|
رد: هل ينفع تركيب سب ووفر كمبيوتر بالسيارة
انا سالت كهربائي قبل كدة قالي مينفعش خالص
حضرتك تغير السماعات احسن تقبل مروري SLAM |
رد: هل ينفع تركيب سب ووفر كمبيوتر بالسيارة
الف شكر ليك ليك يا باشا وشكر لمرورك أخى الكريم. أخوك محمد SLAMSLAMSLAM :286: |
رد: هل ينفع تركيب سب ووفر كمبيوتر بالسيارة
اقتباس:
السلام عليكم ورحمه الله وبركاته. حضرتك لو عايز تشغل صب الكمبيوتر على العربيه فدا ممكن ان حضرتك تفك الصب وتاخد السلكتين بتوع السماعه نفسهم وتوصلهم على اكيوليزر علشان تشغلها بيز بس دى حاجه الحاجه التانيه ان السماعات الصغيره بتاعت الصب دى 3 وات تقريبا الواحده يعنى مش هتستحمل الكاسيت حتى لو حضرتك وصلت الاربعه على وصله واحده وطبعا العلم عند الله وان شاء الله الاخوه الافاضل يفيدوك اكتر وتقبل مرورى :THUMBS~220: |
رد: هل ينفع تركيب سب ووفر كمبيوتر بالسيارة
السؤال ليه اللفة ديه كلها، الاحسن انك تشتري صب للعربية، في حاجات كتير هتلاقيها متوفرة وعلي قد الميزانية وهتديك نتيجة احسن واريح من كل ده
|
رد: هل ينفع تركيب سب ووفر كمبيوتر بالسيارة
الحكاية وما فيها يا باشا انى عندى صب فانتوم وصوته أكثر من رائع وعالى جدا جدا جدا ولغاية دلوقتى كسر ليا أربعة كوبايات وأنا حاليا حطه على الجهاز بتاع الكمبيوتر بتاعى وأنا قاعد فى مكتب ترجمة فى شقة ومش قادر أستفيد بعلو صوته فسألت هل ينفع تركيب على السيارة لكى أستفيد منه بدل ما هو شغال يوشوش نفسه وليا طلب عند حضارتكم ممكن تقولولى ايه الأسعار بتبدى من كام لغاية كام انا عايز حاجة نضيفة وتكون حنينة والف شكر لأهتمامكم يا رجالة مش عارف من غيركو كنت عملت ايه. أخوكم محمد :CONGRA~238:FLASHCar:CONG RA~238: :010104~171: |
رد: هل ينفع تركيب سب ووفر كمبيوتر بالسيارة
أستاذ محمد ، الموضوع باختصار مهما الصوت كان كويس من صب في البيت الموضوع هيختلف جدا في العربية، ومش هتلاقيه بالجودة اللي انت فاكرها، انت عندك كاسيت ايه في العربية وعنك سماعات خلفية ولا لا؟؟
|
رد: هل ينفع تركيب سب ووفر كمبيوتر بالسيارة
التسجيل مكتوب عليه كلمة رويال بالأنجليزى كلمة تانية مش فكره دلوقتى بالنسبة للسماعات اللى ركبة فهى شبة سماعات الراديو القديمة جدا جدا بالرغم من ان صوتهم يعتبر عال نسبيا ولكن ليس بنقاء صوت عالى وكمان فيهم زى وش والتسجيل ياخد مطب يشتغل ياخد مطب تانى يفصل راحت للكهربائى عمله يومين وفصل تانى قولتله قال لى انو التسجيل نوعه وحش وانا حاليا العملية مزنقة جامد معايا وعايز أعرف اية الأسعار بتبداى من كام لغاية كام وشكرا. أخوكم محمد :CONGRA~238:FLASHCar:CONG RA~238: :010104~171::010104~171: |
| الساعة الآن 01:58 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017