مصر موتورز مجتمع السيارات - فيلم" النار"قصة وسيناريو وحوار د0تامر محمد

مصر موتورز مجتمع السيارات (https://www.masrmotors.com/vb/index.php)

- نادى المبدعين (https://www.masrmotors.com/vb/forumdisplay.php?f=121)

- - فيلم" النار"قصة وسيناريو وحوار د0تامر محمد (https://www.masrmotors.com/vb/showthread.php?t=9585)

رد: فيلم" النار"قصة وسيناريو وحوار د0تامر محمد

مجهود رائع انا فى الانتظار

رد: فيلم" النار"قصة وسيناريو وحوار د0تامر محمد

-5-
داخلى /ليل
-------------
(ردهة شقة عماد -أثاث متواضع- يجلس عماد على أنتريه قديم-خلفه سفرة صغيرة-أمامه تلفاز قديم -يشرب من كوب شاى أمامه ويتابع التلفاز فى غير اكتراث)
ويأتى الصوت فجأة:
-السلام عليكم
(الكاميرا على وجه عماد 00ذهول وفزع)
يقول فى دهشة:
-أنت دخلت هنا ازاى
(الكاميرا على وجه الشاب الذى انقذه بالامس)
يبتسم الشاب ويقول:
-أنا ممكن أدخل اى مكان
قال وصوته يعلو:
-تبقى حرامى
ضحك الشاب وقال بهدوء:
-لأ طبعا00
لا حرامى ولا حاجة
أنا جاى عشان ارد لك الجميل
قال عماد فى ضيق:
-ياعم قلنا العفو وخلاص
أنت ح تطاردنى ولا ايه؟
قال وابتسامته تتسع:
-أنا عايزك تطلب منى أى حاجة00
لازم أرد لك الجميل
ضرب عماد كفا بكف وقال بضيق بالغ:
-يعنى هوه أنت مصباح علاء الدين
يا عم حل عنى أنا مش ناقصك
(ذهب عماد لباب الشقة ليفتحه00 وقبل أن يبلغه00 فتح باب الشقة من تلقاء نفسه فجأة00
الكاميرا على وجه عماد والذهول يسيطر عليه)
(قطع)
(الكاميرا على وجه الشاب والابتسامة تملؤ وجهه وفى عينيه بريق مخيف)
يلتفت عماد للشاب00
يقول بصوت متقطع:
-أنت ايه؟
ساحر؟
يضحك الشاب:
-يعنى00
أنا أسمى نور
قال عماد بضيق:
-تشرفنا يا سى نور
أشوف وشك بخير مع السلامة
قال :
-أنا ماشى 00
بس اكيد ح نتقابل تانى
(الكاميرا على ظهر عماد وهو ينتظر مرور الشاب وخروجه)
يلفت عماد فيتبين عدم وجود الشاب
(الكاميرا على وجهه الذى ينطق بالذهول )

رد: فيلم" النار"قصة وسيناريو وحوار د0تامر محمد

-6-
خارجى/نهار
--------------
عماد خارج من الشركة وخلفه بعض الموظفين00
يقف فى انتظار الحافلة وهو ينظر فى ساعته00
يلتفت يمنه فيجدها-منى زميلته الجديدة فى العمل-تقف أمام سيارتها الصغيرة الحديثة وتفتح غطاء المحرك وتبدو على وجهها حيرة00
يقترب منها00
يقول:
-أنا ممكن أساعد لو سمحتى
قالت بترحاب:
-ياريت00
مش عارفة العربية مالها 00مش راضية تدور
(يقلب فيها 00 ثم يدخل الى داخلها ويحاول ادارتها ولكن بلا جدوى 00 يبتسم وهو يخرج متوجها الى المحرك ليتبين العطل)
يقول فى ابتسامة عريضة:
-تعرفى أنى مهندس ميكانيكا
قالت متفاجئة:
-معقول
قال بخيبة:
-وأيه معقول ف البلد دى!
قالت بدهشة:
-انت فرصتك كبيرة بره الشركة
-جايز00
لكن أنا أكتفيت من زمان
-ليه ؟
أنت شاب ولازم تعمل مستقبل
نظر اليها فى شىء من الشرود00ثم اتجه الى الداخل وادار السيارة فدارت
قالت وهى تبتسم:
-ما أنت شاطر أهوه
قال مبتسما وهو يغادر السيارة:
-يعنى00
مع السلامة
قالت:
-لازم أوصلك
قال:
-مرة تانية00
أصل عندى كام مشوار كده
قالت باصرار:
-برضه أوصلك
قال منهيا:
-معلش 00أتفضلى انتى
رفعت حاجبيها فى دهشه وانطلقت وهى تقول:
-مع السلامة
قال:
-مع السلامة
وهو يتابع سيارتها وهى تبتعد

يتبع

رد: فيلم" النار"قصة وسيناريو وحوار د0تامر محمد

موضوع رائع يا دكتور
متابع باهتمام

رد: فيلم" النار"قصة وسيناريو وحوار د0تامر محمد

متابعينك يا دكتورنا الغالى
ربنا يبارك لنا فيك

تحياتى للجميع ptmnlo123per122

رد: فيلم" النار"قصة وسيناريو وحوار د0تامر محمد

-7-
داخلى/ليل
------------
حجرة نوم فخمة00منسقة 00
(الكاميرا على وجه منى التى تستلقى على الفراش هائمة)
(موسيقى ناعمة تنطلق)
تقوم من على الفراش00
تتجه الى الشرفة وتفتحها لتتلقى نسمات الهواء البارد فتضم ملابسها الى صدرها
(قطع)
(فلاش باك)
والدها يجلس فى الصالون بملابسة الفخمة الانيقة
أمامه يجلس شاب وسيم
تجلس منى على يساره
يقول الاب فى لهجة يتقمص بها دور الحكيم:
-بص يابنى 00
أنت شاب ممتاز 00
لكن امكانياتك محدودة ودى بنتى الوحيدة
انت لو مكانى00ح تتمنى لها حاجة كبيرة
أنا آسف
(الكاميرا على وجه الشاب)
جميع الحقوق محفوظة للكاتب د0تامر محمد
يقول بخيبة أمل وملامحة تعتصر انكسارا:
-حضرتك انا مسافر بعثة والامور ان شاء الله ح تتغير
قال الاب باصرار:
-انا ف النهارده00
آسف يابنى
(يقوم الرجل ايذانا بانتهاء المقابلة)
يقول:
-سعيد بمعرفتك
يلملم الشاب جسده الذى تبعثر ويقوم منكسرا وعيناه تغرق بالدموع
(الكاميرا على وجه منى)
تطرق بانكسار والدموع تتساقط من عينيها فى صمت
(قطع)
تغادر منى الشرفة وتتجه للفراش
(فلاش باك)
عماد جالس على مكتبه يقلب فى أوراقه00 ثم يرمقها بنظرة تبتسم لها فى اشراق
(قطع)
منى مستلقية على الفراش
ابتسامة عريضة وصافية
تتبدل الى شحوب ثم شرود

تتبع

رد: فيلم" النار"قصة وسيناريو وحوار د0تامر محمد

-8-
داخلى /ليل
-------------
عماد يجلس على فراشه وغارق فى قراءة صحيفة
يسمع طرقات على الباب حجرته المغلقة
الذعر يسيطر عليه وهو ينتفض على الفراش
تتكرر الطرقات وصوته يختنق فى حلقه
وينفتح الباب فى بطء00
يلتصق هو بمقدم الفراش وذعره يزداد
يدخل نور وهو يقول مبتسما:
-مساء الخير
آسف أنى أزعجتك
قال عماد فى غضب:
-أنت تانى
قال نور بنفس الابتسامة:
- أنا حبيتك وبقيت أخويا الشقيق ومقدرش أبعد عنك
قال عماد بغضب ممزوج برعب:
-أنت بتدخل فجأة00
وتختفى فجأة00
وتظهر من غير ميعاد00
أنت ايه؟
قالها وهو يصرخ
(الكاميرا على وجه نور)
ضاقت عيناه وتجهم وجهه
قال بهدوء:
-أنا أخوك نور00
من الجن
(الكاميرا على وجه عماد 00فزع ورعب وتجمد)
ويسقط عماد مغشيا عليه

تتبع