مصر موتورز مجتمع السيارات - طازه من مكتب رئيس مجلس الوزراء مشروع قانون يسمح باستيراد السيارات حتى 10 سنوات

مصر موتورز مجتمع السيارات (https://www.masrmotors.com/vb/index.php)

- منتدى السيارات العام (https://www.masrmotors.com/vb/forumdisplay.php?f=2)

رد: طازه من مكتب رئيس مجلس الوزراء مشروع قانون يسمح باستيراد السيارات حتى 10 سنوات

100 / 100 :CHUBBY~36:

رد: طازه من مكتب رئيس مجلس الوزراء مشروع قانون يسمح باستيراد السيارات حتى 10 سنوات

هى البلد نقصه عربيات علشان يتفتح السوق بهذا الشكل ,طيب يوفرو البنزين وباقى المحروقات --الموضوع كان مفتوح يمكن لغاية سنة 84 على ماأتذكر لأنى وانا فى اوربا سنة 80 اشتريت عربية بيجو من هولندا وهى كانت ارخص بلد فى المستعمل المهم العربية لحد مادخلت مصر مكلفتنيش 1500 جنيه يعنى بجماركها بمصارفها وكنت شاحنها من ايطاليا على مركب جميل كنت بركبه من فينسيا اسمها ادريتيكا ---بس ياجماعة السوق غرقان عربيات والبلد تكدست عربيات ومش عارفين نمشى حتى على رجلينا من كثرة السيارات ,يعنى فى بورسعيد مينفعش تسوق لأن البلد صغيرة والعربيات كثيرة جداً وهذه الظاهرة اصبحت فى كل محافظات مصر ,طيب وبعدين ايه الحل وكمان نحن امام ازمة وقود ليست فى مصر فقط ولكن على مستوى العالم وإن كانت فى مصر مفتعلة ولكن بلفعل الأزمة بتتفاقم سواء اختناق مرورى او نقص فى الوقود ,أعتقد ان القرارده لو اتنفذ هيكون قرار غير مدروس ,والله أعلم كما ارجوا ان تصححوا لى لو أنا غلطان ,وأرجوا ان اكون ذلكسوقسوقسوقسوقسوقسوقسوقس وقسوقسوقسوقسوق

رد: طازه من مكتب رئيس مجلس الوزراء مشروع قانون يسمح باستيراد السيارات حتى 10 سنوات

اقتباس:

المشاركة الأصلية كتبت بواسطة aymanlaw (المشاركة 692138)

حضرتك خد بالك برضوا أن مع زيادة السيارات أنت بتوقف سوق التاكسى فأكيد الكثير هيلغى المشروع بتاع التاكسى لان الضغط عليه مش هيكون كبير، وكذلك الضغط على المواصلات العامة. فالتوفير اللى هيخصل فى الوقود من التاكس هتلتهمة السيارات الملاكى. أنامثلا فى محافظة المنوفية تجد أن أكثر من 70% من السيارات التى تمشى فى الشارع يوميا هى أما تاكسى أو سرفيز. التاكسى الذى يستغل 12 ساعة بجيب حوالى 100 جنية فى اليوم لان التعريفة عندنا 2 جنية حد أدنى والمشاوير الطويلة من 3 إلى 5 جنية على حسب العدد والمسافة ولو فى شيلة. فى ناس مجبرة تدفع لو مش قادرة تمشى وخاصة فى الصيف فتجد مبلغ بيطلع كل شهر لبند التاكسى والمواصلات

هو المشكلة بس هتكون فى الجراجات والركن لان كل واحد هيحط عربيته تحت بيته هتلاقى الشوارع ضاقت والناس بدأت تتخانق على مكان الركن......

رد: طازه من مكتب رئيس مجلس الوزراء مشروع قانون يسمح باستيراد السيارات حتى 10 سنوات

الزحمة اللى ح تعملها العربيات دى ح تلغى قدامها العربيات القديمة جدا , و ده ح يسبب سيولة اكتر فى المرور
قرار جيد

رد: طازه من مكتب رئيس مجلس الوزراء مشروع قانون يسمح باستيراد السيارات حتى 10 سنوات

قرار اكثر من سىء وغير مدروس لو هينزل كدا سداح مداح بدون ضوابط او شروط

هو الافضل مثالا يتم الاتى
اللى معاه عربيه قديمة يزيد عمرها عن 15 او 20 عام
يمكنه مثالا تسليمها مثالا لوزارة المالية مقابل مبلغ معين و بتستلم المبلغ ومعاه جواب ان يحق لك تستورد عربيه عمرها لا يزيد عن 5 او 10 سنوات على الاكثر وكدا هنكون ضربنا عصفورين بحجر
اول حاجه خلصنا البلد من العربيات القديمة اللى بتاكل بنزين بطريقة بشعه
مثال ال 128 بتاعتى 1100 سى سى الطبيعى بتاعها انها تستهلك 10 لتر بنزين مقابل كل 100 كيلو وده استهلاك بنزين كبير جدا مقارنة بالعربيات الحديثه اللى بداية ال 2000 مع دخول انظمة ال النجكشن وكدا اللى بقت بتوفر فى الوقود جااامد وغير بقا اعطالها الكثيرة واللى لو عطلت فى شارع حيوى المرور بيوقف فى المدينه كلها

وتانى حاجه بنظبط الشعب :06A7D5~132:

بس لو الموضوع اتقتح سداح مداح البلد هتوقف فعلا خالص من كل نحية هتلاقى ازمات مرور رهيبه و ازمات بنزين حقيقية وليست مفتعلة كما الان

رد: طازه من مكتب رئيس مجلس الوزراء مشروع قانون يسمح باستيراد السيارات حتى 10 سنوات

الخبر دة مش تمام لو صح
وهيخرب بيوت كتيررة

رد: طازه من مكتب رئيس مجلس الوزراء مشروع قانون يسمح باستيراد السيارات حتى 10 سنوات

يارب الموضوع ده يتطبق :funny25:... بالنسبة للمرور متقلقوش يا جماعة هو ايه اللى بيمنع واحد بيدور على شقة رخيصة انه ياخدها فى اى مدينة جديدة او مدينة بعيدة برغم رخص اسعار الشقق والعقارات بشكل عام فى المدن الجديدة ... غالبا السبب فى عدم توافر العربية :ff5a34af6efef0e643e
فانا اظن والله تعالى أعلى وأعلم ان مثل هذا القرار قد ينعكس ايجابا وليس سلبا على المرور وعلى الزحف العمرانى الى المناطق الغير مأهولة حاليا ... تفائلوا بالخير تجدوه ان شاء الله :01FDAB~189: