|
رد: حد يفهمنى اعمل اية عشان زهقت !!
السلام عليكم لاداعى للقلق من فك المانفولد بس هل انت متأكد اولا من طلمبة المياه ثانيا المياه ديه بتبقى داخله لتبريد الكربراتير وعمل الطبه احسن من اللحام لأن لما تحط اللحام لابد ان تكون السياره بارده وتسيبها فتره بارده لكى يعضم وينشف براحته اكيد انت بتحط اللحام وهيه سخنه وبتدور السياره على طول فلايلحم كويس والله المستعان |
رد: حد يفهمنى اعمل اية عشان زهقت !!
اقتباس:
وعملت الطبة ولا لحمتها ؟؟! وهل فى حاجة تانية فى المانيفولد غير الطبة ممكن توقع مية ؟! اقتباس:
وبالنسبة للطلمبة لو حضرتك تقصد من متأكد منها انها شغالة ولا لأ فهى شغالة وبتقلب كويس جدا الحمد لله يعنى حضرتك تقترح انى احاول اعملها وهى باردة واسيبها تنشف خالص وتعضم قبل ما افك المانيفولد ؟! ولا اتوكل على الله وافك واشتغل على نضيف ؟! |
رد: حد يفهمنى اعمل اية عشان زهقت !!
الصراحة انا افضل الحل الجزرى الا و هو فك المانيفولد و تغيير الطبة و اى طبة تانية شكلها قربت
الارنديد لمل بينشف بيبقى سهل يتشال لانه بيتكسر بسهولة لو دقيت عليه بسن مفك |
رد: حد يفهمنى اعمل اية عشان زهقت !!
اقتباس:
ماعرفش كسل منة ولا ممكن فعلا يحصل حاجة لو فكة حضرتك رأيك اية اللى ممكن يحصل يا استاذ احمد مع فك المانيفولد ؟!ّ وهل الطبة دى بتتباع ولا بتتعمل عند خراط ولا بتتجاب منين دى |
رد: حد يفهمنى اعمل اية عشان زهقت !!
فيه ناس خرطتها قبل كده و بيقولوا انها احسن
انا عن نفسى جبتها جاهزة الجاهزة تقريبا ب 3 ج و الخراطة اكيد مش حتزيد عن 10 ج و قبل ما تفك المانيفولد اشترى الجوان لانه حتى لو كان سليم حيبوظ من الفك و فى رايى لو ميكانيكى خبرة حيفكه و يركبه بدون ادنى مشاكل هو بس تلاقيه عشان يوفر عليك ابتدى بالاسرع و الاسهل و الاوفر و على فكرة نفس السناريو حصل معايا فى اللانوس و حطيت ارنديد و فى الاخر غيرت الطبة و كانت مزنزقة ورا الفرن لان الطبب فى اللانوس فى البلوك مش فى المانيفولد ففكينا الفرن و فكه مقرف فى اللانوس و ياما فكيت المانيفولد و فكيت وش السيلندر 3 مرات و كل حاجة بترجع زيى ما كانت طالما قطع الغيار متوفرة و طالما الشغل صح يبقى مفيش خوف |
رد: حد يفهمنى اعمل اية عشان زهقت !!
اقتباس:
وبالنسبة للطبة والجوان اكيد مش هلاقيهم وهخرط طبة واعمل جوان عند بتاع الجوانات ان شاء الله وربنا يجيب العواقب سليمة |
رد: حد يفهمنى اعمل اية عشان زهقت !!
يا رب خير ان شاء الله
و جزاك الله خيرا لكلامك الطيب |
| الساعة الآن 08:10 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017