رد: عايز اشتري 131
 

يعني صعب الاقي واحد بيبع عربية كويسة عشان عايز موديل اعلى او هيجيب زيرو

رد: عايز اشتري 131
 

ده مبيروحش السوق اساسا بيرميها على طول لأى غراب ولا حاجة معدية
ما هو مش فارقة معاه كتير
انما اللى تعباه ومطلعة عينة بينزل بيها السوق على طول
وفى برضو عربيات بتخلص من برا السوق
انتا بقى وحظك يا اخى الكريم

رد: عايز اشتري 131
 

لو ربنا بعتلك حاجة كويسة
وكان البائع جايب شهادة مخالفات والوقت لسة بدرى والشهر العقارى لسة فاتح اللى فى السوق
بتديلة كامل المبلغ وتاخد العربية منة والرخصة طبعا وتعمل اما توكيل او عقد بيع مسجل
الفرق بنهم فى الموديلات القديمة مش كبير
التوكيل بـ 12 جنية والعقد مثلا 70 جنية
الفرق او النصيحة انك ما تمضيش مشترى عشان يفضل معاك لغاية اما تنقل ملكية بامر الله
لو عملت توكيل يبقى تبص على صيغة التوكيل "لة حق البيع للنفس والغير وتوكيل الغير"
ولو اللى بيبعلك معاة هو كمان توكيل لازم يكون مكتوب فية الصفة "بصفتة وكيلا عن فلان الفلانى"

رد: عايز اشتري 131
 

لي تعليق على موضوع العربية دقه قايم
انه مش شرط ان العربيه تبقي فيها حاجه معيوبة علشان تدق قائم
العربية اللي معايا دقه قائم وده علشان كانت مترخصه فى مرور القاهره ولما جينا ننقلها لمرور تاني بره المحافظة مرور القاهره نفسه هوا اللي دق الرقم علي القائم وحاولنا نعترض ومنفعش
الكلام ده سنه 1998

واحب ازود انك لو خلصت فحص العربية واطمنت ليها و اقتنعت بيها وقبل ما تدفع فيها غير ليها الزيت سواء موتور او كارونه او فيتيس و اركبها وجربها علشان تكون مطمئن ان الزيوت اللي فيها مش عليها اضافات بتخفي عيوب في العربية

رد: عايز اشتري 131
 

انا كنت عايز اعرف هو ينفع اخد العربية من السوق اكشف عليها في بنزينة او عند حد صاحبي وبعدين مشتريهاش لو فيها حاجة

رد: عايز اشتري 131
 

ممكن بالاتفاق مع صاحبها تاخدها مع صاحبها للمكان اللي عاوز تكشف فيه
ولو اتحركت بالعربية مع الراجل صاحبها مش يكون معاك الفلوس اللي هتشتري بيها لانه حصلت اكتر من مره ان الفلوس تتسرق ومش يكون فيه بيعه ولا حاجه

رد: عايز اشتري 131
 

يا جماعة انا عايز اقولكوا لفيت السوق كله ومفيش ولا عربية اقل من 21 الف جنيه

ازاي الاقي واحدة ب17 بس؟!