مصر موتورز مجتمع السيارات

اقتباس:

المشاركة الأصلية كتبت بواسطة mohamed wagdy (المشاركة 744760)

ا/ هشام انا باذن الله نازل القاهره انهارده عشان انقل ملكية العربيه من مرور الاميريه لمرور مطروح وكنت عايز اشد العربيه فى القاهره . فكنت عايز استاذنك تقولى على مركز محترم او عناوين سمكرى كويس وميكانيكى وعفشجى وسروجى وبوهيجى . ودى اول مره اشد فيها العربيه فتنصحنى ابدا بايه يعنى اوديها لميكانيكى الاول ولا سمكرى

اقتباس:

المشاركة الأصلية كتبت بواسطة mohamed wagdy (المشاركة 744760)

وياريت لو تقولى على مبلغ تقديرى للمصاريف دى
هو كل الى عايز اعمله سمكره خفيفه . العربيه مفيهاش حاجه
وعندى الكرونه فيها ونه هتحتاج كرونه جديده
وعايز اغير الكربراتير . والجيربوكس فيه غويشه لان الاولانى بيرد واشوف موضوع الزيت ده
وهعمل فرش للكراسى وفرش للبيبان
ولو فى اى حاجه تانيه محتاجه تتعمل

فك العربية كلها سروجى وفرش أبواب إلخ

وبعدين تنفض العربية من التراب وكده علشان تظهر اى شرخ ولا بارومة

وبعدين تفك حجات الكهرباء كلها

فوانيس وتبلوه ومكنة المساحات

ولو الإزاز امامى وخلفى عاوز بتعمل تحته فيه بارومة ولا حاجة مش مشكلة فكه وشيله فى مكان امين ويتركب فى يوم تركيب السروجى

وماتنساش يكون معاك غطا تقيل تغطى بيه العربية وتأمنها ضد السرقة

هتخلص السمكرة والدوكو وبعدين تطلع ع الكهرباءى وبعدها السروجى يقفل

لو هتعمر الموتور وتغير الفتيس يبقى قبل توضيب الصالون طبعا

انما لو فيها شغل خفيف مش مهم الترتيب

الكارونة ليها مادة انا عملتها بنفسى زميل لنا فى المنتدى وأخ أكبر وأحد أعمدة المنتدى قاللى عليها

والصراحة الكارونة بعد ماكانت بتزن وتون وتخبط ونا ماشى دلوقتى ماشاء الله خرست خالص وعزمها زاد

انا قولت تبص الأول على كرتيرة الزيت لأنها كانت بتجيب زيت فى عربيتى حتى بعد ماعملت طقم الشنبر

ودلوقتى الحمدلله مبقتش زى الاول

جوانات الموتور بتعمل حوالى 70 جنيه
طقم الشنبر تمنه 100 جنيه
طقم السبيكة ، ده لو كانت مجرحة ، فى حدود 90 جنيه ، وفيدرال موجل كويس او المصانع الحربية
الخراط بتاع الوش نضافة وكاوتش صباب هياخدله بتاع 100 جنيه برضو
والمصنعية فى حدود 250
والله أعلم