مصر موتورز مجتمع السيارات - إزاز العربية إتكسر في خناقة

مصر موتورز مجتمع السيارات (https://www.masrmotors.com/vb/index.php)

- جسم و هيكل السيارة (https://www.masrmotors.com/vb/forumdisplay.php?f=176)

- - إزاز العربية إتكسر في خناقة (https://www.masrmotors.com/vb/showthread.php?t=93486)

رد: إزاز العربية إتكسر في خناقة

اقتباس:

المشاركة الأصلية كتبت بواسطة TELEBK (المشاركة 727279)

الحمد لله العظيم الذي لايحمد علي مكروه سواه ، النهاردة بعد الفطار فجأه لقيت صوت زعيق جامد في الشارع وضرب نار وصويت ، المهم خرجت لقيت الشارع عبارة عن معركة بين طرفين ، وكل طرف عبارة عن 40 شخص وكل واحد ماسك في إيد مطوة والإيد التانية طوبه وكله شغال ضرب في بعض ده غير ضرب النار ، والشارع كله عرضة 8 متر وكل شوية يرموا طوبه تيجي في عربية من العربيات إللي واقفة ، وطبعا محدش من الناس والسكان قادر ينزل في الشارع الكل خايف من الطوب وضرب النار .
المهم بعد ما المعركة ماخلصت نزلت شلت الغطا من علي العربية وبصيت عليها لقيت الإزاز الوراني بتاعها مفشفش خالص ، وهيه إكسبلوجن 2 وإزازها مختلف عن التريوس لإن فيه خرم زيادة من فوق ولازم يتركب في التوكيل وربنا يستر علي سعره ، ده غير إن فيه واحده جارتي معاها كيا سيراتو لسة جايباها الشهر ده إزازها الأمامي إتكسر وواحد تاني إزازه الأمامي برضة إتكسر والله أعلم مين تاني ، ده غير طبعا كام نقره في الصاج علي الكبوت الأمامي عندي نتيجة رمي الطوب .
وبعد كده عرفت إن الخناقة بين ناس عندنا في الشارع وبين جماعة تانية ، وإتصلت بالنجده قالولي تعرف حد تتهمة لما تروح تبلغ قولت ليهم لأ طبعا قالي إللي بيكلمني عوضك علي الله يعني حنروح نلم 40 واحد إزاي ، فمش عارف أعمل إيه هل أروح لطرف الخناقة إللي من عندنا وأتكلم معاهم وعلي فكره هما ناس لبط وبتوع مشاكل وفي الغالب مش حاخد منهم لاحق ولا باطل ، ولا أستعوض ربنا والحمد لله وفدا بناتي ، ولا أعمل إيه ، أنا من ساعتها ضغطي عالي ومش عارف أعمل إيه .

استعوض ربنا وباذن الله ربنا هينتقم منهم . والازاز اعمله في التوكيل او عند حد متخصص .

رد: إزاز العربية إتكسر في خناقة

إحتسب عوضك عند الله اللذي لا يضيع عنده حق أبدااااا.
عموما علشان تبقى متطمن أ،ا مع الرأي الي بيقول كراج بعيد عن البيت وخلاص ودا أريح للكل على فكرة.
إنتا عارف المشكلة مش فيك ولا عليهم فعلا الي عمل المشكلة دي الحقير الي قالك وأنا أعملك إيه ياعني لأني من واجبه إنه ينزل يتحرى ويبحث ويجيب أطراف المشكلة يتعاقبوا على الي عملوه في أموال الناس وترويع الآمنين دا غير السلاح الي لازم عليه يجيبه من تحت الأرض وإلا إزاي دي تبقى بلد آمنه لو فيه سلاح مع أمثال الهمج دول.
حسبي الله ونعم الوكيل في كل واحد قاعد على مكتبه ومابيعملشي شغله وبيقبض آخر الشهر سحت ويحط في بطن عياله حرام.

رد: إزاز العربية إتكسر في خناقة

قدر الله و ماشاء فعل
استعوض ربنا......الحق مابيضيعش عند ربنا
وبلاش تتكلم مع الناس دى وتجنبها وربنا يحفظك من كل سوء
ROSE4U

رد: إزاز العربية إتكسر في خناقة

اقتباس:

المشاركة الأصلية كتبت بواسطة sssssssss (المشاركة 727321)

استعوض ربنا وباذن الله ربنا هينتقم منهم . والازاز اعمله في التوكيل او عند حد متخصص .

والله أنا إتصلت في التوكيل قالوا ليه حيتكلف في حدود 700 جنية بالتركيب والضريبة ومش موجود في السوق بره ، والحمد لله مفيش غير إني أعملة في التوكيل إن شاء الله .

رد: إزاز العربية إتكسر في خناقة

اقتباس:

المشاركة الأصلية كتبت بواسطة dr_eslam_66 (المشاركة 727353)

بالنسبة للجراج مفيش أماكن ، ولو فيه بتبقي غالية جدا جدا ، وبرضة مش أمان بالدرجه ديه ، لإن جوز أختي كان حاطط عربيته في جراج كان كل يوم يلاقيها مخبوطة أو محكوكه ولازم يسيب المفتاح مع السايس وييجي يلاقيه نايم فيها ، وبعدين الراجل بتاع النجده بقي يقولي تتهم مين ، مش عارف أقول ليه إيه ، ومفيش حد منهم نزل خالص ، ربنا يستر علي البلد ديه والحمد لله .

رد: إزاز العربية إتكسر في خناقة

الحمدلله انها جت فى الازاز مش فى حاجة كبيرة او تعيب العربية :010104~171::010104~171:

رد: إزاز العربية إتكسر في خناقة

اقتباس:

المشاركة الأصلية كتبت بواسطة .EhAb (المشاركة 727418)

الحمدلله انها جت فى الازاز مش فى حاجة كبيرة او تعيب العربية :010104~171::010104~171:

الحمد لله يعني شوية نقر في الصاج في الكبوت