مصر موتورز مجتمع السيارات - أشترى رينو لوجان ولأ BYD f3

مصر موتورز مجتمع السيارات (https://www.masrmotors.com/vb/index.php)

- مقارنات (https://www.masrmotors.com/vb/forumdisplay.php?f=174)

- - أشترى رينو لوجان ولأ BYD f3 (https://www.masrmotors.com/vb/showthread.php?t=93572)

رد: أشترى رينو لوجان ولأ BYD f3

BYD ,SPERANZA A516 ,SPERANZA M11
كل العربيات ديه افضل من اللوجان

رد: أشترى رينو لوجان ولأ BYD f3

اقتباس:

المشاركة الأصلية كتبت بواسطة ابو هيما (المشاركة 728076)

أشكر حضرتك على الرد وكل عام وأنت بخير , بس على فكرة أنا مابتعجبنيش اللأنسر 1300 بحس أنها ضعيفة جداً لانى كنت جربتها قبل كده وسقتها من واحد صاحبى وكانت مش قد كده وبالأخص مع التكيف فى الحر .. غير كدة بقى , أنا بكره أجيب مستعمل من أى حد .. توبة ويغور المستعمل حتى لو ببلأش !!!!!!!!!!!!!!

و حضرتك طيب , هى العربية راحة فلو فعلا مش مستريح فى الاستعمال ابعد عنة , انا شايف من تعليقات حضرتك انك ميال اكتر للوجان , ربنا يوفقك و تلاقى العربية اللى تريحك..

رد: أشترى رينو لوجان ولأ BYD f3

اقتباس:

المشاركة الأصلية كتبت بواسطة prince20055583 (المشاركة 728119)

اكيد الزيرو بيكون افضل كتير من المستعمل ولو فعلا ببلاش و العربية اللوجان فعلا ممتازة و توكيلها محترم عن تجربة ناس كتير اعرفها معاهم نفس العربية .... لكن لكن لكن لو حاطط خطة انك تاخد خير العربية مدة 3 سنين بس وتبيع يبقي اتوكل علي الله و هاتها ... لكن لو عربية العمر يبقي لازم تتاكد من اسعار قطع الغيار لانها مممكن تكرهك فيها جدااااااااا و خاصة ان العربية كمان سوقها ف المستعمل مش مطلوب اوي زي اللانوس مثلا و الفيرنا .

شكرا لحضرتك بس بالنسبة لموضوع عربية العمر ده فمعتقدش أن أنا من النوع اللى ممكن حاجة تقعد معاه لأكتر من سنتين وبعدين ياسيدي يا مين يعيش , أنا اللى عاوزه من أى عربية انها تستحمل معايا الفرك فى السفر والمشاوير الطوالى ويكون التكيف تمام .. فهل اللوجان هأتطلع راجل وأد المسؤلية ولأ هأ تقولى لأ ياعم مش لأعبة معاك ورجعنى مكان ما جبتنى

رد: أشترى رينو لوجان ولأ BYD f3

اقتباس:

المشاركة الأصلية كتبت بواسطة mostafa mamdouh (المشاركة 728125)

BYD ,SPERANZA A516 ,SPERANZA M11
كل العربيات ديه افضل من اللوجان

طب ممكن تقولنا العربيات دي أحسن فى أيه , وهل لك تجربة شخصية معاهم وكمان ياريت لو تتكرم شوية معلومات عن أمكانيتهم وأسعارهم

رد: أشترى رينو لوجان ولأ BYD f3

اقتباس:

المشاركة الأصلية كتبت بواسطة ابو هيما (المشاركة 728079)

أولأ ً كل عام وحضرتك بخير , ثانياً : أنا ولله الحمد مش فارق معايا خالص موضوع أسعار قطع الغيار لأنى أكيد مش هقعد أبدل ليها كل يوم قطعة .. أنا اللى هيفرق معايا أن العربية تستحمل معايا البهدلة فى السفر ويكون تقفيلها كويس وتكيفها تمام وكمان ما تتعبنيش فى المستقبل , يعنى مش عاوز ولأ نتش ولأ عض فى الفتيس وقلة أدب وأهمال من التوكيل أثناء الصيانات الدورية, وعلى فكرة أنا مغرم بسواقة المانيوال عن الأتوماتيك .

وحضرتك بخير وسعادة، طالما مش فارق معاك قطع الغيار وعاوز حاجة تستحمل الهبد والرزع توكل على الله وهات اللوجان.. وعض ونتش الفتيش ده في اللوجان الأوتو مش المانيوال.. بالتوفيق

رد: أشترى رينو لوجان ولأ BYD f3

اقتباس:

المشاركة الأصلية كتبت بواسطة sehsss (المشاركة 728188)

وحضرتك بخير وسعادة، طلما مش فارق معاك قطع الغيار وعاوز حاجة تستحمل الهبد والرزع توكل على الله وهات اللوجان.. وعض ونتش الفتيش ده في اللوجان الأوتو مش المانيوال.. بالتوفيق

والله يا باشا طمنتنى من موضوع الفتيس المانيوال ده , بس مش عارف ليه شكل العدادات فى اللوجان والكاسيت مختلف خالص عن شكلها اللى بتنزل بيه فى البرازيل , وأنا كان نفسى يبقى فيها ABS أختيارى وتبقى 16 صباب مانيوال كانت والله هتبقى جامدة جداً وكانت فعلأ هتبقى هى الكينج !!!!!!!!!

رد: أشترى رينو لوجان ولأ BYD f3

اقتباس:

المشاركة الأصلية كتبت بواسطة ابو هيما (المشاركة 728194)

لو عاوز موتور 16 صباب و2 إيرباج وabs مانيوال هات الصني الشكل الجديد وسعرها 95 ألف وانا عن نفسي عملت تيست درايف للأوتو بتاعتها عربية تحفة ووااااااااااااسعة جدا