مصر موتورز مجتمع السيارات - لأصحاب الخبرة .. تنصحوني بأيه !؟؟؟

مصر موتورز مجتمع السيارات (https://www.masrmotors.com/vb/index.php)

- مصر بايكرز (https://www.masrmotors.com/vb/forumdisplay.php?f=146)

- - لأصحاب الخبرة .. تنصحوني بأيه !؟؟؟ (https://www.masrmotors.com/vb/showthread.php?t=94720)

رد: لأصحاب الخبرة .. تنصحوني بأيه !؟؟؟

ونصيحة اشتري بايك افراج جمركي وبلاش تشتري حاجة استعملت في مصر الا لو من حد تعرفه
غير كده خليك في الافراج :Wkiss5::Wkiss5:

رد: لأصحاب الخبرة .. تنصحوني بأيه !؟؟؟

اقتباس:

المشاركة الأصلية كتبت بواسطة ابو الشوق كاديلك (المشاركة 736955)

بص يا ريس بتعرف تسوق حاجة وانك كنت راكب ريس بتاعك حاجة

نصيحة لوجه الله طالما لسه جديد في الموضوع

خليك في هوندا cbr250 او cbr400 فاير او عادي زي ما تحب
قطع غيارهم ارخص كتير ومنتشرة من الحجات العالية والتحكم بتاعهم اسهل، التسعميات وزنهم اتقل كتير واصعب في السواقة

ممكن تجيبلك بايك استيراد ( يعني انت اول حد يركبه في مصر ) حالته هتكون ممتازة وماشي في حدود 5000 او 1000 كيلو وطبعا سعر كويس
من بورسعيد او من القاهرة في محلات كتير شغالة فيهم

ورأيي طالما بتعرف تسوق خليك في 400 سي سي سحبه حلو وهيعجبك عشان ال250 بعد ما تتعود عليه وتبقي تمام هتزهق منه

وطبعا سيادتك لازم تكون حاطط ميزانية للسيفتي
خوزة مطابقة لمواصفات dot + جواتني ودول حد ادني

وشوية لما الصيف يخلص تجيبلك جاكت عليهم وجزمة سيفتي
الحجات ديه بتتكلف شوية بس لازم تجيب حجات مطابقة لمواصفات الامان الامريكية او الاوروبية

السيفتي اهم من البايك حياتك اهم من مليون بايك عشان الحادثة بتزعل اوي صدقني

بالتوفيق:Wkiss5::Wkiss5:

مش عارف اقوللك ايه بصراحه شكرااا بجد علي النصيحه وانا عارف الي انتا ادري مني بالبايكس بس المشكله انا حجمي كبير شويه و ال400 بحس ان جسمي كله بره البايك فعلشان كدا عاوز حاجا تشيلني هههههههههه
وكمان ما بحبش اغير كتير عاوز حاجا ليه ومعايا ففكرت وشورت ناس رشحولي 919
انا اعرف انه بايك جراااااااااااااي بس الحمد لله انا هادي في سواقتي مش مجنون يعني
معلش بقي هاتقل عليك....... انتا بتقول الافراج احسن طب 919 موديل 1999 تعملها كام في بورسعيد نضيفه ؟؟؟

رد: لأصحاب الخبرة .. تنصحوني بأيه !؟؟؟

اقتباس:

المشاركة الأصلية كتبت بواسطة max 33 (المشاركة 737052)

يا ريس مش فكرة بتحب الجري ولا لا
ولا فكرة حجمك كبير او انك هتشتري بايك ويفضل معاك العمر كله

بص يا ريس انا خبرتي في البايك مش كتيرة بس (كل)الناس اللي اعرفها اتعلمت علي cbr400 , 250 وكله في الاول لازم بيخبط البايك يقع بيه عادي ويلخبط في الفرامل وصدقني سواقة 900 cc صعبة وحدثتة مختلفة يا عم ده بيجيب سرعة حوالي 100كم في النقلة الاولي تقريبا ( وده بلمسة ايد اخد بالك ) فحرام عليك نفسك تشتريه وانت مش متمكن بنسبة 100 %

وبصراحة انا مش عارف اقولك ايه علي الناس اللي بتقولك اركب 919 الناس ديه بتهزر واألهم هما اتعلموا عليه ولا لا
(( وطبعا خلي بالك اغلي حاجة في البايك الفايبر بتاعه بيكون بحوالي نص تمن البايك لو الفايبر حالته وحشه متشتريش ووانت في الاول يفضل تفكه وامشي من غيره شوية بس في الاوا علي ما تخد علي البايك))

ممكن واحد يتعلم علي عربية غالية وموديل السنة عادي مش مشكلة لكن علي بايك عالي صعب صدقني حدثته وحشة بجد والله وفي الاول كله بيعمل غلطات في السواقة

عموما رأيي تفكر في 400 يقعد معاك كام شهر وتغير ومش هتخسر فيه كتير وحتي لو هتخسر مش مشكلة صدقني الفلوس مش مهمة
وبعدين هات اللي انت عايزه انا بقلك اللي كل الناس بتعمله (( وده رأيي وانا كده قولتلك اللي يخلصني ليه ضميري وانت فاهم اني مليش مصلحة في كلامي وفي النهاية انت صاحب القرار ))

وعموما لو انت مصمم اوووووووي يعني علي رأيك خليك في cbr 650 موديل فوق ال2005 واعتقد انه افراج هيكون اغلي من ميزانيتك( وانا رأيي بلاش cbr650 )

بخصوص الاسعار انا مش متابع اسعااار من زمااااااااان والله فاعذرني بصراحة

اللي فاكره ان ال400 عادي افراج جمركي عامل في حدود 18 ل20 والفاير ازيد الفين تلاته ( اسعار مش دقيقة )

ورأيي انزل بنفسك ومعاك واحد صاحبك اتفرررررج ولف علي كل المحلات واعرف الاسعار الموضوع هياخد منك مجهود بس لازم تعمل كده عشان تشوف افضل الاسعار ولما تشتري انت فاهم انك لازم تشوف حد يشوفلك البايك ويا ريت تشتريه من محل يكون معروف بامانته:Wkiss5::Wkiss5:

رد: لأصحاب الخبرة .. تنصحوني بأيه !؟؟؟

اقتباس:

المشاركة الأصلية كتبت بواسطة ابو الشوق كاديلك (المشاركة 737055)

تصدق انا بدات اقتنع بكلامك بس مش اؤؤؤؤؤؤؤؤي يعني انا خلاص قررت مش هابدئ ب 919 بس بردوا مش حابب ال 400 و250 فايه راي حضرتك في cbr 600f4 ولحد علمي هوا قريب من امكانيات ال400 فاير مع الفارق طبعا لل600 وكمان انا اعرف ناس كتير بداو بالبايك دا واحب اعرف رايك بردوا
http://t3.gstatic.com/images?q=tbn:A...XNcphTf1Nd-vyp
http://t1.gstatic.com/images?q=tbn:A...zytqh4wdUGDD9g
http://t0.gstatic.com/images?q=tbn:A...4yAHrfTm0mNfDk
http://t2.gstatic.com/images?q=tbn:A...vEtfaWLXBUK_Ug

رد: لأصحاب الخبرة .. تنصحوني بأيه !؟؟؟

بص فيه ناس بدأت بيه فعلا وممكن تتعلم عليه بس الموضوع عايز وقت وحد فاهم يكون معاك

بص اللي اعرفه عن الريس ده ان قطع غياره هتتعبك مش منتشرة ولو لقيتها بتكون غالية

وهو بوجه عام ريس مش منتشر في مصروملوش سوق عندنا وطبعا هيخلي سعر اعادة البيع في الارض ( وبصراحة انا بحس انه ريس مش مميز في اي حاجة فاااااااااااكس ) ده اللي اعرفه عنه
انا عشان كده قلتلك650 cbr موديل موديل من اول 2001 وانت طالع وبعد 2005 كان فبه تعديلات
ربنا يوفقك :Wkiss5::Wkiss5:

رد: لأصحاب الخبرة .. تنصحوني بأيه !؟؟؟

لو مصر علي ريس و فلوسك تجيبلك 600 اف 4 اي ... وعايز الحرص وواحد بيسوق ريس يعلموهلك لان برده مكنته كبيره ...
انما تسعميات في بدايه ومع واحد مساقش ريس او لسه هتتعلم هيبقي خطير وممكن لا قدر الله مع سحبه الغيار الاول تقع ...
لو مانك واول ركوبي اجيب كاستم ...

رد: لأصحاب الخبرة .. تنصحوني بأيه !؟؟؟

اقتباس:

المشاركة الأصلية كتبت بواسطة nktis (المشاركة 738722)

متشكر جدااا علي ردك
فانا فكرت ما دام التسعميات متنفعش كبدايه اشوف حاجا اقل cc , hp فانا مش حابب الشكل القديم بتاع ال 400 و 250 فكنت بفكر ف 600f4 mo 2000
فكنت عاوز اعرف تنفع كبدايه بس المشكله انا سمعت انها ملهاش سوق في مصر وبيعها صعب شويه ؟؟؟؟؟