مصر موتورز مجتمع السيارات - لو معاك 90 الف وعجباك واحدة من النوعين دول هتشترى انهى فيهم؟!

مصر موتورز مجتمع السيارات (https://www.masrmotors.com/vb/index.php)

- مقارنات (https://www.masrmotors.com/vb/forumdisplay.php?f=174)

رد: لو معاك 90 الف وعجباك واحدة من النوعين دول هتشترى انهى فيهم؟!

اقتباس:

المشاركة الأصلية كتبت بواسطة AbOnOrA (المشاركة 761219)

بص لو كل اللى معاك 90 الف جيب عربيه فى حدود 70 - 80 الف بالكتير وخلى معاك فلوس للى جاى

حتى لو زيرو العربيه بتصرف كانها بيت تانى
بنزين وصيانات واكسسوارات وقطع غيار وغيرة وغيرة
ده غير الخنقة لما الواحد يقعد ممعاهوش سيوله
فالحسبة العملية انك لو حاطط 10 قروش لعربيه تدفع فيها كاش 8 قروش مثلاً وتخلى ال2 التانيين لمصاريفها خلال سنة على الاقل

اما لو حاسبها كويس وخلاص المبلغ ده كله رايح لقيمة العربيه كاش يبقى استخير ربنا وتوكل على الله

وبالنسبة للمقارنة بين العربيتين فهيحسمها طبيعة استخدامك

لو سواقتك (هادية) مبتجريش على سرعات ولا بتشد
لو محتاج عربيه عالية عن الارض واريح فى المطبات
يبقى التيجو انسب

اما لو محتاج موتور عفى يوم ما تحب تشد تلاقيه معاك
وثبات افضل نسبياً مقارنة بالتيجو لكن عموماً ثبات وحش ميطمنش اوى برضو
وانتشار وقطع غيار متوفره يبقى الانسب السيراتو

بس خد بالك من مشكلة سرقة السيراتو فلو هتجيبها تبقى مظبط جراج تمام
اما لو بتركن فى الشارع منصحكش تجيب سيراتو خالص

:Bravo::Wkiss5:

رد: لو معاك 90 الف وعجباك واحدة من النوعين دول هتشترى انهى فيهم؟!

الكيا تكسب طبعا والف مبروك مقدما

رد: لو معاك 90 الف وعجباك واحدة من النوعين دول هتشترى انهى فيهم؟!

اقتباس:

المشاركة الأصلية كتبت بواسطة AbOnOrA (المشاركة 761219)

:14FEAD~151::14FEAD~151:: Bravo::Bravo:
بالنسبة للاختيار
انا عن نفسى اختار الكورى رغم انى من اشد المعجبين بالتايجو
بس ساعه الجد انا مش هجازف واشترى صينى حتى لو الناس قعدت تحلفلي ان اداءة حلو لمليون سنه قدام
وياسلام لو دخلت النيسان صنى داخل الحسابات . يبقى انت كدا ريحت نفسك ل 30 سنة قدام
اليابانى يكسب طبعا .
-------------------------------------------
بالنسبة للناس الى هتدخل تعمل ذى الشريك المخالف ومش هيعجبها كلامى وهتقعد تنفخ فى الصينى وتقولى دا احسن من اليابانى والكورى والكلام الى بيلبس فى الحيط دة
اسالوا ابائكم واجدادكم عن اليابانى والتفكير اليابانى لما بيجوا يصنعوا عربية

رد: لو معاك 90 الف وعجباك واحدة من النوعين دول هتشترى انهى فيهم؟!

أتفق مع أبو نورا

أولا لإن طبيعة استخدام العربيتين مختلف

ثانيا لإن المصاريف لازم يدخل فيها المصاريف المخفية... زي الترخيص والصيانة الدورية في التوكيل وقطع الغيار المتوقع تغييرها في فترة أول سنتين على الأقل

مش هقوللك أنهي صناعة سيارات أفضل من التانية.... المواضيع دي محل خلاف كبير

بس لو عايز طريقة لاختيار السيارات وتقليل الحيرة... ادخل على الموضوع ده:
"عايز تشتري عربية ومحتار؟؟؟؟ تعالى أقوللك إزاي تختار"

...

رد: لو معاك 90 الف وعجباك واحدة من النوعين دول هتشترى انهى فيهم؟!

التيجو طبعاا عربية عالية وشديدة

وتستحمل المطبات بتاعتنا

مش زي السيراتو تقعد تفشق علي المطبات

:Wkiss5:

رد: لو معاك 90 الف وعجباك واحدة من النوعين دول هتشترى انهى فيهم؟!

انا عن نفسى هختار السيراتو لانى بحب السيدان :14FEAD~151:

رد: لو معاك 90 الف وعجباك واحدة من النوعين دول هتشترى انهى فيهم؟!

لو بين الأتنين دول يبقى كيا سيراتو أكيد التانية صينى و ممكن
تدخل نيسان صنى و نيسان تيدا و ميتسوبيشى لانسر و بروتون برسونا
أليجانس كلهم أحسن من بعض بس أحسنهم التيدا و البرسونا :GROWIN~12::GROWIN~12: