مصر موتورز مجتمع السيارات - لماذا تم إيقاف أستيراد هذه السيارة (( صور ))

مصر موتورز مجتمع السيارات (https://www.masrmotors.com/vb/index.php)

- BYD (https://www.masrmotors.com/vb/forumdisplay.php?f=129)

- - لماذا تم إيقاف أستيراد هذه السيارة (( صور )) (https://www.masrmotors.com/vb/showthread.php?t=87062)

رد: لماذا تم إيقاف أستيراد هذه السيارة (( صور ))

العربية لم تحقق مستوى مبيعات فبالتالى ممكن يكون المستورد وقف استيرادها
او العربية ممكن يكون نزل منها موديل اعلى فى السعر فالمستورد خاف ان الاقبال يقل عليها

رد: لماذا تم إيقاف أستيراد هذه السيارة (( صور ))

على فكرة واضح انه العربية بدات تسمع جامد والناس بدأت تقتنع بيها بس متأخر اوى واحنا بناذن فى مالطة لما بدانا المنتدى من 2007 انه السيارة دى ممتازة وغير كل الصينى اللى فى السوق--المهم السؤال ده احنا جاوبنا عليه كتير جدا قبل كدة بس الناس موش بتقرا المشاركات القديمة
السيارة دى لما نزلت مصر من كام سنة كانت بدون كماليات ب 42 الف جنيه
الموديل اللى نزل فى السنوات التى تليها نزل بجميع الكماليات وللاسف سعره بالمصرى يقترب من 60 الف جنيه وهو سعر غير منافس لفئة السيارة تماما فى الوقت اللى كانت فيه السيارة موديل f3 بتتباع ب 62 الف جنيه قبل ماتغلى اليومين دول وتسمع اوى كدة
يبقى التوكيل هيستوردها ومين هيشتريها بالسعر ده ان شاء الله؟

رد: لماذا تم إيقاف أستيراد هذه السيارة (( صور ))

اقتباس:

المشاركة الأصلية كتبت بواسطة lonedoctor (المشاركة 675720)

الله ينور عليك يا دكتور انا فعلا شوفتها اول ما نزلت وكانت ب42 الف فعلا وشكلها تحفة وكانت بدأت في الانتشار وفجأه أختفت وواضح من الارقام انك كنت متابع أخبر العربية دية كويس .... العربية دية مكسرة الدنيا في امريكا الجنوبية منتشرة هناك جدا شوفتها في كذا موقع وجروبات على الفيس بوك في البلاد دية وبيشكروو فيها جدا ..... ولعلم حضرتك هايعملوا منها أصدار خاص f0 x edition

رد: لماذا تم إيقاف أستيراد هذه السيارة (( صور ))

اقتباس:

المشاركة الأصلية كتبت بواسطة mahshahin (المشاركة 675744)

يا اخى الفاضل انا درست السوق المصرى 3 سنوات قبل ما اشترى البى واى دى وتابعت و قرات كل اخبار الشركة برة وجوة مصر لغاية ما وصلت لقناعة انه السيارة دى او الماركة دى بالذات هتعمل انقلاب فى سوق السيارات يمكن فى العالم كله وقد كان الان بى واى دى السيارة الهجين الكهربائية رقم 1 فى العالم والمشكلة انه المستهلك المصرى غير مثقف ومعلوماته متاخرة عن العالم كله 5 سنين على الاقل عامل زى نكتة الحمار اللى سمع نكتة فى جنينة الحيوانات ومافهمهاش الا تانى يوم فضحك--انا كنت هتجنن لما كنت بافكر اشترى سيارة فى عام 2007 والاقى ناس بتشترى دايو نوبيرا فى الوقت اللى المصنع بتاعها فلس واتباع لشيفورليه من سنة 2000 والسيارات التاريخية اللى مالية البلد علشان المستهلك المصرى التاريخى اللى متمسك بالسيارات التى انتجت من عهد الفراعنة زى اللوجان والتى توقف انتاجها من عام 99 بنفس التصميم والتكنولوجيا وزيها النيسان الصنى التى توقف انتاجها من 2006 ولسة فيه سذج بيركبوها فى 2012 ولسة الهند واخدة حق تصنيعها للى موش عارف وعاملة منها سيارة مصنعة من بلاستيك لعب الاطفال بمحرك ما ينفعش يتحط فى عربية سيات وهتلاقى برضه ناس تشتريها وتقولك صنى يابانى انما البى واى دى صينى يـــــــــــــــع
يصراحة انا مرارتى خلاص على وشك

رد: لماذا تم إيقاف أستيراد هذه السيارة (( صور ))

سلامة مرارتك يا دكتور اهدى يا اخى مش كده احنا محتاجينك وعلى فكرة انا من المعجبين بتعليقاتك وكلامك ومتابعك بس دخولى ومشاركاتى تكاد تكون معدومة انت كل كلامك مبنى على دراسات وحقائق علشان كده دايما فى الصميم ؟؟؟!!!:Bravo:

رد: لماذا تم إيقاف أستيراد هذه السيارة (( صور ))

اقتباس:

المشاركة الأصلية كتبت بواسطة lonedoctor (المشاركة 675769)

:THUMB_~112::THUMBS~220:

تمام يا باشا ... راي صح مليون في الميه

رد: لماذا تم إيقاف أستيراد هذه السيارة (( صور ))

انا شوفت العربيه دى مره فى الاسكندريه فى معرض شكلها مكنش وحش بس مسالتش عنها