المشاركة الأصلية كتبت بواسطة dr_eslam_66 (المشاركة 756346)

لا موضوع الفلتر دا كدة كدة لازم يتغير وإنتا لما هتفك كارتيرة زيت الجير هتعرف إنتا لازم تغيره ليه.
هتلاقيه لونه إسود بشكل بشع ولامم برادة حديد كإنه في مخرطة وكمان إنتا هتفك الكارتير وهتقف في الورشة طيب ماتغيره بالمرة وإنشاء الله مش هيكون غالي.
بس نصيحة غير الزيت والعربية باردة أحسن للجير بوكس ولما تفضي الزيت لو العربية كانت دافية شوية يفضل إنك تكون محضر الزيت التاني جنبك وتقفل وتملى على طول علشان ماتسيبشي الجير سخن من غير زيت.
ياريت لو لقيت الجوان الي بيركب بين نصين الكارتيرة بتاعت الزيت إشتريه بالمرة لأني القديم بيبقى غالبا مهري وغالبا ما بيتفتفت وإنتا بتفك أو على لاأقل بيتقطع جزئين كل جزء في نحية من جزئين الكارتيرة.
الكمية بتختلف من عربية لعربية وأنا كنت عملت الشغلانة دي في جير هايونداي ماتركس أوتو زمان بس مش فاكر خالص هيا خدت قد إيه وهما كانوا شبه بعض قوي حتى أنا كنت مشتري نص الكارتيرة الي تحت (كانت خبطة) من جير بتاع فيرنا.
كمية الزيت بتختلف من صنايعي للتاني وحسب طريقة إفراغه للزيت القديم والمدة الي هتسيب العربية تصفي فيها الزيت وهل عنده مكنة بتشفط الزيت من قلب الجير ولا لأ وبيعتمد بس على التصفية.

المشاركة الأصلية كتبت بواسطة xman2008 (المشاركة 755281)

ياريت لو تساعدوني ، انا جبت هيونداي فيرنا2004 اتوماتيك مستعمله وكنت عايز اغير زيت الجير بوكس لأنى حاسس النقلات بتأخر هي ماشيه 79000 كلم فكنت عايز اعرف كمية الزيت وافضل نوع وهل اغير الفلتر ولا لا .

تانى حاجه هو ازاي اقيس الطريقه الصحيحه لقياس منسوب زيت الجير بوكس لأنى لما حاولت اقيس لقيت كلمة ساخن وبارد على القياس ولما بسأل حد كل واحد بيقول كلام غير التانى ياريت تساعدونى بأرائكم وتجاربكم

المشاركة الأصلية كتبت بواسطة michaelmic (المشاركة 756441)

بص زيت الفتيس بيتغبر كل 40 الف يعنى انت المفروض تغييرة لو كان صاحب العربيه القديم غيره عند 40 ال كيلو
و احسن نوع زيت هوه موبيل او هوه الوحيد اللى فى السوق و ياريت تغيير الفلتر هوه غالى شويه ب 60 ج
و احسن طريقة لقياس الزيت زى ما بيقول الكتالوج اللى هوه العربية تكون على سطح مستوى يعنى مش حته واطية و حته عالية خصوصا الكبوت بتاعها و دور العربية و انقل الفتيس على كل سرعة يعنى من P الى D الى N الى 2 الى L واحدة واحدة و ارجع بيها تانى و بعد كدة بطل العربية و طلع المقياس و شوفيه لازم يبقى عند HOT دة زى ما بيقول الكتالوج بتعها
و لو عاوز كتالوجها قلى و انا ابعتهولك و تحت امرك فى اى حاجة و مبروك ..

المشاركة الأصلية كتبت بواسطة michaelmic (المشاركة 756441)

بص زيت الفتيس بيتغبر كل 40 الف يعنى انت المفروض تغييرة لو كان صاحب العربيه القديم غيره عند 40 ال كيلو
و احسن نوع زيت هوه موبيل او هوه الوحيد اللى فى السوق و ياريت تغيير الفلتر هوه غالى شويه ب 60 ج
و احسن طريقة لقياس الزيت زى ما بيقول الكتالوج اللى هوه العربية تكون على سطح مستوى يعنى مش حته واطية و حته عالية خصوصا الكبوت بتاعها و دور العربية و انقل الفتيس على كل سرعة يعنى من P الى D الى N الى 2 الى L واحدة واحدة و ارجع بيها تانى و بعد كدة بطل العربية و طلع المقياس و شوفيه لازم يبقى عند HOT دة زى ما بيقول الكتالوج بتعها
و لو عاوز كتالوجها قلى و انا ابعتهولك و تحت امرك فى اى حاجة و مبروك ..

المشاركة الأصلية كتبت بواسطة مشمش1 (المشاركة 756608)