المشاركة الأصلية كتبت بواسطة sayed2077 (المشاركة 709099)

وكنت بقولهوم انى عندى 20 سنه وانا كان عندى 15 سنه بس) ومكنش يعرف كدا غير المدير بتاعى بس الباقى كله عارف انى فى معهد والحمد لله انا علشان جسمى مليان كان بيبان انى كبير فى السن حتى دلوقت عندى 18 سنه والناس فاكره انى عندى 25 سنه ههههههههه

المشاركة الأصلية كتبت بواسطة elmo7areb (المشاركة 709103)

كنت شغال محاسب فى السعودية المهم لقيت عامل هندي عندنا بيوزع بيبسي على الشركة كلها وجالى وقاعد يضحك وبيدينى بيبسي المهم بقوله اية المناسبة قالى الحرمه حقي فى بيبي جديد قلت له مبروك بس مبروك على اية ؟؟
الراجل دة بقاله كتير منزلش اجازة يبقى ازاى بيبي جديد المهم طلعت شنطة جوازات السفر وقلت احتمال انا جالى فقدان ذاكرة وطلعت جواز سفره وبصيت على اخر تأشيرة مغادرة لقيتها من 7 سنين فاتو مسفرش الهند وقاعد فى السعودية
اتجننت وقمت اتصلت بصاحبى مدير المشتريات وهو جنسيته يمني وقلت له الموضوع جالى المكتب ميت من الدحك وقالى النظام فى الهند واحد يشتغل ويصرف على الاسرة واخوه بيكون موجود فى الهند
قلت له يعنى المولود الجديد دة نظامة اية قالى عادي جدا بيتسجل بأسم العامل الى شغال عندك ومفيش مشكلة


اسف جدا هو موقف قليل الادب جدا بس فعلا دة اكتر موقف دحكني فى الشغل :06A7D5~132:

المشاركة الأصلية كتبت بواسطة ahmed_rahem (المشاركة 709143)

انا شغال فى مكتب محاسبة وفية منطقة مفتوحة وفيها اقسام مكاتب كل قسم لية تليفون، المهم المنطقة فيها 3 اقسام اتين شغالين والتالت محدش بيقعد علية. المهم القسم الى انا فية عدة التليفون باظت فزميلى راح شايل العدة وحطها مكان عدة القسم الى محدش بيقعد علية وموصلش لا سلك السماعة ولا حتى الخط. جة زميل معدى وكان عايز يعمل مكالة راح رافع السماعة ودايس على الزراير ومستنى - السماعة مش موصلة والعدة من غير خط - واحنا اول مانتبهنا كلنا كنا بنضحك وهو مش فاهم فية اية لحد معرفنا ناخد نفسنا ونقلة ان العدة من غير خط.

المشاركة الأصلية كتبت بواسطة noura_taman (المشاركة 709332)

اه افتكرت موقف:shyy:
مرة كان عندي ضغط شغل رهيب وانا بشتغل سكرتير تنفيذي لرئيس مجلس ادارة ... وكنت في يوم بخلص شغل مهم ومتأخرة جدا على البيت وجوزي معاي على التليفون بيستعجلني عشان اروح وانا على اخري المهم الراجل (رئيس مجلس الادارة) كلمني على التليفون الداخلي وهو دايما بيتكلم من الاسبيكر وكان عنده ناس في المكتب وضيوف فرحت انا كدة أخدت نفس عمييييق ورحت رافعة السماعة وبثقة في النفس وبدون تردد وبعلو حسي رديت وقولت أيوة يا حبيبي ... طبعا كان ضحك السنين جوة عنده في المكتب والضيوف تتضحك وهو يضحك وكنت اخر مسخرة لما كان نفسي الارض تتشق وتبلعني ساعتها :shy: