|
رد: هتجنن مش قادر اختار "128 ولا ماروتى "؟؟ ساعدووونى
بص لو 128 موديل عالي احسن لكن لو موديل قديم بلاش |
رد: هتجنن مش قادر اختار "128 ولا ماروتى "؟؟ ساعدووونى
ال128 فى كل الاحوال أفضل من الماروتى حتى لو أقدم ب20 سنة فرق الموديل,
الماروتى صغيرة جدا و ضعيفة و مصممة بشكل سىء, و أعطالها أيضا كثيرة (حتى لو زيرو). كما ان الماروتى لا تصلح للسفر و الانتقالات و خفيفة و صغيرة جدا مما سوف يتسبب فى مشاكل مع السيارات كبيرة الحجم (النقل و الاوتوبيسات). طبعا ده بالاضافة الى عوامل ال"برستيج" و المساحة الداخلية. |
رد: هتجنن مش قادر اختار "128 ولا ماروتى "؟؟ ساعدووونى
لو موضوع شنطة العربية مش هايفرق معاك
اعتقد ساعتها الماروتى افضل لأن الماروتى واسعة من جوة وبشوفها بتشيل بال 5 اشخاص وهتبقى موديل احدث من ال 128 وتقنية موتور احدث من ال 128 وموفرة فى البنزين اكتر وسهلة الركن فى اى مكان واسعار قطع غيارها تتقارب مع اسعار ال 128 (الفرق مش كبر يعنى) واعتقد هتبقى انعم فى السواقة من ال 128 وعموما لو فكرت تجيب عربية 128 نضيفة مش مهلوكة هتتعب جامد على ما تلاقيها او هتدفع كتييير اما الماروتى فى معظمها حالات نضيفة لأن معظمها بيبقى استعمال حريمى وبالتوفيق ان شاء الله |
رد: هتجنن مش قادر اختار "128 ولا ماروتى "؟؟ ساعدووونى
اقتباس:
ومفيهاش اعطال كتيرة ولا حاجة لو كانت اعطالها كتيرة اكي مش هتكون اكتر من اعطال عربية بقالها اكتر من 25 سنة شغالة في الشارع ... المارروتي اعرف ناس كتير بيسافرو بيها ومبهدلينها مشاوير ... بالنسبة مع السيارات الكبيرة فهي بتسبب مشكلة للماروتي المرسيدس لان كل من ساق عربية كبيرة بيفتكر نفسو امتلك الشارع وبرضو بترجع للسواق... بالنسبة للبرستيج فأكيد عربية موديل اجدد احدث عربية سوزوكي في الاول والاخر شركة معروفي وبالنسبة للمساحة الداخلية الكنبة الي ورا تشيل 3 وعربية تجري علي 120 كيلو يعني مش وحشة ياريت حضرتك تعي النظر في الماروتي لان معلوماتك خاطئة عنها |
رد: هتجنن مش قادر اختار "128 ولا ماروتى "؟؟ ساعدووونى
القديم كلة أعطال ومشاكل !
الجديد اعطالة قليلة ومعروفة وسهل التعامل معها القديم تصلح حاجة تلاقي حاجة تانية خربت تصلحها هي كمان بعد شويه عطل تاني جديد! سيبك من موضوع شنطة 128 والوسع انت عايز تنزل مشوارك تدور العربية وتمشي مش تنزل تلاقي مشاكل في اول اليوم وتتأخر علي مواعيدك بغض النظر عن الماروتي نفسها انت خليك مع الجديد عموما |
رد: هتجنن مش قادر اختار "128 ولا ماروتى "؟؟ ساعدووونى
متشكر جدا جدا جدا من كل الاعضاء المحترمين جدا جدا ومتشكر لسعه صدركم ومتشكر للمنتدى العظيم ده اللى اتاح لى الفرصه انى استفاد من خبرات ناس قمه فى الذوق مثلكم
انا فعلا كان معايا ال 128 وكانت عجبانى بس قرفانى مع الميكانيكى كل يوم والتانى:( اما الماروتى خايف منها علشان عمرى ما ركبتها انا بس عايزكم تطمنونى على شويه حاجات تانى معلش فى الماروتى لو فيها تعب لانى ابتديت اميل ليها اكتر اولا انا زى ما قولت انا ساكن فى منطقه عشوائيه مطباتها ولا الجبال :) فهل عفشه الماروتى اقوى من 128 وهتستحمل ؟؟ وهل انعم وكمان الكبالن فى 128 كانت بتبوز كتير هل المشكله دى هتبقى فى الماروتى برده بسبب المطبات ؟؟ تانى حاجه ال 128 لو كنت نزلت بيها مشوار فى الصيف وكانت على الساعه 1 او 2 الضهر كانت بتسخن جداااااااااا جداااااااااا هل الماروتى اقل سرعه سخونيه من ال 128 ؟؟ ثالث حاجه هل الماروتى من ناحيه البرستيج افضل من ال 128 ؟؟ اخر حاجه بقى معلش ال 20 الف اللى معايا ممكن يجبولى موديل كام ماروتى بحاله كويسه وممكن اروح معارض ايه كويسه للمستعمل ؟؟ وشاكر جدا تعبكم معايا واسف لو مطول عليكم :fun_36_3_1[1]::fun_36_3_1[1]: |
رد: هتجنن مش قادر اختار "128 ولا ماروتى "؟؟ ساعدووونى
مع خالص أحترامى الشديد لذوق حضراتكم ورغبة منكم فى مساعدة هذا الشخص كتاب الموضوع أحب أن اعرفه رإيي الشخصى يا باشا خليك فى الادا وبالسعر ده تقدر تجيب لادا 2105 موديل 95 وحالتها ممتازة وأسعارها رخيصة وعند البقال وكله تمام حضرتك مفكرتش ليه لوقدم ربنا يرزقك ويوسع عليك وسعاته هتحتاج سيارة أكبر تعمل أيه سعتها صلى إستخارة وخليك فى الادا مش هتندم طالما حالة السيارة جيدة وسليمة وخلى عند حضرتك خلفية أكتر ومعلومات أكتر عن السيارة اللى هتشتريها الفلوس ديه أكيد مجتش بالسهال الادا بتاعت شغل وممكن تعمل بيها الصبح أبونية مدارس بجانب توزيع حضرتك لمستلزمات الكمبيوتر وعلى فكره بسعر 16000 جنية تقدر تجيب لادا 2106 (1500) عربية شديدة وحمالة أسية وبالسعر ده تجيبها حالة فوق الممتازة وربنا يعنيك ويديك اللى انت عايزة وموفق فى الشراء بأذن الله. أخوك محمد :THUMBS~220::THUMBS~220:: THUMBS~220: |
| الساعة الآن 03:34 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017