مصر موتورز مجتمع السيارات - محدش يركن تحت بيتى

مصر موتورز مجتمع السيارات (https://www.masrmotors.com/vb/index.php)

- منتدى السيارات العام (https://www.masrmotors.com/vb/forumdisplay.php?f=2)

- - محدش يركن تحت بيتى (https://www.masrmotors.com/vb/showthread.php?t=92196)

رد: محدش يركن تحت بيتى

الواضح انها مشكلتى انا بس ولا ايه؟
اتناقشوا معايا ونسونى على فكرة احنا جداد على اللى فى المنطقه

رد: محدش يركن تحت بيتى

اقتباس:

المشاركة الأصلية كتبت بواسطة fighter2020 (المشاركة 717547)

طبعا كل اللى داخل الموضوضوع داخل يتخانق
المشكلة بقى ياجماعة ان والدى اشترالنا بيت فى عين شمس قرب المساكن بس مش فيها بيت كامل المهم هو فى حارة مسدودة تشيل عربيتين واحدة راكنة والتانية بتتحرك المهم الحارة كلها معاهم عربيات المشكلة بقى اننهم اتفققوا يركنوا على ناحية واحدة اللى هى قدام بيتنا بس انا معنديش عربية ومسالم جدا وماليش فى الاذية والله مرة كنا بنوضب الشقة وعايزين نشيل العربيات فضلنا مستنين ساعة عقبال مكل واحد ياكل ويغير وينزل وطبعا فلوس وفى مرة طلعت خبطت على واحد مرضيش يفتح والصنايعية حطين الونش على السطح وطبعا اليوميات محسوبة واخبط على صاحب التاكس ينزل يشيلة مبيردش فنزلت من ضيقى طفشتلة العربية واتفتحت بطريقة قديمة اتعلمتها فقولت بلاش واجرب تانى ببص لشباكة لاقيتة باصص من ورا الشيش وشايفنى وانا فاتح الباب طلعتلة وقالى ثوانى ونزل جرى بيلبس على السلم .
قولت الناس مش زى بعضها اتفاجات بواحد تانى من كام يوم بيقولى دة فلان عايز يحط حديد قدام بيتنا عشان يحجز ركنة فضحكت وقولتلة لا طبعا وواحد تانى رائد جيش فى الجوية بيكلمنى بارف وبيقولى لما تنزل رملة خدها على جنب عشان اركن قولتلة ابقى زحها انت لو عرفت انا مبخفش من ظباط انا مش عسكرى عندك فوالدى قعد يضحك وانا وحيد يعنى مليش فالخناقات والبهدلة والله مش عارف احط حديد قدام البيت واتخانق وخلاص مع العلم انتوا عارفين الخناقات بقت بالسلاح كانة مثلا بيتخانق بالحزام ووانا ماليش فى الجو دة ولا اسيبهم يركنوا تحت البيت مع العلم تحت البيت فى دكنتين هاعملهم جراج لو جبت عربية بس بردة بيركنوا قدامهم شورو عليا بجد اتخنقت المهم ظابط الجيش دة شايف نفسة اوى اصل كل اللى حوالية جهلة وبيتنطط عليا فكرنى زيهم مع ان كلامى اغلبة حضرتك وسيادتك وبعد اذنك بس والله مبينفع وبدات الووم اهلى عشان ربونى
اللى معاه موقف مماثل يقول
قولولى اعمل اية؟

السلام عليكم انت عاوز حل لموضوع ركن العربيات امام منزلك بص انت تحذر اصحاب العربيات اللى بتركن امام منزلك بانك مش مسئول عن اى خسائر فى العربيات لو حاجة وقعت من البيت او من السطح على العربيات ثانيا انت هتعمل دكانتين جراج فمش هينفع حد يركن امامهم ولو ركنو ابقى ارمى على العربيات زيت باكم او بوية مخففة بجاز لانك بتبيض الشبابيك تخرم العجل كسر هواية او زجاج العربية ارمى زلطة على الصاج علشان يعمل نقرة اى غلاسة وخلاص اما موضوع انة بالجيش فدة مش مشكلة لانك ممكن تشتكية فى وزارة الدفاع او س /28 شرطة عسكرية والمخابرات الحربية ولكن اولا عمل محضر فى القسم وتكون عارف اسمة رباعى وبالمحضر اعمل لة شوشرة فى شغلة واقسم لك هيتلم عنك لان دة حصل معايا مع عميد جيش بس متقاعد لكن اخوة الاصغر مقدم فى النيابات العسكرية بالخدمة خليتهم ييجو لحد البيت ويحاولو يلمو الموضوع بأى شكل لانى كبرت الموضوع جدا والموضوع بتاعى خاص بالسكن لانى ساكن فى شقق خاصة بالجيش وهو ساكن فوق شقتى وحمام بيتة مبهدل شقتى فكلمتة اكثر من مرة مافيش فايدة فعملت لة 4 محاضر ورحت الى صندوق الاسكان للقوات المسلحة والصندوق حول الموضوع الى النيابات العسكرية للتحقيق ولما لقو عندى حق ارسلو لة انذار بفسخ العقد حتى يقوم بتصليح الحمام والمطبخ وبعد دة كلة اسلوبة اتغير 180 درجة معايا لانة عرف انى مش سهل وعلى فكرة كل دة ومحاولتش انى امد ايدى علية ولكن حسستة انى سهل انى ابهدلة بدراعى او بأصحابى وهم كتير واقل واحد فيهم منطقة بالبلدى وعلى فكرة انا من مدينة السلام صف ضابط امام ماكروانا طولت عليك اقراء ردى على مهلك وحدد هتعمل اية لان الشكاوى للجيش لها اسلوب وطبيعة خاصة تحياتى للمنتدى كلة ولمصر موتورز

رد: محدش يركن تحت بيتى

وائل احمد السيد
يا اخى اتقى الله بتنصحه بأذية الناس واذية نفسه يعنى هو لما يعمل كدة اصحاب العربيات هيسبوه وخاصة انه جديد فى المنطقة
اما بالنسبة لصاحب الموضوع حضرتك فعلا ما تقدرش تتحكم فى الشارع لانه منفعة عامة للجميع انت لا تملك سوى ارض منزلك فقط هو ده الحق والقانون
ولكن اذا كان لك عربية وحابب تركنها امام بيتك او عايز تفتح الدكان فالاولوية طبعا لك للاستفادة من الشارع امام منزلك وكله يبقى بالذوق والتراضى خاصة وانكم جداد بالمنطقة

رد: محدش يركن تحت بيتى

اولا شكرا ليك استاذ وائل لردك وك فائق الاحترام ثانيا اناعايزاعرف اشتكيه بايه وعلى فكره مره كان راكن تحت بيت جار لينا ووقع من عندهم لوح زجاج من الشباك عليه وراح عمل محضر للسكان ومحدش عبره المشكله انى وحيد ومليش حد وعلى فكره هو بيشوف نفسه حبتين فى المنطقه بسبب الجهل اكيد فاهم .فعشان كدة مبيحبش حد يقل منه مرة بيكلمنى وعمال يبين الطبنجة فى الجراب قولتله انامش عسكرى عندك.وقولى تفاصيل محاضر الشرطة العسكريه مع العلم انة فى الجوية ؟بس المشكله فى اسمة؟وشكرا لردك ومتستنى تنورنى برد اخر
اخ تونسى
مختلفتش معاك ان الشارع ملكيه عامه وانا بحترم دة جدا بس للاسف المنطقة مبتحترمش حد يعنى هو صاحب شقه ايجار قديم واخد مكان قدام بيتى وبيتخانق لو حد ركن مكانه وبيلزمنى انادى لو هانزل حاجة علية وانا صاحب بيت كامل اخرى باب البيت بس والشارع منعه عامة ولامنفعة للى يحجز ويبلطج؟وعلى فكرة عاجبنى رايك وموافقك فية بس فى مناطق ومناطق الزوق بيبقى ضعف وشكرا لردك واتمنى متحرمنيش من مشاركاتك وارجو ميكونش ناقشى دايقك

رد: محدش يركن تحت بيتى

بالعكس النقاش مع حضرتك متميز وانا استمتعت بيه وواضح ان حضرتك شخص ذوق ومحترم علشان كدة بتعانى معاهم
بس انا هاقول لحضرتك ان احراجك لاى شخص بذوقك حتى ولو كان مش محترم يحرق دمه اكتر ويخليه يعملك الف حساب
وللاسف المصريين عموما ما بيحبوش بعض الا بعد لما يتخانقوا الاول مع بعض ثقافة غريبة زى مالمثل بيقول ما محبة الا بعد عداوة
فمعلش حضرتك بس واحدة واحدة عليهم يمكن لما تتعرف عليهم اكتر وتندمج معاهم وتاخد تليفوناتهم وتتكلم معاهم بعد صلاة الجمعة وتقرب منهم هتلاقيهم مختلفين معاك فى المعاملة لان دايما الناس لما بتلاقى حد غريب او جديد عليهم فى المنطقة وخصوصا المناطق الشعبية بيبقوا متحفزين ومترقبين له لغاية ما يامنوله
وبرده حضرتك عامل فيهم ربنا وتعامل معهم باخلاقك الدمثة وتربيتك الفاضلة وخاطب الناس على قدر عقولهم ... تحياتى

رد: محدش يركن تحت بيتى

اكيد حاولت ابقى زوق بس للاسف فيه ثقافه اغرب ان مفيش تميز بين الخوف من عدم الاذيه والخوف من الشخص انا طول عمرى بقول الشارع منفعه عامة ويوم منزلت رملة وزلط عديت على الشارع بيت بيت عشان الرمله هاتسد الشارع عشان معطلش حد اتفاجات باللى يقولى متنزلش الرملة اليومين دول عشان متسدش الشارع واللى يقولى ابقى اركنها بالكوريك وبكل ارف معلش صعبت عليا نفسى الحل انى نزلت رملة ومعبرتش حد محدش اتكل ومثلت انى تنك وكشرى وكنت مضايق اوى لانى مش كدة بس للاسف ارتحت من قله ادبهم صدقنى اناعملت الموضوع بعد مجربت كل حاجة

رد: محدش يركن تحت بيتى

معلش احنا المصريين محتاجين وقت علشان نغير وننظف القرف والاخلاقيات والسلوكيات الزفت اللى زرعوها فين سنيين طويلة منهم لله وحسبنا الله ونعم الوكيل