|
رد: مشكلة بالرداتير والمتور
اقتباس:
خلى بالك جدا من ال نقطتين دوول 1- ماتخليش الميكانيكى يركبلك جوانين فوق بعض عشان الكلام دة بيئثر جامد على السحب عشان اما الجوان بيبقى سميك بيعمل lower the compression ratio 2-ماتستخدمش نفس المسامير اللى فكتها من وش السلندر حتى لو طالعة سليمة تماما وهات مسامير جديدة وحاول تعمل الموضوع دة فى اسرع وقت ممكن عشان مايفتحش معاك حاجة اكبر لاقدر الله عشان موتور حضرتك حاليا معرض لحاجتين اخطر من بعض 1- السخونة المفرطة نتيجة عدم قيام دورة التبريد بدورها سواء لنقص المياة او لاختلاطها بالزيت 2- اختلاط الزيت بالمياة بيقلل كفأة التزييت للاجزاء الداخلية للموتور ودى مصيبة لوحدها ربنا يكفيك شرها وبالتوفيق ان شاء الله |
رد: مشكلة بالرداتير والمتور
والله يا جماعة مشكورين جدا بس انا موقف العربية خالص لحين الانتهاء من امتحانتى الثانوية العامة
يعنى بسخنها وهى وقفا فى مكانها كده فى مشكلة |
رد: مشكلة بالرداتير والمتور
اقتباس:
وممكن تضيع كل المكنه فالصح متدورش المكنه لحد ماتشوف مشكلة الوش وجوانه كما وضح الزملاء |
رد: مشكلة بالرداتير والمتور
طيب ما انا لو سبتها من غير مدورها مدة كبيرة مش هدور بعد كده ولا ايه
|
رد: مشكلة بالرداتير والمتور
بص لو البطاريه سايله طلعها من العربيه
وفك الغطيان وفضى مية النار اللى فيها براحه عشان متبهدلش نفسك وبعدين حطها تانى فى العربيه فى مكانها بس بدون تركيب القواطيش واما تخلص امتحانات بالسلامه ابقى طلعها وخدها عند الكهربائى يملاها مية جديده ويشحنها على التونجر لكن لو جافه افصل القواطيش عنها وسيبها مكانها |
| الساعة الآن 03:42 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017