المشاركة الأصلية كتبت بواسطة cars admire (المشاركة 711140)

هيصلحهالك وهترجع 100% ان شاء الله بس لازم تروح له النهاردة لاءن غدا الاحد اعتقد الورشة بتقفل !!
غالبا عندك سيل فى ديل السيرفو ناحية دواسة الفرامل عايز يتغير فقط !!!!!!!
امشى بطىء لغاية لما توصل الورشة بالسلامة وابقى قول لنا عملت ايه !!
بالتوفيق
:GROWIN~12::GROWIN~12::GR OWIN~12:

المشاركة الأصلية كتبت بواسطة Speranzawy (المشاركة 711144)

انا شاء الله هروحلة يوم الاثنين
بس من باب العلم بالشئ لو تشرحلي يعني ايه سيل في ديل السيرفو من ناحية دواسة الفرامل.... يعني كده هيتغير ايه بالظبط (طاقية ولا خرطوم ... انا مش فاهم)
وهل دي حاجة صعبة يعني ... وهل تتكلف كتير ولا قليل "تقريبا كده كام يعني" علشان اعمل حسابي في الفلوس وانا رايح

المشاركة الأصلية كتبت بواسطة cars admire (المشاركة 711149)

اولا هتتصل بالتليفون وتشوف مواعيد الورشة من الساعة كام لكام والافضل توصل عندهم الصبح بدرى !! التكلفة هتبقى حوالى من 50 الى 100 جنيه بالكتير ده المفروض !
http://www.corvette-restoration.com/...ic_2_large.jpg

المشكلة عندك فى الغالب الجزء المكتوب عليه فلترز سيلانسرس على الرسم

http://www.corvette-restoration.com/...ic_1_large.jpg

وهنا السيل اول جزء من الاعلى

مع ملاحظة ان الموتور بيفضل شغال مع الضغط على الفرامل ومش بيبطل !!
:GROWIN~12::GROWIN~12::GR OWIN~12:

المشاركة الأصلية كتبت بواسطة Speranzawy (المشاركة 711160)

فعلا الموتور مش بيبطل ولا بيرعش ولا بيعلى ويوطى ... الفرامل بس خفت و في صوت تنفيس تسمعة واضح و عالي من داخل المقصورة , لكن من الخارج لما تفتح الكبوت تسمعة ضعيف

انا اتصلت بالورشة دلوقتي ... سالني العربية موديل كام قلت له 2009 قالي اشوفلك ليها سيرفو اصل السيرفو مش بيتصلح (طب هو عرف منين ان السيرفو بايظ وعايز يتغير) ده انا كل الحكاية قلت له العربية نوعها كذا وموديل كذا وبسمع صوت تنفيس لما بدوس علي بدال الفرامل .. امممممم.. انا عارف ان الراجل ده شاطر .. بس انا مش بحب الاشتغالات ... هو قالي تعالى يوم الاثنين علشان النهاردة عنده زحمة

ايه رأيك يا زعيم اكمل واروح

ثانيا: انا فهمت من الرسم ان ده سيل "Seal" بتاع هواء صح مش زيت لان السيرفو مفهيوش زيت خالص ولا انا فهمت غلط؟
وفعلا اعتقد ان تشخيصك سليم لان العربية مش بتتبرجل لما بدوس فرامل .. هي الفرامل شغالة والـABS شغال بس الفرامل ضعفت لان الهوا بيتسرب من السيرفو عن طريق السيل ده وبالتالي ضغط الهوا جوة السيرفو قل وبقى مش بيضغط علي الماستر بكل قوته..
بس السؤال .. انا معنديش اي تقل في دواسة الفرامل مع ان الهوا جوة السيرفو المفروض انه قل نتيجة التسريب وبالتالي الماستر هيبقى محتاج قوة ضغط اكتر من السائق علي دولاسة الفرامل علشان يعوض نقص قدرة السيرفو؟ مش كلامي معقول برضة ولا عندك تفسير