|
رد: تحذير بلطجية على الدائرى اليوم و كسرو زجاج عربيتى!
اقتباس:
انا كل ما حد يقول انا خايف و الطريق بيقطعوه و ربنا يستر بقوله دول بنزين ووطي و الي يحصل يحصل |
رد: تحذير بلطجية على الدائرى اليوم و كسرو زجاج عربيتى!
ياجماعه دوس بنزين ووطي ايه بس بلاش حد ياخد قرارات عشوائيه ممكن يخسر بيها نفسه واسرته تخسره للأبد أولا دول ناس معتصمين عشان انقطاع المياه عنهم بالايام وانا طبعا مش معاهم في قطع الطريق والمنظر ده ولكن بردو مع الجهل وقلة الحيله والانفعال وهوجة قطع الطرق اللي في البلد اليومين دول فعملو كده والموضوع ده ملوش حل غير انك تقف ومتثيرش اي مشاكل لاني خطوه زي بتاعة دوس ووطي دي لو واحد منهم مات القانون اللي مقدرش يحميك والطريق واقف بيك للاسف هيطبق عليك لما تقتل واحد منهم ولو محدش مات وقدرو يوقفوك هتتمني ساعتها اني القانون يطبق عليك ومن الاخر موضوع قطع الطرق ده ياما يتحل من فوق ياما مش هيتحل خالص وعشان اكدلكم بردو اني كان فيه واحد بردو راكب عربيه لانسر وعمل نفس الحركه دي ايام مخيمات السلام اللي كانت عند ماسبيرو وخبطهم ومش عارف اقولكم بجد عملو فيه ايه ومفيش حد حتي رفع شماعه يدافع بيها عنه وخد حكم بعدها مش فاكر قد ايه مع انه له حق في انه يعمل كده وانا متفق معاه مليون في الميه لاني الطريق من حقه لكن البلد دلوقتي مبقتش زي الاول ولازم كلنا نفكر في عواقب اللي هيحصل قبل ما نعمله وأنا شخصيا مش معاك انك تعرض اسرتك لخطر زي ده وهبقي مخالف ليك ولكل الاراء اللي فاتت واقولك انك لازم كنت تستني وربنا قدر ولطف انك قدرت تفلت وحمدلله عالسلامه
|
رد: تحذير بلطجية على الدائرى اليوم و كسرو زجاج عربيتى!
اقتباس:
|
رد: تحذير بلطجية على الدائرى اليوم و كسرو زجاج عربيتى!
ده امر واقع ف البلد ولازم نرضى بيه
وكل البروباجندا دى معمولة علشان البلد تتقسم لما ناس تقول على الناس الغلابة اللى مهضوم حقهم دول بلطجية والبلطجية يقولوا احنا مظلومين الناس واكلين حقنا ولازم ناخد منهم حقنا بالقوة والحكومة مش عارفة تحل اه ولا اه ؟ لك الله يا مصر ، هى دى بداية النهاية لو ملحقناش نفسنا حسبى الله ونعم الوكيل تقبلوا مرورى |
رد: تحذير بلطجية على الدائرى اليوم و كسرو زجاج عربيتى!
اقتباس:
للاسف المشاكل فى البلد دى مبقتش تتحل الا كده :w6w200504112236376d |
رد: تحذير بلطجية على الدائرى اليوم و كسرو زجاج عربيتى!
اقتباس:
هوا دا الحل اللي يموت يغور في ستين ام داهية يعني انا اللي اموت يعني ولا ايه ؟؟؟؟ مفيش غير الحل دا هتعمل ايه يعني هتنزل تتخانق معاهم هتلاقي نفسك في رحمة الله البلطجية دول مينفعش معاهم غير الطريقة دي واللي عنده ام طريقة تانية تحميه وتنقذ حياته يقولها وثانيا واحد يقولي ناس جهلة بتقطع طريق علشان ميه كهربا نور اي حاجة من دي يروح يقطع طريق عادي مش سريع يقطعه في النهار مش الليل مش يقطع طريق سريع في عز الليل دا اسمه بلطجة وانا مليش دعوة جاهل او مش جاهل البني ادم ليه عقل في راسه علشان يفرق بين الحق والباطل ولا هتقلولي ملهومش عقل يبقا مش بني ادم يبقا لا مؤاخذة animal بقا معلش اعزروني بس انا بتعصب من الناس اللي بتقطع ام الطرق دي وياريت في الصبح او في طريق عادي من سريع حاجة تقرف ومفيش اي مسئول في البلد يلم ام الناس اللي مالية الطريق معتصمين بلطجية الاتنين وجهان لعملة واحدة وهي البلطجة وقلة الادب ولو اتقبض عليا هقول للضابط مشفتوش الطريق كان ظلمة ملاحظتوش اي حاجة ولا هما فالحين يلمونا ويسيبوا البلطجية في الشارع للاسف البلد دي عايزة نتظف من الاشكال اللي فيها دي سواء بقا كانوا معتصمين او بلطجية الدول المتقدمة لو واحد بس عطل طريق فاضي بيتحاكم وبيدفع غرامة وبيتسجن وممكن يتعدم ولا تاخذكم بهم رافة في دين الله لان قطع الطرق وارهاب الناس ليه عقوبة في الاسلام وهيا حد الحرابة وممكن توصل للقتل او قطع الايدي والارجل انما جزاء الذين يحاربون الله والرسول ويسعون في الارض فسادا ان يقتلوا او تقطع ايديهم وارجلهم من خلاف او ينفوا من الارض وللاسف يطلع واحد يقول حقوق انسان وكلام فارغ من دا يلعن ابو حقوق الانسان اللي تخلي الناس تتقتل في ام الطرق دي ولازم نقول اولا واخيرا حسبي الله ونعم الوكيل وتقبلوا تحياتي :CONGRA~238: |
رد: تحذير بلطجية على الدائرى اليوم و كسرو زجاج عربيتى!
شوية اشكال ضالة عاوزة الحرق والله
على كده بقى اللى يروح مشوار كإنه بيعمل مغامرة وممكن يخسر حياته والله مهزلة.....الريس مفروض يشتغل شوية فى موضوع الامن والمرور عاوزين نشوف نتيييييييييييييجة اللى يقطع طريق ملوش مكان غير السجن...اللى يبلطج ملوش مكان غير السجن يارب إنا نشكوا اليك ضعف قوتنا وقلة حيلتنا |
| الساعة الآن 12:19 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017