مصر موتورز مجتمع السيارات - وأنت بتبيع عـــربيــتك.. أتـــــــقى الله وما تكدبش !!!!!!!!!!!!!!!!!!!!!!!!! !!!!!

مصر موتورز مجتمع السيارات (https://www.masrmotors.com/vb/index.php)

- سوق السيارات المصرية (https://www.masrmotors.com/vb/forumdisplay.php?f=147)

رد: وأنت بتبيع عـــربيــتك.. أتـــــــقى الله وما تكدبش !!!!!!!!!!!!!!!!!!!!!!!!! !!!!!

اقتباس:

المشاركة الأصلية كتبت بواسطة ابو هيما (المشاركة 725657)

أخوانى فى الله .. ألف شكر لحضراتكم على تعليقاتكم وأضافاتكم الدينية من بعض الأحاديث لرسول الله صلى الله عليه وسلم .. وياريت الكل يعرف أن بركة ربنا هى الأحسن من الفلوس ..
والله العظيم انا جبت عربية بى أم دبليو من واحد المفروض أنه شخص محترم وابن ناس وكمان شغال محاسب فى شركة ادوية يعنى مش واحد من الشارع ..قعد يحلف ويتحالف أن ما فيها حاجة وانه لسة مغير عفشة امامى وأنه عمل وسوى وحاجات كتير من الكلأم المعسول اللى بيقولوا عند البيع , وأنا والله صدقتوا لأن نيتى صافية ومبحبش الكدب وكنت متوقع أن هو كمان مابيكدبش ..
العربية لم تقعد معى سوى شهر واحد ويومين أكتشفت خلألهم بلأوى فى العربية وبعتها بعد ما صرفت عليها كتير , بعتها بخسارة ما تقرب من خمسة الأف ده غير حرقة الدم والبهدلة فى الورش ووسط الصنيعية والوقوف بالساعات على رجلى وخروجى من صبحية النهار والرجوع أخر الليل , خسيت وتعبت ووشى أصفر وأخلاقى داقت وزهقت لدرجة أن فى مرة مستحملتش زن أبنى وضربته ضربة وحشة وهو واقف على السلألم نزل على وشه مدحرج دوور بحالوه , والحمد لله أن ما حصلوش حاجة فى عضمه ولأ وشه اتفتح .. وحسبى الله ونعم الوكيل فيه اللى كان السبب بحق الأيام المفترجة دي !!!!!!!!!!!!!!!!!!!!!!!!! !
والله العظيم بعدها كرهت العربية وكل ما كنت أهدي من ناحيتها وأقول خلأص هتقعد معايا , أرجع بعدها أكتشف نصيبة تكرهنى فيها .. المهم عملت أعلأن فى النت وناس ياما ياما يامااااااااا أتصلوا بيا وكنت بقول لهم على كل حاجة فى التليفون ومكنش بكدب عليهم , وفى النهاية ولأ حد كان بيجي ولأ حد كان بيسأل , وكان كل زميللى ومعاهم ناس من قريبي بيقولوا لى مش لأزم الصراحة الزيادة عن الأزم دى .. وأقسم بالله أنى كنت برد عليهم وأقول أسكتوا أنتوا مش عارفين حاجة .. انا مش قد كلمة حسبى الله ونعم الوكيل وأخاف أن حد يدعي عليا بيها .. لحد ما جالها نصيبها وقلت للى أشترها عل كل حاجة ورضيت أنى أخسر عن أنى أظلم ..والله يرحمنا جميعا ويتوب علينا ويكفينا ويصرف عنا شر ولأد الحرام بحق الأيام المفترجة دي .. وكل عام وأنتم بخير

ربنا يباركلك يا رب و يعزك
إذا ضيعت الأمانة فانتظر الساعة و مادام بيننا أمثال حضرتك فالحمد لله الأمانة موجودة و باب التوبة بأمر الله موجود

(ربنا لا تؤاخذنا إن نسينا أو أخطأنا)البقرة
(وما كان الله ليعذبهم وأنت فيهم وما كان الله معذبهم وهم يستغفرون )الأنفال
لم يبقى لنا سوى الاستغفار
استغفر الله العظيم من كل ذنب عظيم
لا إله إلا أنت سبحانك إني كنت من الظالمين
الحمد لله رب العالمين
و سلام على المرسلين

رد: وأنت بتبيع عـــربيــتك.. أتـــــــقى الله وما تكدبش !!!!!!!!!!!!!!!!!!!!!!!!! !!!!!

اقتباس:

المشاركة الأصلية كتبت بواسطة ابو هيما (المشاركة 725657)

أنت انسان نبيل اوى يا استاذ ابو هيما .... اكثر الله من أمثالك وجعلك الله من المعتوقين فى هذا الشهر الفضيل

رد: وأنت بتبيع عـــربيــتك.. أتـــــــقى الله وما تكدبش !!!!!!!!!!!!!!!!!!!!!!!!! !!!!!

اخى عملتها مرة والسيارة اتباعت بسعر بخس جدا بس بصراحة تانى مرة لما حبيت ابيع لم اذكر مميزات او عيوب السيارة والمشترى جاب ميكنيكى وسمكرى وفحصوا السيارة وبعتها بسعر السوق حينها هل ما فعلته حرام

رد: وأنت بتبيع عـــربيــتك.. أتـــــــقى الله وما تكدبش !!!!!!!!!!!!!!!!!!!!!!!!! !!!!!

والله كلامك ميه ميه وفعلا كل واحد بيغش عشان يبيع عربيته وخلاص فى الدول الخارجيه ذى المانيا والامارات والرياض مثلا بيصور ويقولوا على عيوب السياره حته حته والله ولو فيها خبطات او خرابيش بيصورها ويقولهم دول ناس حقين وعلى فكره ده مش بيحصل فى العربيات بس ده فى كل حاجه عشان حتى الان مصر طول عمرها ورا وهى الى مش عايزه تخلى نفسها قدام خالص
:w6w200504112236376d

رد: وأنت بتبيع عـــربيــتك.. أتـــــــقى الله وما تكدبش !!!!!!!!!!!!!!!!!!!!!!!!! !!!!!

اقتباس:

المشاركة الأصلية كتبت بواسطة modyate2006 (المشاركة 725862)

أنت انسان نبيل اوى يا استاذ ابو هيما .... اكثر الله من أمثالك وجعلك الله من المعتوقين فى هذا الشهر الفضيل

يا أخى أنا فرحت أووى لما قرأت دعوتك الحلوة دي وقلت على طوول اللهم امين أحنا وانت وكل المسلمين أن شاء الله .. جزاك الله خيرا ً

رد: وأنت بتبيع عـــربيــتك.. أتـــــــقى الله وما تكدبش !!!!!!!!!!!!!!!!!!!!!!!!! !!!!!

اقتباس:

المشاركة الأصلية كتبت بواسطة kimo10 (المشاركة 725865)

أخى الكريم كل عام وأنت بخير .. أولاً : أنا لست أهلاً للفتوى فى التحريم والتحليل ولكنى هحاول أرد عليك وهاقتبص الجزء ده من مشاركة احد الأخوة الأفاضل اللى ردووا عليا وهو:

روى البخاري و ابن ماجة عن جابر بن عبد الله رضي الله عنهما أن رسول الله صلى الله عليه وسلم قال: (رحم الله عبداً سمحاً إذا باع، سمحاً إذا اشترى، سمحاً إذا اقتضى).

وأنصحك ونفسي بتقوى الله عز وجل , وأن تستفتى قلبك فإن كنت قد ظلمت فى كبيرة فرد المظالم إلى أهلها ,وأن كنت قد عملت سوءاً بجهالة فأستغفر الله ...والله أعلم

رد: وأنت بتبيع عـــربيــتك.. أتـــــــقى الله وما تكدبش !!!!!!!!!!!!!!!!!!!!!!!!! !!!!!

اقتباس:

المشاركة الأصلية كتبت بواسطة محمد اشرف (المشاركة 725866)

أستاذ محمد كل عام وحضرتك بخير ,, الكلأم اللى أنت بتقوله ده .. أنا شفتوا بعينى مع ناس كتير أووى أجانب بحكم عملى وبحكم أحتكاكى بيهم وفعلاً حتة الصدق وعدم الكذب أو الغش متوفرة جداً عندهم .. رحم الله الأمام محمد عبده حين قال ( جئت إلى الشرق فوجدت مسلمين ولكن بلأ إسلأم وذهبت إلى الغرب فوجدت إسلأم ولكن بلأ مسلمين )
اللهم ثبت قلوبنا على دينك وأحسن خاتمتنا جميعا يارب ..