|
رد: توقعك // رد فعل مرسى تجاه الدستورى المكمل
تابع اقوال المصرين // الشرعية الثورية خلاص انتهت !! يا يقسم امام المحكمة الدستورية ..يا مش حيبقي رئيس شرعي و بعدين هو ناوي يقسم تلاث مرات -- محكمة -- ميدان -- برلمان غير كده ... الصح انه يطاوع المجلس شوية عشان مايقلبهاش عاليها واطيها عليه قبل ما يعمل حاجة --- و بعد كده يصلح واحدة واحدة // وهذا راى اخر الأستاذ صبحي صالح ينفي ما نشرته وسائل الإعلام علي لسانه بخصوص تأدية مرسي اليمين امام المحكمة الدستورية ، نتمني عدم نقل الشائعات و عدم أخذ بأي تصريح إلا من الرئيس شخصيا أو د.ياسر علي مدير الحملة منقول من الفيس بوك الفترة الجايه هتبقي كلها اشاعات و تضليل كالعادة بس هيبقي ازيد شويه علشان كدة انا ان شاء الله مش هاخد خبر ايجابي او سلبي الا لما اتاكد منه بالنسبة لموضوع حلف اليمين للاسف لو حلف امام المحكمه الدستوريه يبقي دة اعتراف ضمني بالاعلان المكمم - ممكن نمسك العصايه من النص و يتم اقتراح حلف اليمين امام مجلس الشوري بصفته لسة شرعي و قائم الي الان // |
رد: توقعك // رد فعل مرسى تجاه الدستورى المكمل
حازم من التحرير الآن : خليهم يظبطوها سوا في الغرف المغلقة ولا هتأثر علينا احنا ابينا ان نعيش عبيدا وهنحرر نفسنا من العسكر او ان نموت شهداء حازم من التحرير الآن : لا يصح لنا ان نفرح بفوز مرسي ويقل رباطنا في الميدان بل لابد ان نزيد وان يكون هدفنا سحق العسكر ومحاسبتهم على جرائمهم حازم من التحرير الآن : اياكم وتكرار خطأ 11 فبراير والانصياع لهتاف المخابرات باخلاء الميدان فنحن الآن في اختبار لرجولة امتنا وشرفها حازم من التحرير الآن : لدينا نية لتطوير الحراك وزيادته فنحن لن نبقى في التحرير كثيرا بل سنتحرك وسنسقطه فلسنا عبيدا ولسنا مداسا للبيادات إحتفال الميدان بالشيخ حـازم http://a2.sphotos.ak.fbcdn.net/hphot...85051605_n.jpg http://a8.sphotos.ak.fbcdn.net/hphot...49949884_n.jpg حازم من التحرير الآن : كلما تساهلنا وتهاونا بيستهينوا بينا ويلفوا من ناحية تانية والله لو بقي اي دور اي دور للعسكر سيقضون على الاخضر واليابس حازم من التحرير الآن : مش مستعدين نمشي 60 سنة كمان عنينا في الارض وقفانا بيداس بالجزم ولو انتوا عاوزين انا لن ارضاها لنفسي واهلي ولكم حازم من التحرير الآن : المبدئ ليس في انتخاب البرلمان وليس الرئاسة وانما في ازالة العسكر تماما من الحياة المدنية حازم من التحرير الآن : العسكر مؤسسة خدمة وليست سلطة ففي كل بلد حكمها عسكر اغتصب الوطن وانتهت سلطة الشعب تماما |
رد: توقعك // رد فعل مرسى تجاه الدستورى المكمل
على فكره انا بشوف الشيخ حازم فى التحرير فعلاً
بيبقى ملموم حواليه دايره من مريديه مابين اللى بيبوس ايده واللى ماسك كرتونة بيهويله ولا السلطان قطز والاهم انه بيحب يقف لوحدة بحاشيتة ومبيرضاش يتطلع يتكلم من المنصه ولما سألت الشباب بتوعة ليه ميطلعش يتكلم على المنصة علشان ميبقاش للميدان اكتر من منصه ونعزز روح الوحدة الموجود حاليا ًردو على بان المانع هو الحر فقط :fun_36_1_7[1]: :thnkr: |
رد: توقعك // رد فعل مرسى تجاه الدستورى المكمل
اما بالنسبة لموقف مورسى من الاعلان الدستورى المكمل
فانا متوقع انه مش هيختلف كتير عن موقف الاخوان من الاعلان الدستورى الاولانى اللى طبخوة مع العسكر علينا والدافع الوحيد من ورا انكاره هو الدفاع عن مجلس الشعب الفاشل المنحل انا شخصياً اتمنى يحلف اليمين قدام المحكمة وقدام الناس فى الميدان فيجمع بين الشرعية القانونية وشرعية الميدان ويبداء تشكيل حكومتة ويعلن عن نوابه وبعدين يجهز مع العسكرى انتخابات تشريعية جديدة وانتخابات محليات ولو عمل الكلام ده فى ال 100 يوم الاولانين يبقى انجز واثبت جدارته فى اقامة دعائم الدولة المنهارة ويا سلام لو فى خلال ال 100 يوم دول كمان نخلص من الدستور |
رد: توقعك // رد فعل مرسى تجاه الدستورى المكمل
اقتباس:
بلعنى أيها الملك السعيد ذو الرأى الرشيد بأنه جارى حاليا التفكير فى تحويل الميدان لصاله مغطاه ومزوده بكافة وسائل الترفيه ومزوده بتكييف مركزى وذلك عملا على راحة الساده المتظاهرين مستقبلا وفى جميع فصول العام ------------- لأن كلام بينى وبينك وميطلعش بره موضوع الباعه الجائلين وبيع العرقسوس بهذا الشكل بأه شكله مش حضارى فعلا وبيسىء فعلا لسمعة الميدان ولنا كمصريين |
رد: توقعك // رد فعل مرسى تجاه الدستورى المكمل
اقتباس:
ربنا يستر وميكونش الطبيخ مستمر للآن لأن بينى وبينك سمعت الحاج / توفيق بيشير لهذا بالأمس وفيه مثل بتقول خذ الحكمه ...من أفواه !!!!!!!!!! وأنا فعلا من عشاق الأمثله الشعبيه ------------- دا غير أن المبادىء لاتتجزأ وإللى فيه خصله مابيبطلهاش |
رد: توقعك // رد فعل مرسى تجاه الدستورى المكمل
ياريت نخلى بالنا من لعبة الاشاعات اللى بتلعبها اجهزة الدوله المصرية الفاسدة واصدار تصاريح واقوال لا صحة لها ونشر الفوضى بين جموع الثوار والشعب نخلى بالنا كويس
اتمنى فعلا فى اول 100 يوم يتم تطهير كلى لاجهزة الدوله ومؤسساتها من رموز واهرامات الفساد والمترهلين حتى المجلس العسكرى بهذة الوجة ياريت انهاء خدماتهم دول ناس مسنة المفروض انهم يرتاحوا فى سنهم فى البيت |
| الساعة الآن 04:03 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017