مصر موتورز مجتمع السيارات - استخدم بنزين 92 واللا 80 للاكسنت

مصر موتورز مجتمع السيارات (https://www.masrmotors.com/vb/index.php)

- Accent Verna RB اكسنت فيرنا (https://www.masrmotors.com/vb/forumdisplay.php?f=237)

- - استخدم بنزين 92 واللا 80 للاكسنت (https://www.masrmotors.com/vb/showthread.php?t=97034)

رد: استخدم بنزين 92 واللا 80 للاكسنت

اقتباس:

المشاركة الأصلية كتبت بواسطة spear7 (المشاركة 754611)

علي النعمة انتحر ... عربية انجيشكين وتحط لها 80 ... جالك قلب ازاي .... دي مش بس تخسع لأ دي تفتح الباب و تقولك انزل خلينا اصحاب احسن :hehehe:

بص يا كبير ... ما دام ذكر الانجكشن ... يبقى ما تحطش اقل من 90 ... 80 دة للعربيات اللي بتفرقع في آخر السكة ... عارف يعني ايه الفرق بين مياه المجاري ... و المياه المقطرة ... هو دة الفرق بين 80 و 92 ...

انا سعيد انك سألتني السؤال دة ... انا هاشرحلك الموضوع بالتفصيل :

بنزين 80 : مش بيتحرق اساسا و بيضعف من عزم العربية و بيقلل القدرة الحصانية جدا ... زائد انه مليان شوائب و بيسد الرشاشات و بيتسبب ان البوجيهات بتضيع ( دة السبب لإستمرار الرعشة و التخسيع ) و بيسد فلتر البنزين و حالات اتسبب في عطل الطلمبة ... ميزته الوحيدة انه رخيص و بصريح العبارة هو عكس المثل الشعبي السائد خسارة قريبة و لا مكسب بعيد ... يعني هو مكسب قريب و خسارة قريبة برضوا .. لأنك اللي هتوفره هتصرف 5 اضعافه على صيانة العربية و قطع غيار

بنزين 92 : دة البنزين المثالي لأي عربية عشان تشتغل بكفاءة و تريح بالك على المدى الطويل عيبه الوحيد انه مكلف بسيط و ثباته مش عالي و بيطير بسرعة

بنزين 95 : دة كفيل انه يقلب عربيتك لعربية فيراري او لامبورجيني ... اقصى طاقة للعربية بتاعتك معروفة هو بيطلعها ... و في ألمانيا في بنزين 99 :1336:

و بالنسبة لموضوع التخليط ... فأحب اقول لك ... و لا كأنك عملت حاجة ... هتفضل زبالة الـ 80 موجودة :)

و ربنا يبارك لك فيها ... و يحفظها و يديك خيرها و يبعد عنك شرها ... و يجعلها سند ليك لا عليك

حكمة ( احترم الآلة تحترمك ... تفكر تهينها ... تهينك الصاع صاعين ):Bravo:

كلام يحترم ومنطقى جدا ومقتنع بيه تماما وهتبقى السبب انى اقلب 92 علطول ان شاء الله

طيب فيه ضبط للموتور واللا حاجة او الكهربا عشان يستقبل ال 92 واللا عادى

بالنسبة للبوجيهات يجماعة لسه مركبها من اسبوعين طقم جديد بس كان الراجل قللى ان فيه اتنين بوجيه ضعاف وجيت اشتالتهم بعد اسبوع اشوفهم لقيتهم اسود هباب بس كنت لسه بستخدم بنزين 80 والشكمان مهبب شوية

وكنت برده ركبت سير كاتينه بس حسيت ان العربية بعده مش تمام اوى فواحد قللى خلى حد تانى يشوفلك التقسيمة مع انى كان لسه فى السير حوالى 6 الاف كيلو على الاقل وكنت مغيرها لمجرد انى بحب اغير الحاجة قبل معادها

كنت عاوز انضف الرشاشات اروح لاى حد ينضفها واللا لو مركز صيانة يبقى افضل لانى بصراحة بحسس انى بخش بعلة للميكانيكى اطلع بعلتين

رد: استخدم بنزين 92 واللا 80 للاكسنت

اقتباس:

المشاركة الأصلية كتبت بواسطة spear7 (المشاركة 754611)

بالنسبة لل92 افضل للعربيات القديمه برضك انا معايا ريتمو نوفا 79 ولا مش بتفرق فى العربيات دى

رد: استخدم بنزين 92 واللا 80 للاكسنت

افضل اكيد طبعا جرب كده مرة ولو غلطة وانت هتشوف الفرق

رد: استخدم بنزين 92 واللا 80 للاكسنت

اقتباس:

بنزين 80 : مش بيتحرق اساسا و بيضعف من عزم العربية

بنزين الـ 80 بيتحرق اسرع من الـ 92 اخى الفاضل
ودة سبب ان العربية عزمها بيروح
بنزين ذو معامل اوكتان 80 بيعنى ان مقاومة البنزين للاشتعال هى 80
يبقى بنزين 92 مقاومتة على الاشتعال هى 92
يبقى الـ 80 بيشتعل بدرى عن الـ 92 ودة بيخلى البستم تحت ضغط عكسي لان الانفجار حصل قبل ما يوصل البستم الى النقطة الميتة العليا
فبيكون البستم فى مشوار الضغط وعلية ضغط عكسي وهو انفجار الشحنة ودة بيسموة حالة الصفع

الفكرة كلها فى تصميم المحرك ونسبة انضغاطة
وممكن نعملها فى صورة معادلة ونقول ان
نسبة انضغاط المحرك = حجم الاسطوانة +حجم غرفة الحريق/ حجم غرفة الحريق
وزمان كانت نسب الانضغاط 1:8
انما النهردة بنتكلم فى 1:10
نسبة الانضغاط القليلة يمشى فيها الحال بنزين 80 وبنزين 92 ساعتها هايكون فلوس بتدفع على الفاضى
نسبة الانضغاط الكبيرة لازم بنزين 92 والـ 80 ما يمشيشش معاها خالص
بدليل وهاجبلك مثال عملى
العربية لادا معروف انها بتنزل كربراتير من ساعة ما صنعوها وما فيش اى تعديلات حصلت فيها
ولما جم يعدلوها انجكشن شغلو عليها نفس وش السلندر بس اضافو مجموعة الانجكش واى كنترول جابوة والدنيا مشيت معاهم ولسة برضة بتشتل بـ بنزين 80

رد: استخدم بنزين 92 واللا 80 للاكسنت

اقتباس:

المشاركة الأصلية كتبت بواسطة mr_astra (المشاركة 755776)

السلام عليكم

:THUMBS~220:
:THUMBS~220::THUMBS~220:
:THUMBS~220::THUMBS~220:: THUMBS~220:
:THUMBS~220::THUMBS~220:
:THUMBS~220:

http://www.masrmotors.com/vb/showthread.php?t=90353

والله المستعان

رد: استخدم بنزين 92 واللا 80 للاكسنت

وعليكم السلام ورحمة الله وبركاتة
اخى الكريم "مشمش1" عودا حميدا

رد: استخدم بنزين 92 واللا 80 للاكسنت

اقتباس:

المشاركة الأصلية كتبت بواسطة mr_astra (المشاركة 755776)

باشا باشا باشا :THUMBS~220:أستاذ ورئيس قسم
كنت عايز أسأل حضرتك فى حاجة أنا عندى العربية مكتوب بالرخصة بتعتها لادا 2106 والموتور بتعها 1500 سى.سى هل هى كده الادا التى يطلق عليها 1500 ولا 1600 ديه حاجة ومعلش هتقل على حضرتك سؤال تانى أنا عندى العربية شغاله بنزين 80 سعات على السلانسية أو أكون ماشى فى زحمة على الثانى وحيت جبيت أولنى وأنا بدوس دبرياج القيها بطلت وفى المشى السلانسية ألقيها بطلت أرميلها وأنا مشى وأكمل بس على السلانسية تبطل أخدها مشوار على الصحرواى أو الدولى جرى على سرعات 80 - 100 - 140 وفضل على هذا المعدل أجى أخش فى زحمة ألقيها أتظبطت يوم ولا يومين ألقيها رجعيت تانى أجريها تظبط معايا هل هذا أنسداد ببيك السلانسية ولا أيه وشكر لحضرتك فى شرح موضوع البنزين الـ 80.

أخوك محمد
:THUMBS~220::THUMBS~220:: THUMBS~220: