مصر موتورز مجتمع السيارات
صفحة 2 من 3 1 2 3
عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)
-   BYD (https://www.masrmotors.com/vb/forumdisplay.php?f=129)
-   -   سؤال لخبراء BYD F3 (https://www.masrmotors.com/vb/showthread.php?t=90511)

Ahmed El Khawaga 28-06-2012 04:18 PM
رد: سؤال لخبراء BYD F3
 
الف الف شكر للاستاذ الفاضل f3_byd و الاستاذ kimo 10 على الاهتمام و الرد
و احب احكي موقف صغير حاصل معايا النهارده.
كنت رايح المرور اخلص مخالفات عربيتي قبل ما ابدأ ابيعها و اجيب الحلوه انشاء الله فأخذت تاكسي من الدقي لحد مرور الدراسة و فضلت واقف في الشارع مستني تاكسي BYD اركبه :36_3_1: حظي طلع حول علشان السواق كان ظريف جدا من النوبه و مشغل التكيف كمان. المهم قاعدين بندردش و ببص على التكييف لقيته مشغل الهواء سحب من الخارج فقلت احب انصحك بلاش تشغل سحب الهواء من الخارج لعدة اسباب: هيجيب كل العوادم و قرف الشارع جوه و هيسد الفلتر و ممكن الكويل كمان ده غير ان الكمبريسور هيعمل مجهود اكبر علشان يسقع الهواء السخن اللي بره ده.
الراجل حبيبنا قالي و الله ده كان في زبون قبلك راكب معايا و قالي خليه سحب من الخرج احسن:00db9337ef155724e76 بس تصدق يا استاذ انت عندك حق الهوا ساقع دلوقتي اكتر و كمان الحراره نزلت ؟؟؟؟؟؟؟

قلت في سري هي ايه حكايه الحراره دي ؟ هي الحراره ورايا ورايا؟؟؟؟
وسكت بقية الطريق و حبيت اشارككم التجربة و نحاول نفهم موضوع الحراره ده مع بعض

mhamdy75 28-06-2012 06:55 PM
رد: سؤال لخبراء BYD F3
 
الحرارة نزلت !!!

سحب الهواء من الخارج

مالوش علاقة

Ahmed El Khawaga 02-07-2012 08:30 AM
رد: سؤال لخبراء BYD F3
 
اقتباس:
المشاركة الأصلية كتبت بواسطة mhamdy75 (المشاركة 705147)
الحرارة نزلت !!!

سحب الهواء من الخارج

مالوش علاقة
مهندس محمد صباح الفل, انا مقتنع تماما بأن سحب الهواء من الخارج ملوش اي علاقه بارتفاع الحراره. انا كنت بنقل موقف حصل امامي. و قد نويت انشاء الله ابيع سيارتي العزيزه على (هوندا اكورد 1991) و اجيب ال BYD.
و طول مافي منتدى فعلا محترم و اعضاء محترمين هنقدر نساعد بعض في الخير دائما انشاء الرحمن.

ashrafsoft 09-07-2012 12:59 PM
رد: سؤال لخبراء BYD F3
 
بعد اذنكم ممكن اعرف يعنى ايه سحب الهواء من الخارج
يعنى يكون التكييف مظبوط ازاى ؟؟؟؟؟

NASERELFHHAM 07-08-2012 11:45 AM
رد: سؤال لخبراء BYD F3
 
بعد اقتناعى بالبى واى دى ..لانها تشبه كورولا اللى بحبها.. صرفت نظر عنها لكثره الشكوى منها ..وما بين مؤيد ومعارض

خلينى بعيد أحسن

وده مجرد وجهه نظر شخصيه بحته

melsheshtawy 07-08-2012 02:56 PM
رد: سؤال لخبراء BYD F3
 
أنا معايا العربية عاملة 15000 كيلو موديل 2012 والعربية كويسة ومشاكلها قليلة جدا بالنسبة لمزاياها وفيها ميزة مش هتلاقيها فى اى عربية زيرو بدون مبالغة وهى إن قطع الغيار فى التوكيل مش هتخليك تحاول تجيب أى حاجة من برة لأنها غير مبالغ فيها على الإطلاق عيبها الوحيد إن التوكيل فى الصيانة مش بيكون منظم فى ترتيب الدخول وعمل أوامر الشغل والكلام ده لكن ده بيحصل مرة كل 3 أو 4 شهور بعتبره يوم ضايع وخلاص

mhamdy75 07-08-2012 05:43 PM
رد: سؤال لخبراء BYD F3
 
اقتباس:
المشاركة الأصلية كتبت بواسطة ashrafsoft (المشاركة 712587)
بعد اذنكم ممكن اعرف يعنى ايه سحب الهواء من الخارج
يعنى يكون التكييف مظبوط ازاى ؟؟؟؟؟

تقليب الهواء فى التكييف له وضعان

الأول تقليب وتكييف الهواء الداخلى

الثانى تقليب وسحب نسبة من الهواء خارج السيارة

وهتلاقى الزرار ده مرسوم عليه سهم وعربية


الساعة الآن 12:21 AM.
صفحة 2 من 3 1 2 3
عرض 7 مشاركات من هذا الموضوع لكل صفحة

Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017