رد: مشاكل الغسالات الاتوماتيك
 

ده فيديو يوضح طريقة تغيير كاوتشة الباب
http://www.youtube.com/watch?v=yhpBQTPmyNs
يارب يفيد حضرتك

رد: مشاكل الغسالات الاتوماتيك
 

انا اسعد يا باشمهندس احمد
واتمنى من جميع قارئى هذا الموضوع عرض الاعطال التى مرت عليهم او الموجودة لديهم حاليا لاستفادة الجميع

رد: مشاكل الغسالات الاتوماتيك
 

انا بقى صادفنى ارخم عطل يحصل فى غسالة اتوماتيك وهو تغيير رولمان بلى الحلة بدا الموضوع بتغير صوت الغسالة اثناء الدوران المهم كبرت دماغى لحد مافى يوم المدام قالتلى الغسالة شغالة بس الحلة مابتلفش رغم انى سامعة صوت الموتور الاول شكيت ان السير يكون اتقطع لكن للاسف لقيت السير سليم (على نفس مثال للاسف الثورة نجحت) ولكنه مخلوع من مكانه المهم شكيت فى الرولمان بلى و بهز الحلة الداخلية لقبتها مبوشة على الاخر وبدات المعاناة لانه فى الغسالات الحديثة يلزم فك الحلة بالكامل من الغسالة لانها حلة من الفيبر والبلى يكون من الداخل المهم قعدت اشتغل فيها يومين لعدم توافر بعض العدد عندى وغيرت البلى ومانع تسريب المياه وكان الطقم سعره 35 جنيه(2بلية +مانع تسريب) المهم ان العطل ده بيتكلف فى التوكيل مالا يقل عن 500 جنيه يعنى ربع تمن غسالة جديدة وكأن الغسالة مافيهاش قطع غيار الا البلى بس نصيحة اول ماتسمع صوت غريب فى الغسالة صلحها على طول علشان ممكن العطل يكبر ويتجاوز البلى الى اكس حلة او الى حلة كاملة وربنا يستر

رد: مشاكل الغسالات الاتوماتيك
 

مش عارف ليه الكلام عن الغسالات بيكركبلى معدتى :HAPPY_~211:
بس انا متابع الموضوع عشان مفيد جدا
يا رب ما استفيد منه ..افيد غيرى ماشى :angel2W22:

رد: مشاكل الغسالات الاتوماتيك
 

بسم الله الرحمن الرحيم
"قل لن يصيبنا الا ما كتب الله لنا"
صدق الله العظيم

رد: مشاكل الغسالات الاتوماتيك
 

أنا عندى غسالة ويرل بول Whirlpool إيطالى بضمان العبد. جبتها بالغلط يعنى أنا كنت رايح على زانوس العبد ولكن قلت للراجل انا عاوزها بأثنين بكرة علشان أتحكم فى درجة الحرارة ببكرة وأختار البرنامج ببكرة. الراجل بص فى المخزن وقال لى موجودة ببكرتين زى ما انت عاوز. أخذتها ومشيت ورحت البيت وبكشف لقيت مكتوب عليها موديل AWG 5404 - Whirlpool. رحت متصل بيه قال لى مكن ترجعها ولكن زانوسى العبد ببكرة واحدة بتتحكم فى البرنامج والدرجة. فكرت شوية ولقيت انها مركة برضوا. سبتها وركبتها وبقلها 4 سنين شغال. العيب الوحيد الموجود فيها الان من شهر هو صوتها عن العصر. هى 500 لفة فى الدقيقة. ففى ساعة برنامج العصر للمياة تسمع صوت عالى جدا وهذا الصوت ظهر مرة ولا مرتين، وساعات مش بيظهر. وساعات بيكون فى صوت ماتور والحلة مش تلف زى ما يكون حاجة مكلبشاها ولكن بعد دقيقة تشتغل عادى... يعنى عطل غير دائم... هل حد عارف ممكن العيب من أيه؟؟

عند الوالد زانوسى العبد الإيطالى برضوا ولكن بقلها 8 سنين شغالة فل ومفيش غير مرة واحدة أتغير لها حاجة زى الدينموا كدة وكان رخيص

رد: مشاكل الغسالات الاتوماتيك
 

غالبا العيب اللى عند حضرتك هو بداية العطل اللى حصل عندى وهو تلف رولمان بلى الحلة وده ممكن تكشف عليه عن طريق عمل الاتى تفتح باب الغسالة وتمسك الحلة الداخلية وتحاول تهزها فوق وتحت ومن بره لجوه لو لقيتها مبوشة ابدا فورا بتغيير الرولمان بلى قبل ما يحصل تلفيات تانية لان زى ما قلت فى المشاركة السابقة ممكن الموضوع يتطور وتضطر تغير اكس الحلة اذا كان بيتغير او تغير الحلة الداخلية بالكامل اذا كانت من النوع ذات الاكس الثابت