المشاركة الأصلية كتبت بواسطة Hisham.Elgazzar (المشاركة 682067)

الفاو والجريت وول فيها موديلات كويسة وأسعار كويسة لو عاوز زيرو

أكسنت او لانوس بتستحمل السفر وموفرة
السيفيك اللى حضرتك قولت عليها عموما بيحطوا عليها مواتير جامدة
هتلاقى اغلب اللى معاه علشان بيشد بيها ويجرى
وبعدين عفشتها غالية جدا وابعد عنها مقالبها كتيييير واسال مجرب
إلا بقى لو تعرف واحد يكون حبيبك اوى فى الحرفيين او بورسعيد هيجيبلك من الآخر حاجتها وكمان بأرخص الأسعار وسعر اللى حضرتك بتقول عليها 50 الف
لو فبريكة جوا وبرة نظافة ( دى وجهة نظرى وعموما السيفيك بحترمها جدا جدا وبحبها جدا جدا )
النترا 2006
لوجان زيرو او كسر زيرو

المشاركة الأصلية كتبت بواسطة MR_SELVESTER (المشاركة 682078)

ياريت سعر السيفيك دا الاقيه بس برضو خايف من موضوع ان مقالبها كتير ... بس انا من الاسماعيلية يعني مشوار بورسعيد بالنسبالي مش صعب ...
الفيرنا والاكسنت مبحبهمش وبخاف اسوقهم لاني ببقي حاسس اني سايق عربية ملاهي ...
بالنسبة للالنترا اتعرضت عليا 2006 رشة برا علي 55000 بس خفت منها وقلت اكيد فيها حاجة ...
انا داخل دماغي حاليا علي قد المبلغ الي متحدد معايا يا كريستالة يا اوبل
وانا بجد احترت جدا ومش عارف اعمل ايه

المشاركة الأصلية كتبت بواسطة محمد حسن عبد الرحمن (المشاركة 682068)

[RIGHT]
بص حضرتك أقتراحى جولف GTI مو 1989 هو قديم أنا أعارف بس بكد عن تجربه واحد صاحبى عربية مذهلة قطع الغيار غاليه حبتين بس معمرة ثابت أكثر من مذهل كنا بنخد الملف على 180 بدون أى تهديه أو فرامل والنتيجة ثبات فوق الممتاز سيارة هاتشباك موتور قوى وقبل كده كنا مشيين على طريق أحنا حافظينه فمشين ومش مولعين النور علشان حفظين الطريق هنا مطب هنا بلاعه كده المهام اتعمل بلاعة جديدة والعمال عملين هرم من الطوب بتاع الرصفان الأسمنت وصاحبى بيولع لسه النور لقى نفسه داخل عليها والفرمل مش هتجيبه زود بنزين وداخل فى الطوب فرتك الطوب وش السيارة الفوانيس بالشبكة بالأكصدام باظو وكمان الزجاج بتاع السيارة السرعة عند الأصطدام كانت 180 كم/ساعة ومحصلش حاجة فى السيارة تعيبها أنا أسف خرجت بره الموضوع لكى أثبت لحضرتك مدى كفاءة السيارة بس على فكرة الموتور كان مغيره وحطط موتور جولف دبه فى نقطه سمعت عنها من زمان فى حاجة تمنها 5000 جنية لما بتبوظ متليقهش جديدة ولو لقيتها تبقى مستعملة وأعتقد أن ديه فى الجولف دبه أما لو الموتور بتاع الجولف GTI الأصلى تبقى باشا.
وكمان عندك أوبل فيكترا 2000 سى.سى موديل 2000 بيتهيالئ هتلقيه فى السعر اللى حضرتك بتكلم عنه وهى واسعه عن الجولف جى تى أى وثبته على الطريق وقطع الغير غالية بس معمرة وهى ايضا سيارة ممتزة تستحق أن حضرتك تحطه فى بالك وأرجو أنى أكون قد أفدت شخصيتكم الكريمة.

المشاركة الأصلية كتبت بواسطة goudai (المشاركة 682089)

اولا الالنترا مش لازم يكون فيها حاجة علشان هى رشة ممكن تكون رشة نضافة بسبب البارومة مثلا
ثانيا طالما انت حددت اما كريستالة او اوبل انا رايى خليك فى الكريستالة احسن
مطلوبة فى السوق وثطع غيارها رخيصة وليها مميزات كتير