رد: فيرنا ام لانوس ام لوجان افيدوني ارجوكم
 

مفيش عربية فيها كل حاجة أنت عاوزها. وبالأخص أنك مختار 3 عربيات مش غالية قوى إذا لا تتوقع أن يكون فيها كل حاجة. لو عاوز حاجة كويسة يبقى فولكس فاجن ( بولوا أو جولف) ولكن تعمل حسابك على 140 الف وأنت طالع..

لو الحال على القد يبقى أحسن الثلاث عربيات التى قلت عليها هى لوجان ولكن قطع الغيار غالية...

رد: فيرنا ام لانوس ام لوجان افيدوني ارجوكم
 

بص في الاول انت مقسمها نقط وده كويس بس انت كده هاتزود حيرتك عشان الاتي
1- لو في الارتفاع ومساحة الكنبه الخلفيه ومساحة الشنطه يبقى اللوجان
2- لو في التكييف تقريبا كله قريب مب بعضه وان كانت اللانوس اضعهفم
3- الكاسيت والسماعات كلهم عاديين ومفهمش اي اختلاف وتقريبا الكاسيت للفيرنا واللانوس واحد وحسب الكماليات في اللوجان عشان في منها بدون كماليات خالص
4- قطع غيار متوفره الفيرنا واللانوس زي ماتقال يتباع في الصيدليات واسعار اقل مقارنه باللوجان وتوافر لقطع غيار اقل للوجان
5- بالنسبه للجري فانت بتتكلم في فيرنا هي اقوي موتور 106 حصان ويجي من بعده اللوجان 90 حصان ثم اللانوس 85 حصان بس هاتفرق معاك في الشد من الارض لكن TOP SBEED كله هايكون واحد تقريبا
6 - اما بالنسبه للثبات فالفيرنا اقلهم رغم قوتها الجباره على حجمها والحل بيكون انك تجنطها جنوط 14 واللانوس ثابته قوي على الطريق جدا لحد 160و 170 اما اللوجان فانا مجربتهاش على السرعات العاليه فمقدرش احكم على ثباتها
7- فرامل الفيرنا واللانوس لا يعتمد عليهم بالمره اعتقد اللوجان افضل
8- وسائل حماية من السرقه بيختلف على حسب الاوبشن واعتقد كلهم واحد وبتتحكم فيها انت بعد كده
9- وسائل الامان اللوجان بها ايرباج والفيرنا واللانوس لأ
10- الراحه في السفر التلات عربيات جداد ومكيفين وركوبتهم مريحه
11- استهلاك بنزين في التلاته جيد جدا وليس زي ماتقال ان الفيرنا 20 لتر في ال100 كييلو دي مكتوبه في كونتكت كار غلط ولكن الواقع 6 لتر واللانوس اعلى في استهلاك البنزين هي واللوجان بفرق لا يلاحظ

في النهايه لو عاوز تسارع ممتاز وقوة ماتور وسعر اعادة بيع وسهوله صيانه وقطع غيار منتشره واعتماديه في البنزين يبقى فيرنا
ولو عاوز ثبات جيد جدا وسهوله صيانه وقطع غيار منتشره واعتماديه في البنزين يبقى لانوس
ولو عاوز امان اكتر وارتفاع عن الارض واتساع في الشنطه والكنبه الخلفيه يبقى لوجان مع ملاحظه عدم ترتيب الاوبشن زي اماكن ازرار الكهرباء للزجاج ومكان الكلاكس
ويارب متكونش الحيره زادت

رد: فيرنا ام لانوس ام لوجان افيدوني ارجوكم
 

رد: فيرنا ام لانوس ام لوجان افيدوني ارجوكم
 

الفيرنا انسب واحدة فى كل حاجة :fun_36_3_11[1]::fun_36_3_11[1]::fun_36_3_11[1]::fun_36_3_11[1]:

رد: فيرنا ام لانوس ام لوجان افيدوني ارجوكم
 

أنا كنت محتار مثلك و اشتريت اللوجان بس كانت لولدي مش ليا بس بجد انا شايف انها بقت عربيه عمليه و انتشرت بشكل كبير في مصر.

انا انصحك باللوجان

رد: فيرنا ام لانوس ام لوجان افيدوني ارجوكم
 

بالترتيب كده وانت اختار

1 عالية عن الارض ودي اهم حاجة لان المنطقة بتاعتي مليانة جبال مش مطبات

لوجان لانوس فيرنا

2 الشنطة تكون واسعة

لوجان فيرنا لانوس

3 الكنبة الخلفية تكون واسعة جداا

لوجان لانوس فيرنا

4 تكييف قوي جداا

الاختلاف مش كبير

5 كاسيت وسماعات ممتازين

الاختلاف مش كبير

6 قطع غيارها متوفرة

فيرنا لانوس لوجان

7 ثابتة جدا ع السرعات العالية لاني بحب اجري بالعربية واقفل العداد

لوجان لانوس فيرنا

8 فرامل تكون قوية

لوجان لانوس فيرنا

9 تكون فيها وسائل امان تحمي السيارة من السرقة والركاب من الحوادث

لوجان (اميبولايزر - ايرباج) لانوس فيرنا

10 مريحة في السفر لاني بسافر كتير

لوجان لانوس فيرنا

11 استهلاك بنزين معقول

لوجان لانوس فيرنا (2 كامة استهلاك اكبر)

رد: فيرنا ام لانوس ام لوجان افيدوني ارجوكم