|
رد: مشلكة السيارة تبطل وهيا ماشية بعد تغير البطارية
السلام عليكم بص علي قواطيش البطاريه يمكن تكون مش متسبته صح والله المستعان |
رد: مشلكة السيارة تبطل وهيا ماشية بعد تغير البطارية
طيب فيه سؤال أخبار الrpm إيه وأنت واقف ومدور ....بيعمل كام ؟ وهل لو شغلت التكييف وأنت واقف ...بيكون كام ؟ وهل المكنه طبيعيه على السلانسيه وأنت واقف ومدور وفاتح الكبوت سواء رايح أو راجع من مشوار ....؟ شده حيلها يعنى ولا بتتهز وتترج ؟ ---------------------- ولو أنت ملاحظ أى خلل تانى بالمكنه ياريت توضحه وهل سبق لك تغيير فلاتر بنزين أو هواء أو بوجيهات والزيت على المقاس طبيعى ولا ....؟ وهل منسوب الميه فى القربه ثابت ....؟ والسياره عامله كم ألف كم للآن -------------------- معلش الأسئله كتير شويه فياريت توضح كل حاجه عن الأسئله دى فمع توضيح الأمور ....بتنجلى الأسباب ... |
رد: مشلكة السيارة تبطل وهيا ماشية بعد تغير البطارية
متابع بأهتمام ,همتك معانا ياباشمهندس ,وربنا ميحرمناش من هندستك :fun_36_3_9[1]:
|
رد: مشلكة السيارة تبطل وهيا ماشية بعد تغير البطارية
ربنا يعزك يا بشمهندسين ويبارك فيكم
+++++++++ أخبار الrpm إيه وأنت واقف ومدور ....بيعمل كام ؟ اول ما بدور العربية وانا واقف بيبدأ 1200 وبينزل لحد 800 .. وهل لو شغلت التكييف وأنت واقف ...بيكون كام ؟ بيعلى شوية يعنى ممكن يعنى ممكن يبقى 1400 وبرضه بينزل بعد فتره لحد 1000 وهل المكنه طبيعيه على السلانسيه وأنت واقف ومدور وفاتح الكبوت .. ايوة مفيش حاجة مختلفة بس بحس انها يعنى عزمها اقل شوية .. وساعات ال RPM بينزل ويطلع على طول سواء رايح أو راجع من مشوار ....؟ شده حيلها يعنى ولا بتتهز وتترج ؟ لا مش بتتهز ولا بتترج .. بس زى ما ساعات ال RPM بينزل ويطلع وتحس ان عزم المكنة مش الى هو ---------------------- ولو أنت ملاحظ أى خلل تانى بالمكنه ياريت توضحه وهل سبق لك تغيير فلاتر بنزين أو هواء أو بوجيهات ... فلتر زيت نفس يوم تغير البطارية ... البوجيهات من شهرين .. فلاتر بنزين لا والزيت على المقاس طبيعى ولا ....؟ ايوة لانى مغير الزيت وفلتر الزيت قبل المشكلة ما تظهر ف نفس اليوم وهل منسوب الميه فى القربه ثابت ....؟ مظبوط وببص عليه باستمرار والسياره عامله كم ألف كم للآن .. عاملة 165 الف كيلو |
رد: مشلكة السيارة تبطل وهيا ماشية بعد تغير البطارية
على فكرة يا بشمهندسين فيه واحد بن حلال قالى على حاجة وهجربها واعرفكم
قالى ان ممكن يكون الحساس بتاع هواء السالنسيه مهنج .. قالى هو بس عاوز حاجه ترجعه لوضعه الطبيعى هجربها وابشركم ان شاء الله |
رد: مشلكة السيارة تبطل وهيا ماشية بعد تغير البطارية
اقتباس:
غير فلتر البنزين ونشوف الأيام هتقول إيه اقتباس:
ولم يسبق لك تغيير فلتر البنزين .....؟ وهل أنت أول مالك للسياره ...........؟ |
رد: مشلكة السيارة تبطل وهيا ماشية بعد تغير البطارية
اقتباس:
حتى لو مانيوال فيها حساس دبرياج عشان يظبطلك العربية فى السلانسية بعد ما تحطها فى وضع المور ده حتى العربيات الصينى الجديدة زى ال516 وال M11 فيها حساس دبرياج وبيحصل معاهم زى ما حصل معاك بالظبط تقبل مرورى |
| الساعة الآن 08:38 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017