان ده ممكن يحصل لما تكون محمل الحمولة كاملة، ويكون المطب من المطبات الغلسة.

الحمد لله طول التلات سنين دول ماورتنيش ولا موقف بايخ وده ادانى ثقة أكبر فى العربية.

استهلاك البنزين معقول جداً ، وبينى وبينكم أنا على طول بأمون بنزين 80 إلا قليلاً لما مش بألاقيه والدنيا ماشية معايا تمام ومش متعور خالص فى البنزين. (دى مش نصيحة انكم تمونوا 80 ولا حاجة ، المصنع بيقول 91 وانت طالع ، بس أنا باحكيلكم اللى أنا باعمله فقط لا غير).

التكييف كويس ، بس كان نفسى يكون أحسن من كده شوية ، لأن فيه أيام بتبقى حر قوى والتكييف مش بيستر فيها خصوصاً للى قاعدين على الكنبة الخلفية واللى للأسف غالباً بيكون فيها حماتى :)

يتبع ..