|
رد: فرنا ولا لانوس ؟
متابع بأهتمام
فى أنتظار أهل الخبرة |
رد: فرنا ولا لانوس ؟
لا دي ولا دي
العربيتين تقفيلهم سئ جدا جدا وبيحكوا في المطبات ودا عن تجربة علشان محدش بيقولي بفتي الميزة الوحيدة اللي في العربيتين ان قطع غيارهم في كل مكان واعادى بيعهم ممتازة جدا اللانوس من بعد شيفروليه بقت اسوا ما يكون تقفيل وخامات زي الزفت فرامل ضعيفة والفيرنا هيتوقف صنعها قريب انا انصحك باللوجان وانا عايزك تشوف التلات عربيات وتحكم بنفسك |
رد: فرنا ولا لانوس ؟
بص يا باشا ...
مافيش حاجة اسمها مقارنة ... فيه حاجة اسمها اوجه تفوق ... و خصوصا ان العربيتين متشابهتين في الاوجه الفنية اللانوس اوجه تفوقها : ثباتها احسن من الفيرنا كتير ... عيوبها : موتورها 88 حصان و يعتبر ضعيف بالنسبة لطبيعة ارضية بلدنا و الحرارة فيها الفيرنا اوجه تفوقها : موتور قوي جدا 102 حصان .. بصريح العبارة بينفع في الزحمة لما تحب تشغل التكييف ... و السحب فيه مش بيقل قوي في حالة تشغل التكييف ... تتفوق برضوا من ناحية انك كاشف كل ابعاد العربية بالكامل و دي ميزة مهمة للمبتدئين ... و قيادتها سهلة و سلسة عيوبها : بعد ال 90 بيكون التحكم فيها صعب ... بعد ال 120 مراجيح مولد النبي ... بعد ال140 النعش الطائر ... و دة لأن ثباتها ضعيف ... و الحل الوحيد انك تجنط العربية بجنوط نضيفة و تكون العملية محسوبة بس عن نفسي افضل الفيرنا :CHUBBY~36: |
رد: فرنا ولا لانوس ؟
اللانوس افضل من الفيرنا كثبات و قطع غيار و كشكل افضل من الفيرنا من وجهة نظري
|
| الساعة الآن 03:48 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017