رد: رسيفر جديد...
 

أستاذ سيد سعيد بالحوار معك.. قليل ما أجد شخص فاهم وعارف زى حضرتك....زى ما حضرتك قلت احسن باقة على النيل سات هى الشو تيم. من حوالى 4 سنين كدة كان مولد القنوات المفتوحة وكان كل التشفير متكسر لكل الباقات وكان كل يوم تأخد رقم الباقة ودخلة وتتفرج بالرسيفر على كل الباقات المتاحة على أقمار النيل سات والأوربى وكمان التركى والإسرائيلى ببلاش بمجرد إدخال الشفرات كل كام يوم. وساعات كنت تحط سوفت وير يكسر كل الباقات لعدد من الايام ,انا الحقيقة بعرف فى حكاية حط السوفت وير وعندى الوصلة وماشى الحال فى الحوار دة. كان مولد بجد ومن هنا أتفرجت على الشو تيم كام مرة على الرسيفر العادى والتلفزيون العادى والحقيقة رغم أن التلفزيون كان عادى والرسيفر عادى ولكن القنوات كانت مختلفة تماما عن القنوات المصرية من حيث الإضاءة وكاميرات التصوير. أتمنى فى يوم أن تكون كل قنواتنا بنفس هذه الجودة والتى تجعلك مستمتع بالمشاهدة.من خلال القراة عرفت أن الكاميرات المستخدمة أصلا فى هذه الأفلام تتميز بالتقدم الشديد الذى يجعل الفلم والألوان مختلفة على الرسيفر العادى... الحقيقة قنوات الشو تيم غالية جدا على اغلبية الشعب المصرى. والأمل الوحيد هو فى قنوات MBC التى أتجهت حديثا لنظام الهاى دفنشن. ونتمنى ان البقية تأتى. ولكن تبقى الشو تيم متفردة فى أفلامها وقنواتها لان الأختيار فيها مميز جدا وأحدث الأفلام فيها. بالطبع يكون فيها بعض المشاهد الغير أخلاقية بالنسبة للشعب المصرى والعربى ولكن كويس أنهم بيقولوا للناس عن نوعية الفلم قبل عرضه.فى نقطة مهمة أحب اقولها هنا، ما هى أفضل تلفزيون للشعب المصرى الأن على الوضع الحالى. الحقيقة فى ثلاث اربع انواع مختلفة فى التقنية من التلفزيونات. LCD وتلفزيون LED وتلفزيون 3D وتلفزيون البلازما. معظم الناس بتشترى الأن LCD ولكن الحقيقة LED افضل من حيث التقنية وكذلك هناك عدد من الشركات التى تصنع الشاشات. وبعد مشاهدة وبحث أقولها صريحة. افضل شركة تصنع شاشات مضغوطة هى سونى SONY كل الشركات كوم وسونى كوم لوحدة من حيث دقة الألوان والتكنولوجيا الحقيقة مرة دخلت محل كان مشغل كذا شاشة فى وقت واحد وبهرتنى السونى بدقة الألوان البعض يقول ان الوانها زاهية وحادة زيادة عن اللازم وخاصة لو كانت الغرفة صغيرة والشاشة كبيرة ولكن بجد دقة الصورة والألوان فى السونى لا يعلى عليها وهى تجعل القنوات مختلفة عن كل الشاشات الأخرى. ولكن عيب الشاشة عدم الإنتشار وغلو الثمن بعدد من المئات. ولكن مش خسارة فيها وهى الشاشة التى سوف أشتريها. واللمستقبل يجب أن تكون الشاشة Full HD وليست HD ready الشاشة full HD هى شاشة المستقبل. وسنكون بهذا حضرنا المتارد قبل ما تيجى الجاموسة. عندنا الرسيفر والتلفزيون HD ويبقى ان تتحول القنوات واحدة تلو الاخرى لنظام HD والذى يستلزم شراء كاميرات مخصوصة لتصوير كل شئ. يا مسهل

رد: رسيفر جديد...
 

الحقيقة مواصفات الجهاز عند حضرتك فعلا عالية. وأنا عندى حاجة مشابهة ولكن اقل فى الذاكرة وكذلك الماذر بورد. عندى مازر بورد جيجا بيت G31 والذاكرة 2 جيجا. وطالما حضرتك له علم بعالم الكمبيوتر دعنى اسألك هذا السؤال. انا فى 2009 جبت ذاكرة كينجستون 1 جيجا وفى 2010 جبت واحدة تانية اسمها هينكس تيوانى 1 جيجا بردوا. بعد شوية لقيت فى مشاكل فى الكمبيوتر وتظهر الشاشة الزرقاء المشهورة والوندز فيه مشاكل فى البدأ والقفل وكل مرة يقول ان الكمبيوتر اتقفل غلط. بعد بحث وتدوير اتضح ان الذاكرة الكينج ستون ضربت وكان فيها مشكلة من خلال تشغيل برنامج Memory Diagnosis Test من الوندز. الثانية كانت كويسة. أشتريت واحدة جديدة هينكس برضوا واحد جيجا ورميت الكينجسنون فى عام 2011 والأن فى 2012 ومن كام أسبوع حدث الأمر نفسة مع الذاكرة التى أشتريتها فى 2010. أنا اعرف ان الذاكرة من الأجزاء المادية التى من الصعب ان تتعطل وانا بعد ما أشتريت الذاكرة كنت عملت بيها test و كانت كويسة يعنى أنها كانت سليمة ولكن ضربت عندى... مش عارف السبب ايه فى الحكاية دى وانا عملت test بكذا برنامج الحقيقة والنتيجة واحدة.. فهل عند حضرتك سبب ليه مش بيعيش لى ذاكرة اكثر من سنة؟؟؟ لا يمكن أكون بشترى ذاكرات كلها مضروبة؟؟؟؟---------------------------------------------------------------------------------------------------------------------------------------------------------------------------------------------------------------------------------------------------وهذا يجعلنى اقولها صريحة ان حاسب لكل بيت وحاسب لكل طالب وهى المبادرة من وزارة الإتصالات ووزارة التعليم كانت مبادرة جيدة جدا لانى أشتريت الحاسب الأول منذ 9 سنين وكان عشرة على عشرة وعمر ما حاجة باظت فيه لمدة 5 سنين. وبعت هذا الجهاز القديم منذ 4 سنوات بمبلغ هايف جدا وزعلان دلوقتى ان ضحيت بيه............متشكر للمشاركة

رد: رسيفر جديد...
 

هو بالنسبه ليا انا فعلا الشاشة اللى عندى ال سامسونج فعلا مقضيه الغرض الحمد لله بكفاءة لانها Full HD بس بالنسبه للتلفزيونات فيه انواع كتير بس الانواع الكويسه فعلا LG و Samsung و Sony وماركات تانية قليله بس الباقى بقى وكل الشركات التانية بجد تعبانة جدااااااااا بالنسبه لاحسن تلفزيون فهو بينقسم لقسمين تقنية بلازما : وديه تقنية للاسف لم تثبت كفائتها لان للاسف فيها مشاكل كتير وعمرها قليل جدا والتقنية التانية :هى ال LCD و بينقسم لقسمين النوع الاول LCD : وده الشاشة اللى بتطلع الصورة ادامك بيبقى وراها لمبات زى اللمبات الفلورسنت اللى بنركبها عندنا فى البيوت الطويلة ويعيبها فقط ان النسسبه ما بين اللون الاسود واللون الابيض فرق قليل ليه لان اللمبات اللى منورة الشاشة شغالة على طول مش بتطفى فلما الشاشة بتقوم بعمل لون اسود فى الصورة فبيكون اللون الاسود طالع كانه رمادى ولكن ميزيتها انها صعب تبوظ جدااا حتى مع الزمن وتلاقى الاضاءة بتاعت الشاشة بتقل وخلاص تحس انها باظت بتروح للوكيل بتاعها و بتغير اللمبات الفلورسنت اللى بتنور الشاشة وبتركبها تانى وبترجع الشاشة كانها زيرو من جديد اما بقى النوع التانى LED : فهو هو نفس فكرة عمل ال LCD بالظبط بس الفرق انهم بدل ما يحطوا لمبات فلورسنت شالوها وبدلوا نظام الاضاءة بلمبات LED زى بتاعت الموبايل ابو كشاف علشان يقللوا الكهربا شوية و كمان تبقى الفرق بين الابيض والاسود كبير بس خلى بالك الشاشات ال LED فيه منها نوعين النوع الاول : بيبقى اللمبات ال LED الصغيرة اللى بتنور الشاشة على كامل مساحة الشاشة كلها وده نوع غالى ومش بتلاقيه فى كل الشاشات وكمن بيديك وضوح عالى جدا بين الابيض والاسود لان لو فيه صورة مثالا فيه ابيض واسود اللمبات الصغيرة ديه بتطفى عن الالوان السوده فبتلاقى الاسود اسود بجد بس زى ما قلتلك الشاشات ديه بتبقى غالية وقليله اووى فى السوق المصرى لان المستورد لللاسف بيستورد هو عنده ان ديه شاشة LED وخلاص مالوش دعوه بحاجه تانى النوع التانى:ده بقى اللى منتشر فى مصر للاسف ودبيكون الاضاءة بتاعته عبارة عن ان فيه على جنبين الشاشة اليمين والشمال شوية ليدات ينورو وخلاص بمعنى ان على الجنب اليمين بيبقوا حاطين شوية لمبات ليد ينورا الشاشة وعلى الجنب الشمال بيحطول شوية لمبات ليد ينور مع الجنب اليمين مش زى النوع النضيف بتبقى اللمبات مغطية الشاشة كلها فللاسف لما الشاشة بتشتغل وركزت بتلاقى ان الجناب بتاعت الشاشة منوره اكتر من المنتصف بتاع الشاشة غير كدا الفرق بين اللون الابيض والاسود مش بيكون عالى اووى زى النوع النضيف تقدر تقول اعلى من شاشات LCD واقل من شاشات الليد النوع النضيف وبالنسبه للتلفزيون ال 3D فهو طبعا اغلبة بيبقا شغال بتقنية LED يعنى هو عبارة عن شاشة LED بس بتعرض الافلام ال 3D لانها بتقدر تعرض الافلام بسرعة صور عالية بمعنى انت عارف ان اى فيديوا هو عبارة عن صور بتتعرض بسرعه وعارف ان الافلام العادية بتتعرض بسرعه 30 صورة فى الثانية بس الافلام ال 3D بتتعرض بسرعة اقل شىء 120 صورة فى الثانية ده اقل شىء خالص بس يعيب الشاشات ال 3D عموما غلو اسعارها خصوصا انها تعتبر تقنية جديده التلفزيون بتلاقى سعره معدى ال 6000 جنية وكمان ان لسه مفيش قنوات تدعم خاصية ال 3D الا قليل اوووى اوووى او تقدر تقول ما فيش اصلا بس نقول ان فيه قنوات هى اللى بتعرض كدا قليل ولكن مع القنوات العادية بيشتغل عادى مش بيحولك الصورة 3D طبعا لا بيشتغل كتلفزيون عادى وطبعا مفيش تلفزيون 3D مش Full HD لان بطبيعة الحال الافلام ال 3D بتكون افلام ذات جوده فائقة وحتى لما تحب تشغل فيلم لازم تكون الاسطوانات بلوراى مش اسطوانات DVD العادية الصغيرة الحجم ديه اللى راحت عليها خلاص وطبعا علشان تجيب جهاز مشغل اسطوانات بلوراى هتدفع فيه اد كدا فالافضل بلاش حاليا التفكير فى التلفزيون الثلاثى الابعاد والنتظار سنتين تلاته اربعه خمسه كدا لغاية ما ربنا يفرجها وتبقى تقنية رخيصه ومتوفره مع انى اشك ان ده يحصل قبل 10 سنوات اصلا ههههههههه

رد: رسيفر جديد...
 

جهازك كويس جدا مش وحش مع انى افضل ان حضرتك تبيع الماذر بورد والرمات فقط وتنزل تشترى g41 مع رامات DDR3 بالنسبه للمازر بورد فهتكون فى حدود 300 جنية ارخص او اغلى حاجات بسيطه اما بالنسبه للرامه فا ال 2 جيجا كينجستون ب حوالى 90 جنية اكثر او اقل حاجات بسيطه والرامه ال 4 جيجا بحوالى 150 جنية اكثر او اقل حاجه بسيطه وعند ماكنين تحط فيهم رامات فممكن تجيب 2 فى 2 يبقى عندك 4 جيجا رامات او ممكن تجيب 4 فى 2 ويبقى عندك 8 جيجا رمات وطبعا اسعار الرامات ال DDR3 ارخص بكتير من رامات DDR2 واسرع بكتير واكبر حجما بكتير فالافضل لحضرتك تعمل كدا فعلا اما بالنسبه للشاشة الزرقا انا كنت اشتريت رامه صينى زمان وفعلا ده كان بيحصل لان اول ما حضرتك بتشغل تطبيقات او حاجه وياخد مساحه كبيرة من الرامات وفيه حتى من مساحه الرامات بايظه يروح يحصل خطاء والجهاز يجيب الشاشة الزرقا وممكن علشان تعرف مين الرامه اللى بايظه انك تشيل رامه وتشتغل برامه وتضغط عليها جامد العاب وكدا لو جابت الشاشة الزرقا اعرف انها الرامه البايظه لو مجبتش الشاشة الزرقا تبقى الرامه سليمه اما بالنسبه لجهاز مبادرة الاتصالات فهو فى زمنه كان كويس بس خلاص بقى كل حاجه ولها وقت معين وخلاص راحت عليه ولو كان معاك الا الان فاعتقد انك كنت هتلاقيه بقى بطىء جداااا يعنى حتى جهازى انا خلاص راحت عليه بس اللى مخلينى متمسك بيه انه متكامل بمعنى ان كل جزء فيه امكانياته قريبه من الجزء التانى فبيديك اداء عالى بس مثلا مش اروح اجيب بروسيسور جامد زى بروسيسور Cor i 7 وافضل على نفس الرامات الباص 1333 لا لازم اجيب له رامات تبقى اعلى باص اقل حاجه تبقى باص 2000 او مثالا مش اجيب رامات باص عالى تبقى باص 2000 ويبقى البروسيسور اخر الباص بتاعه 800 يبقى انا كانى معملتش حاجه وشغال زى ما انا على باص 800 وفعلا انا اللى سعيد بالكلام مع حضرتك بس الله يسامح العربيات نسيتنى شغل الكمبيوتر بس علشان خلاص انا اتخصصت فى هندسه اتصالات والكترونيات فتقدر تقول انى خلاص رجعت للمجال بتاعى تانى بجد الله يرحم لما كنت فى المدرسة الثانوى كانوا كل سنه بحدثوا اجهزة ال 10 معامل بتوع الكمبيوتر باحدث اجهزة راحوا سنة ما كنت فى 2 ثانوى جابوا اجهزة ببروسيسور انتل كواد يعنى اربع انويه فى بروسيسور واحد وكانت خرافية بمعنى الكلمه بقيت اقوم بكسر سرعة المعالجات بتاعت الاجهزة ديه للمدير بتاع قسم الحاسبات اللى انا فيه اخليله الجهاز بقدرة قادر من 2.5 جيجا هرتز يوصل ل 2.8 او 3 جيجا هرتز بجد كانوا قاعدين جنبى وكانى بعمل معجزة هههههههههههههههههه

رد: رسيفر جديد...
 

خلاصة الكلام يا باشمهندس سيد عصام

بصراحة موضوع جميل علشان انت فيه أبدعت بصراحة

دلوقتى عايزين نخرج بالفايدة الكبيرة

الناس الغلابة اللى عندهم تليفزيون FullHD او HD ready

وما يفرقشى معاها قنوات تانية ولا شيرنج ولا نت

نايل سات والستر والصحة

لو حبوا يشتروا ريسيفر بيدعم HD علشان الصورة تطلع حلوة

يشتروا ايه

وبكام

وايه الافضل

وياريت يكون سعره حنين كمان

.......

تانى حاجة

الهارد الكافيار ابو غطا أسود اللى عندك

Black

جبته منين وبكام


ولك منى احلى تحية

يا باشمهندس المستقبل

:Wkiss5::Wkiss5::Wkiss5:

رد: رسيفر جديد...
 

لو مش عاوزين حاجة غير النيل سات ومفيش وصلة مثلا من اللى بتجيب المشفر يبقى مش تجيب رسيفر HD خالص دلوقتى لان كل الفايدة بتاعته أنك هتتفرج على دريم فقط. الحكاية عاوزة وقت لحد ما المشفر يفتح والقنوات المصرية تبقى كلها هاى دفنشن....

لو لسة مش أشتريت رسيفر حتى الأن وعاوز واحد HD للمستقبل طبعا dream box هو الريس بتاع الريسيفرات بدون منازع ولكن دة فوق 2000 جنية النسخ المقلدة أم الاصلية 3500 جنية وأنت طالع...

لو عاوز حاجة حنينة يبقى الأشهر حتى الأن هو ترومان truman Premier 1 plus وهذا فى حدود 1000 جنية.

لو عاوز حاجة أقل كمان من كدة يبقى هتلاقى مركات كثيرة فى حدود 700 جنية. انا مثلا شفت امبارح رسيفر رائع مركة western digital بتاع هاردات الكمبيوتر وكله امكانيات وكان ثمن 700 جنية... ارخص واحد فى فئة HD ممكن يكون فى حدود 400 جنية او اقل شوية ولكن طبعا الصناعة الله اعلم بيها....

أنا شخصيا بثق بشدة فى ترومان لانه عندى وعند أخويا من 3 سنين وشغال كويس وكان 250 جنية ولكن مش HD

السؤال الثانى الباش مهندس عصام يجاوب لك عليه

رد: رسيفر جديد...
 

ألف شكر لحضرتك على تفضلك بالاجابة

طيب الاخير ده مواصفاته ايه وحكايته ايه

مميزاته

واسمه وماركته لو جبيت اجيب زى وانا عارف انه مش HD

ولو حبيت اجيب حاجة عادية HD ما فيش حاجة ب 300 ما تزدش لانى مستخسر ادفع اكثر من كده علشان هو نايل سات وبس وفين وفين لما بقعد قدامه

وشاكر لحضرتك وكل سنة وانت طيب