|
رد: علامة الفولكس اتسرقت....
والله لسه امبارح شايف علامة لفولكس على توك توك
ووقفته وقلتله اشوفها ولما لمستها وشفتها عن قرب اكتشفت انها اصلية فعلا سألته جايبها منين؟ قالى لاقيها فى الشارع قلتله اديهالى وخد اللى انت عاوزه قالى معلش اصل التوك توك مش بتاعى |
رد: علامة الفولكس اتسرقت....
الحمد لله قدر الله ما شاء فعل
احمد ربنا دا انا بشوف بلاوى يا راجل جت عربية قبل كدة تخسل مسروق منها اية؟ ريداتير ايوة و الله الريداتي إتسرق الحرامى فتح الكابود و قطع الخراطيم و عربية تانية جتلى الشغل و الشكوى الكشف على لمبة ال ABS روحت جيب جهاز التشخيص و لاقيت الجهاز مسجل حاجة غريبة فتحت الكابود بتاع العربية مالاقتش عمة الهوا كاملة و كمان مالاقتش وحدة مهمة جدا إسمها إيتاك و لها علاقة بال ABS بلغت العميل و الراجل ذهل و أتفاجا لدرجة إنى خفت لايتهمنا إحنا الحمد لله و اللى يشوف بلوة غيره تهون عليه بلوته |
رد: علامة الفولكس اتسرقت....
عادي يا جماعه انا اتسرق من عندي العواكس الخلفية بتاعت الابيزا و دي سعرها جديد 800 جنيه و برا التوكيل !!!!!
و مش لاقي الاحمر كمان ! اتسرق من عندي علامة s بتاعت سيات من ادام مرتين و جبت اخيرا واحدة من دمياط ب 60 جنيه مستعملة لو حضرتك عايزها ضروري انزل علي الحرفيين هاتها و العلامة الخلفية طالما موجودة ممكن حضرتك تشتري شريط نيكل من عند بتوع اكسسوارات العربيات و تقصها علي العلامة و تلزقها عليها بدل ما تشتري واحدة تانية و هتنفع اما الامامية انا شفت عند فولكس هاوس في شارع مراد عنده علامات vw امامية و خلفية و عنده كلمة jetta فا احتمال كبير تلاقيها عنده و نصيحة اعمل زي ما انا عملت انا مش عايز اقولك اني كنت مغير الشنب اللي بيبقي شايل العلامة و بيبقي داخل تحت الفوانيس كده نزلت لقيت مخلوع منه حته و مكسوره و مرميه ادام العربية !! اخر حاجة عملتها اني فكيت الشنب كله لما جبت العلامة الامامية الاخرانيه دي و لحمت العلامه في مكانها من اماكن التثبيت بتاعتها لحمت البلاستيك في بعضه و لحمت الشبكه الامامية في اماكن التثبيت بتاعتها برضه و لحمت الشنب من الناحيتين تحت الفوانيس في اماكن تثبيته و الحمد لله نجحت الفكره و بقالي سنة اهو ماشي بيها علي الحركة دي و زي الفل |
رد: علامة الفولكس اتسرقت....
حصلت معايا برده اتسرقت علامات التويوتا من الكورولا بتاعتي بس بصراحه ماحاولتش اجيبهم تاني لأني لقيت العلامات بتاعت عربيات الشارع كله مسروقه فكبرت دماغي
|
رد: علامة الفولكس اتسرقت....
ياريت على العلامات بس ptmnlo123per111
الستيكرات البارزة + ديل الشكمان + حروف الموديل GLX والحاجات ديه + حتى غطيان بلف الكاوتش كنت جايب غطيان لونها احمر كده ظريفة برضو اتسرقت ptmnlo123per155 متعرفش ديه تبقى هواية زى هواية جمع الطوابع ولا ايه بالظبط ptmnlo123per172 |
رد: علامة الفولكس اتسرقت....
بصراحه الحكايه دى كترت قوى و بقت فى معظم العربيات حتى العربيات الصينى تصدقوا و بصراحه لو حصلت معايا مش هشترى العلامه يمكن لما ميلاقوش حد يبعهالوا ميسرقهاش اصلا
|
رد: علامة الفولكس اتسرقت....
طول عمر الحرامية اللى من النوع دة موجودين
بيسروقها ويبعوها فى الحرفين بأسعار عبيطة ودى لعبة بعض تجار الحرفيين اللى معندهمش ذمة عمار يامصر |
| الساعة الآن 01:37 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017