مصر موتورز مجتمع السيارات - مهم جدااااَ .. اللوجان المانيوال واللوجان الأتوماتيك 2013

مصر موتورز مجتمع السيارات (https://www.masrmotors.com/vb/index.php)

- رينو لوجان Logan (https://www.masrmotors.com/vb/forumdisplay.php?f=160)

رد: مهم جدااااَ .. اللوجان المانيوال واللوجان الأتوماتيك 2013

اقتباس:

المشاركة الأصلية كتبت بواسطة ابو هيما (المشاركة 723662)

شكرا لك يا دكتور مصطفى وشكرا لك يا أستاذ أسامه على التوضيح وكل عام وحضراتكم بخير وبصحة جيدة أن شاء الله

كلأمكم مقنع وفى محله .. بس بصراحة فى حاجة وحشة أوى قرائتها عن العربية دى النهاردة وسدت نفسي منها بعد ما كنت بحاول أبلعها , وهى أن فى كتير ناس كاتبة أن دوسات البنزين والدبرياج مصنوعة من البلأستيك .. ودة بقى لو حقيقة يبقى دى الضربة القاضية ,, فياريت أحد مالكى العربية يفدنا فى النقطة دى بالذات .. انا مش متخيل الدوسات ديه لو اتكسرت فهيبقى أيه الوضع!!!!!!!!!!!!!!

على فكرة ده مش البلاستك بتاع فوانيس رمضان النوع و الخامة انضف من عربيات كتير

و برده اللوجان مش الوحيدة اللي فيها دواسات بلالستيك عندك بي ام و مرسيدس يعني ده مش عيب
و لو كان عيب فعلا ماكانتش استعملتها شركات عالمية زي دي

و على فكرة 70% من صالون العربية بيكون بلاستيك في معظم العربيات اللي في فئتها السعرية ده لو ماكانش كلها اقرب مثال الكوري و اعلى من فئتها كمان زي الالنترا

من الاخر يا باشا لو مش مستريحلها بلاش لانك هتدور على الغلطة لانها بتكون عملية راحة في الاول و الاخر و هقولك برده في ناس بتستريح للبي ام اكتر من الهمر
يعني العيب مش من الموديل استخير ربنا وشوف ايه اللي مستريحله اكتر و توكل على الله و هاته

رد: مهم جدااااَ .. اللوجان المانيوال واللوجان الأتوماتيك 2013

اقتباس:

المشاركة الأصلية كتبت بواسطة ابو هيما (المشاركة 723662)

شكرا لك يا دكتور مصطفى وشكرا لك يا أستاذ أسامه على التوضيح وكل عام وحضراتكم بخير وبصحة جيدة أن شاء الله

على فكرة 90 % من العربيات الدواسات بلاستيك بنا فيها البي ام والمرسيدس والمتسوبيشي والكيا والهيونداي وكل دول الحكاية عادي يعني
وثانيا هوا بلاستيك قوي مش بلاستيك ضعيف يعني
وتقبل تحياتي

رد: مهم جدااااَ .. اللوجان المانيوال واللوجان الأتوماتيك 2013

الاوتوماتيك ال 110 حصان احلي

خليك فيها وهتدعيلي عن تجربة المانيوال 2010 والاتوماتيك 2012

:CONGRA~238:

رد: مهم جدااااَ .. اللوجان المانيوال واللوجان الأتوماتيك 2013

هو طبعا موتور الاوتو اقوى حتى بيبان فى فرق قوة الاحصنة بس طبعا كله على حساب استهلاك البنزين
اما بالنسبة لموضوع الدواسات البلاستيك فتقريبا معظم الجديد دواسات البنزين بتاعته بلاستيك انما الفرامل والدبرياج لازم يبقو حديد انا عندى كدة فى الفيرنا بدال البنزين بس هو البلاستيك انما الباقى كله حديد

رد: مهم جدااااَ .. اللوجان المانيوال واللوجان الأتوماتيك 2013

توكل على الله و هات الأوتو بأمر الله بس أستخير ربنا
و حضرتك تعمل حسابك على 1400جم ثمن جهاز الإنذار و التأمين التكميلي 2800جم و ألف مليار مبروك مقدماً

رد: مهم جدااااَ .. اللوجان المانيوال واللوجان الأتوماتيك 2013

اقتباس:

المشاركة الأصلية كتبت بواسطة yahiaashraf (المشاركة 723780)

انا شايف الفرق الملحوظ بين اللوجان الاوتو و المانوال

ان المانوال صوت الموتور فيه عالى

لكن الاوتوماتيك صوت الموتور هادىء
:CONGRA~238::CONGRA~238:: CONGRA~238:

أهلأ وسهلأ بيك يا أستاذ يحي , بس على فكرة أنا أعتقد أن العكس هو الصحيح وأن الأتوماتيك هو اللى صوت ماتوره أعلى بدليل أنهم عملوا عزل اكبر من تحت الكبوت مع كل موديلات الأتوماتيك اللى نزلت وده يمكن عشان يقلل صوت الموتور العالى والسخونية العالية الخارجة من الموتور مع الحركة وكمان عشان ما يبقاش الصوت ده باين أوى ومسموع للى فى الكابينة أو واقف برة جنب العربية ..

رد: مهم جدااااَ .. اللوجان المانيوال واللوجان الأتوماتيك 2013

اقتباس:

المشاركة الأصلية كتبت بواسطة TiTo Sky (المشاركة 724003)

الاوتوماتيك ال 110 حصان احلي

خليك فيها وهتدعيلي عن تجربة المانيوال 2010 والاتوماتيك 2012

:CONGRA~238:

أنا بس خايف من أستهلأك البنزين فى الأتوماتيك , وكمان فى موضوع كان واحد نقله من على الصفحة الرسمية للفيس بوك تبع شركة رينو بخصوص السؤال عن تغير زيت الفتيس الأتوماتيك .. وكان الرد أن جميع موديلأت رينو ذات الفتيس الأتوماتيك لأيتم تغير زيت الفتيس لها ألأ فى حالة العمرة .. طب والنبى هل ده كلأم يعقل !!!!!
طب ما أهو اى زيت مع الشغل والحركة أكيد بيحتاج يتغير فأزاى بقى زيت الفتيس الأتوماتيك مابيتغيرش غير فى حالة عمرة الفتيس أو فكه .وبعدين ده فتيس قديم كان مستخدم فى الرينو سينيك 1....أفهمها دي بقى !!!!!!!!!!!!!!!!!
وأتفضل أقرأ الموضوع ده وقول لى رأيك أيه
http://www.masrmotors.com/vb/showthread.php?t=85113