مصر موتورز مجتمع السيارات - كام امبير-فى سلك موجب الدينامو- رايحين للبطارية- سلانسيه

اقتباس:

انا غلبتك معايا

سامحنى

العفو انا برتاح للكلام مع حضرتك

اقتباس:

البطارية خرجت من اللعبة

أصبح الدينامو هو رب الاسرة

لا طبعا المعلومة دى مش دقيقة ولكن اللى بيحصل ان البطارية هى مصدر التيار الرئيسي ةالدينامو ما هو الا خزان للطاقة لو البطارية ضعفت بيقوم الدينامو بتعويض الفقد فى تيار البطارية ولو اتملت البطارية بيخرج من اللعبة واللى بينظم الموضوع دة كتاوت الشحن

اقتباس:

انا عايز أسال على شدة التيار اللى لو قلت يبقى الدينامو ده خرف

هى دى النقطة اللى مختلفين فيها ومش قادرين نوصل لبعض واكيد انا اللى مش عارف اوضحها كويس
بس انا ادتلك مثال بسيط لشدة التيار اللى هو مثال بريزة الكهرباء اللى فى شقتك وقلنا انها ممكن تشغل شاحن موبايل اللى بيسحب تيار لا يتعدى ملى امبير وممكن تشغل عليها تكييف شدة التيار ممكن تفوق الـ 10 امبير
اقصد اقول ان المصدر مش هو اللى بيتحكم فى شدة التيار المسحوبة منة وفى حالتنا هنا الدينامو ولكن الحمل هو اللى بيحدد هايسحب كام امبير من الدينامو
طب اؤلك على حاجة فى صياغ سؤالك
لو البطارية فاضية وعاوزة تتشحن والدينامو فى بداية شحنة للبطارية اكيد شدة التيار المار الى البطارية والخارج من الدينامو هاتكون اكبر بكتير جداااااااااا لو البطارية اتملت نصها او اثلات اربعها اقصد اقول ان شدة التيار المسحوبة من الدينامو هى فى كل الاحوال متغيرة
وعموما الدينامو بيتباع بالامبير لان الفولت ثابت اينما كنت وموجود دينامو 50 امبير او 60 امبير واللى بيحدد الدينامو دة كام امبير مساحة مقطع السلك النحاس لملفات العضو الثابت (ستياتور)

اقتباس:

( ونسيتنى خالص فى موضوع الفرامل يا كبير)

انا اسف ولو تسمح فضلا لا امرا تدينى رابط الموضوع ونتكلم هناك

اقتباس:

وكمان ما قلتلتيش على فازلين الكونتاكتور بيتجاب منين علشان اجيبه

كان شركة بتوردة لينا اسمها ABB فى العاشر من رمضان
لكن اكيد موجود عند محلات السويدى فى وسط البلد

اقتباس:

انت من الناس اللى لازم نكرمهم دايما

اشكرك على المجاملة الرقيقة ودة ما تعلمناة من مصر موتور ومن العلامة اللى نفسي ابقى واحد من عشرة منة
اخونا الفاضل CARS ADMIRE