مصر موتورز مجتمع السيارات - اسافر اسكندريه ازاى

مصر موتورز مجتمع السيارات (https://www.masrmotors.com/vb/index.php)

- سفارى وطرق (https://www.masrmotors.com/vb/forumdisplay.php?f=7)

- - اسافر اسكندريه ازاى (https://www.masrmotors.com/vb/showthread.php?t=94778)

رد: اسافر اسكندريه ازاى

اقتباس:

المشاركة الأصلية كتبت بواسطة screamseko (المشاركة 737191)

انت كده لففتها جامد ياباش مهندس احمد
اسهلها تطول صحراوي علي طول لغاية متوصل لكارفور وتخش شمال طوالي حتلاقي نفسها في الشاطبي!!
واعتقد حوار البركه ده مفيش دلوقتي :Wkiss5:

ايوه هو ده اللى انا عايزاه يعنى لما اكمل دوغرى هادخل الشاطبى ده ازاى ويا ترى ده اقرب شاطىء كده عشان ان شاء الله ارجع بسرعه للقاهره وبيكون زحمه ولا ايه

رد: اسافر اسكندريه ازاى

اقتباس:

المشاركة الأصلية كتبت بواسطة Al Ghareeb (المشاركة 737680)

الأخوة ما شاء الله وصفولك السكة تمام

بس السؤال المهم حضرتك عايزة تروحى شاطىء هادى لمجرد الجلوس على الشاطىء و الاستمتاع بمنظر البحر و الهوا
و لا حد هينزل المية
علشان العيد بيبقى زحمة جدا فى اسكندرية لأن كتير من الاخوة من كل مصر بيفكروا نفس تفكير حضرتك و خصوصا ان العيد جاى فى الصيف
فأنا بأسأل حضرتك علشان متروحيش مكان وبعدين ترجعى تشتمى فى اسكندرية و اليوم اللى روحتى فيه اسكندرية

هو سؤال حضرتك مهم فعلا احنا مش هننزل الميه ولا حاجه يعنى انا عايزه اى شاطىء هادى وخلاص صغير ولا كبير مش هتفرق معانا كل اللى يهمنى يكون اقرب حاجه للقاهره وخلاص مش عايزين يعنى نتعمق فى اسكندريه ( بيتهيألى لو الكورنيش اقرب ممكن نقضيها هناك وخلاص ) كام ساعه كده ونرجع فى النور ان شاء الله لان اختكم يعنى بردو لسه جديده فى السواقه مش محترفه اوى يعنى . وفعلا موضوع الزحمه ده انا نسيته خالص وتقريبا كده هاعيد النظر فى الموضوع خصوصا انى مش فاهمه خريطه الاحياء هناك ولا عارفه هنتغدى فين ولا نتفسح فين:1281F1~121:

رد: اسافر اسكندريه ازاى

الاحسن لو حضرتك عايز شاطئ كويس ومش لازم شاطئ معين
حتاخد زي ما الاخ احمد علي قال بس مش حتروح الدولي
كمل للاخر لغايه الكيلو 21 حتلاقي مستشفي مبره العاصفره في الاخر
وحتاخد الصينيه شمال اتجاه مطروح حولي كيلو ونص حتلاقي قريه الصفا خوش الشارع بتاعها للاخر الشاطئ هناك ممتاز وهادئ جدا عباره عن اهالي
وبعيد عن زحمه الاسكندريه
وان شاء الله اجازه سعيده:Wkiss5:

رد: اسافر اسكندريه ازاى

فعلا بدل ما تدخلى اسكندرية

والوقت يضيع فى الزحمة و السواقة

يبقى وصفة استاذ محمد

قرية الصفا

رد: اسافر اسكندريه ازاى

اقتباس:

المشاركة الأصلية كتبت بواسطة Muhammad A (المشاركة 737805)

وصفة حضرتك ممتازة لكن أرجو ان حضرتك تتقبل رأيى بخصوص شاطىء الصفا لأن الشاطىء دا تعبان و المنطقة منطقة تعبانة طالما محدش هينزل المية

الأفضل للأخت الكريمة انها تاخد الطريق على طول لغاية الشاطبى و من هناك ممكن تروح كامب شيزار أو كليوباترا و هناك ممكن تركن فى أى باركينج على البحرعلى طول و تستمتع بالبحر طالما محدش هينزل المية و طريق العودة هيكون سهل جدا

دا رأيى الشخصى و الله أعلى و أعلم

رد: اسافر اسكندريه ازاى

ملحوظة
الطريق الصحراوي بعد كوبري العامرية وبعد الدخلة بتاعة الدولي اللي وصفها م. احمد علي المجاري طافحة والطريق متكسر واللي حيكمل في الصحراوي حيقف ساة على ما يعد الحتة دي هي حوالي 80 متر مدغدغة ولو العربية واطية حتحك في المطبات اللي صنعتها المجاري

فرجاء

امشوا على وصفة الاخ احمد علي واسلكوا الطريق الدولي حتى محرم بك
وملحوظة اخرى الدولي علية مطب هوا محترم ممكن يكسر المقصات
ارجوكوا اللي يمشي في الدولي ياخد حذره