رد: مشكلة دواسة البنزين فى الكليو 2005
 

بجد يا كيمو متعاطف معاك جدا وربنا ان شاء الله هيفرجها عن قريب وتستمتع بالعربية
وعلى فكرة بوابة البنزين ب500 ج بس مش 2500
اغلب الظن ياكيمو ان هيا لوحة الكنترول ودى تغييرها حوالى 1000 ج
وعالعموم يا سيدى لو قفلت بعها حتى لو تخسر 2000ج فى مقابل متكدرش وتأزم نفسك انت جايبها تريحك ولا تعكنن عليك وعرفنا عملت ايه؟

رد: مشكلة دواسة البنزين فى الكليو 2005
 

موضوع ان العربية بتفصل و انت ماشى على سرعة عالية و تيجى تدوس بنزين ولا كأن الماتور داير ديه حصلت معاية مرتين فى نفس الاسبوع فى الكورولا 2009 وطلع العيب من الحساسات و نظفتها باسبراى و المشكلة انتهت بس احلى حاجة ان السرعة كانت بتقل بنسبة منخفضة يعنى مشيتنى حوالى 2 كم أو اكثر سوقسوق

رد: مشكلة دواسة البنزين فى الكليو 2005
 

ربنا يكرمكم والله يا رجاله
هارد علي كل اللى اتقال

المشكله الىل عندى هى اللى فى الفديوو ده بالظبط لاقيته على اليوتيوب
http://www.youtube.com/watch?v=mPeYZMxXnfI

amr elsisi 1@
غيرت البوابه أصلا والعيب زى ما هو

@d,mhmd brbry
بفكر فعلا أعمل كده بس مستنى أروح لبتاع الكمبيوتر ده الأول اللى فى الدقى

samirayad
هى مانوال فعلا
بس لو هى كده العيب يطلع فى الكمبيوتر ويكتم العربيه للدرجه دى؟

@ahmedsherif1990
غيرت البوابه أصلا والعيب زى ما هو.
حساس الاكسجين بيكون فين معلش علشان مش عارف؟
"وممكن الكنترول يونيت ECU مش بتترجم البيانات صح
من الاخر هى مشكلة الكترونية مش ميكانيكية "
أنا فعلا ده اللى فهمته من المكيانيكى والكهرابائى والمفروض هاروح على بتاع الكنترولات ده يوم السبت إن شاء الله علشان أجازه.

@d,mhmd brbry
ربنا يكرمك يا باشا والله
ده السعر اللى قالهولى بتوع المركز المعتمد وكنت متأكد إنها أغلى بكتير.
أغلب الطن فعلا إنها تكون مشكلة كنترولر وإن شاءؤ الله أروح أكشف عليه عند بتاع الدقى ده.
فكرت فعلا أبيع وأخلص بس بينى وبينك قعد حوالى شهرين بعد ما بعت العربيه القديمه وطلع عينى عقبال ما لقيت دى وسبحان الله طلعت معيوبه قدر الله وما شاء فعل :) الحمد لله
بصراحه عندى سؤال حضرتك مش من مشجعى الكليو ومعاك كليو إزاى بقى :)

@Toyota Corolla
هى مش بتفصل خالص بس تلاقى العربيه كتمت والأر بى إم يجيب أخره 400 لو جابه والعزم والسحب فى الحضيض.

الله المستعان هاروح لبتاع الكنترولر وربنا ييسر الخير اللهم آمين

رد: مشكلة دواسة البنزين فى الكليو 2005
 

النصيب هوا اللى وجهنى فقط لاغير والعربية عموما جميلة وناعمة واوروبى وسعرها جميل بس اللى كرهنى فيها صيانتها صعبة والصنايعية يعقدوك منها يعنى مشكل زى اللى عندك دى المفروض ان التوكيل يحط ايده عالجرح ويعمله لكن دا مابيحصلش حتى فى التوكيل بالدات لو عيب كمبيوتر فما بالك لو رحت بقى لصنايعى بره هيحسسك ان المشكلة عويصة وان العربية مافيش فيها امل وبناء علية كونت فكرة ان العربية ممتازة ,,,,,بس مش لينا للاسف!!!

رد: مشكلة دواسة البنزين فى الكليو 2005
 

يا ريت تقولى عنوان أو تليفون بتاع الكنترول يونت لأنى عندى نفس المشكلة يا ريت بسرعة من فضلك لأنى زهقت من العربية

الحل النهائى لمشكلة الكليو سوف تجده هنا فى الرابط ان شاء الله !!: مشكلة دواسة البنزين فى الكليو 2005
 

الحل النهائى لمشكلة الكليو سوف تجده هنا فى الرابط ان شاء الله !! وياريت بعد ما تصلحها هناك تنقلنا تجربتك فى الموقع لكى يستفيد منها جميع الاعضاء !!
الرابط !
https://www.google.com/url?q=http://...MxrIWMd-8JoknA

المهندس / أسامه موسى
مدير مركز Ecu Commander - المعادي
هاتف: 0111226169
موقع الويب: www.ecucommander.com
البريد الإلكتروني: info@ecucommander.com
:fun_36_3_11[1]::fun_36_3_11[1]::fun_36_3_11[1]::fun_36_3_11[1]:

رد: مشكلة دواسة البنزين فى الكليو 2005
 

تسلم يا باشا والله :)
بس ياترى ايه أخبار الأسعار ؟