|
رد: ممكن مساعدة سريعة
اقتباس:
هو انا اعتقد ان لو اخوك مشى على الاحتياطى مش مشكله خالص بس لو طبعا التنك عندك فيه رواسب كتير وكدا هيسد الفلتر او الكربراتير وبالتالى يحصل الخنقه اللى بتقول عليها على السرعات العالية على العموم طيب جرب اشترى الاول فلتر بنزين ب 5 جنية وركبة بدل القديم وشوف ايه الاخبار لو تمام يبقى خير وبركه لو حصل ان الدنيا هى هى يبقى الافضل زى ما بقولك تروح لميكانيكى او بتاع كربراتير ينضفلك الكربراتير ويشوف ايه الدنيا لان كدا الموتور على السرعات العالية مش بياخد كفايته من البنزين وربنا ييسر لك الامور |
رد: ممكن مساعدة سريعة
فى حاجة تانية ممكن تعملها مع تغيير الفلتر بتاع البنزين نظف فلتر الهواء كويس او غيره وادى الماكينة كام مدفع أعكس البوجيهات علشان تدى معاك كم مدفع علشان تظبط الدنيا معاك وتسلك دور الوقود وجرب حط بنزين 90 مع 80 حط بحوالى 20 جنية 90 وأعكس بوجيهات على كام مدفع وكمان زى ما الأخ الفاضل قال لحضرتك الباكات نضافة وأتاكد من مقاساتها وكله يبقى تمام. أخوك محمد :balloons71: |
رد: ممكن مساعدة سريعة
شكرا لجميع مساهامتكم
الحقيقة ان انا عملت كل اللى قولتوا عليه وبرضه زى ما هى فزهقت وقولت كمل على كده لحد ما فصلت خالص فى يوم وانا ماشى نزلت وفتحت الكبوت لقيت فلتر البنزين فاضى خالص بصيت على المؤشر لقيت التنك مليان واتضح فى النهاية ان السبب طلمبة البنزين الله يخرب بيتها وسبب التنتيش انها كانت مبترفعش بنزين كويس وغيرتها والعربية بقت تمام والحمد لله |
رد: ممكن مساعدة سريعة
اقتباس:
الحمد لله ان توقعى للمشكلة كان قريب جداااا منها ولو تفتكر كنت قولت لحضرتك ان الماتور على السرعات العالية مش بياخد كفايتة من البنزين وعلى العموم مبروووك على حل المشكلة ونصيحتى ليك لو عاوز تحافظ على الطرمبة اعمل فلتر بنزين قبلها علشان يحافظ عليها |
رد: ممكن مساعدة سريعة
اقتباس:
فعلا انا ركبت الفلتر قبل الطرمبه بس انا عاوز اعرف هو ليه الفلتر مبيكونش مليان |
| الساعة الآن 03:45 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017