مصر موتورز مجتمع السيارات - مشكله في اسكترا عربيه دبابه 2006 لسه مشتريها والميكانيكيه حيروني

مصر موتورز مجتمع السيارات (https://www.masrmotors.com/vb/index.php)

- منتدى الصيانة العام (https://www.masrmotors.com/vb/forumdisplay.php?f=4)

رد: مشكله في اسكترا عربيه دبابه 2006 لسه مشتريها والميكانيكيه حيروني

بص يا باشا اعمل الكبس وهات ورقة وقلم وشوف القطع كلها اللى محتاجة تتغير بكام والنظيفة كمان والمصنعية كام احسب الحسبة دى تقديريا وعلى اساسها هقولك لو مكانك هعمل اية بس لازم تحسب الحسبة دى الاول

رد: مشكله في اسكترا عربيه دبابه 2006 لسه مشتريها والميكانيكيه حيروني

اقتباس:

المشاركة الأصلية كتبت بواسطة memodina1 (المشاركة 674175)

(بسم الله)
انا مش مصدق نفسي من سرعة الرد ربنا يكرمك بكرة بأذن الله هاشوف بنزينه عندهها الجاهز ده وهرد عليك واحسب الحسبة كمان

شاكرين ردك يا باشا تسلملي :fun_36_3_11[1]::fun_36_3_11[1]::fun_36_3_11[1]:

انا لاقيت صورة شبه الي عندي في العربيه بالظبط توضح االعيب الموجود عندي في وصلة الدركسيون اهتقرب الفكرة ليك خالص)

http://i43.tinypic.com/nyfn2b.jpg

الوصله الاولي هي اللي ملويه اللي نازله من الدكسيون علي طول

رد: مشكله في اسكترا عربيه دبابه 2006 لسه مشتريها والميكانيكيه حيروني

السلام عليكم ورحمة الله وبركاته

اخي الكريمmemodina1

انا فضلت ادور طول النهار :fun_36_1_47[1]: علي بنزينه محترمة اعمل فيها قياس الكبس بتاع الموتور لكن للاسف ملقتش :k_crying77[1]:
النوعيات ده من البنزينات مش موجود عندنا
انا نسيت اقلك انا من الصعيد وكويس انا موجود عندنا كهرباء اصلا ودخول النت ده في حد ذاته معجزة بنسجد لله شكرا عليها
كان نفسي اعمل اختبار العزم ده بس انا متاكد انك هتعلاف تفيدني باي حال من الاحوال
بالنسبة للاسعار لقطع الغيار المطلوبه

- الاسكترا بايظة ولازم تتغير تكلف 1200 جنيه وفي ميكانيكي قلي تمنها 950 وتقريبا الاولاني يقصد السعر شامل المصنعيه واالله اعلم

- البضات لازم تتغير اربع بيضات تمنهم اصلي 750 جنيه وتايلنيدي 550

- وصله الدركسيون جديده تمنها 250

ولك مني جزيل لاالشكر والتقدير مقدما

رد: مشكله في اسكترا عربيه دبابه 2006 لسه مشتريها والميكانيكيه حيروني

دول بس اللى هيتغيروا يبقى توكل على الله وغيرهم ومترجعش العربية انما انا عايز اعرف انطباعك عنها هل كويسة فى السواقة والسحب والقرص على الماتور لو كلة تمام سيقى خلاص غير وكل عيش منها وربنا يرزقك فيها

رد: مشكله في اسكترا عربيه دبابه 2006 لسه مشتريها والميكانيكيه حيروني

اخي العزيز memodina1

بارك الله فيك متابعتك وردك

انا ركبتها ومشيت بيها علي الغيار الاول والتاني بس انا لسة بتعلم وحسيت بفهمي المتواضع انها كويسه

لكن صحابي الي بيعرفوا يسوقوا ومنهم واحد سواق عربيات نص نقل وحاليا سواق تاكس جربها وطلع بيها وقرص عليها علي سرعات عاليه قالي الموتور حالته كويسه جدا
علي بركه الله انا هاتوكل علي الملك الحي القيوم واضبط شويه العفشة اللي فيها وداعيلي ربنا يقدرني ويكرمني فيها ويديني خيرها ويكفيني شرها

رد: مشكله في اسكترا عربيه دبابه 2006 لسه مشتريها والميكانيكيه حيروني

ربنا يكرمك فيها يا اخى توكل على الله وطالما هتاكل بيها عيش انت وعائلتك تاكد ربنا لن يضرك طالما قاصد خير وحلال

رد: مشكله في اسكترا عربيه دبابه 2006 لسه مشتريها والميكانيكيه حيروني

السلام عليكم ورحمة الله وبركاته

الاخوة الاعزاء:140109~347:
انا يا جماعة بدات اصلح في العربيه والحمد لله انا النهارده غيرت البيضات بتوع العربيه باربعه جداد تايلندي تمنهم 390 جنيه واخد مصنعية 200 جنيه وانا حاسس انها كتيره ومبالغ فيها :sycho26:ده بعد ما طلب 250 وفاصلت لحد 200 ارجو حد يوضحلي هل دي مصنعيه معقوله ولا اضحك عليا عشان باين ان جديد في عالم العربيات

ودي صورتهم بعد التركيب

[IMG]http://www6.0zz0.com/2012/05/23/23/718877934.jpg[/IMG]

لكن للاسف كان في بيض تاني موجود وده الي بيربط عمود الاتزان بالعجله و بيض الدركسيون الصغير على نهاية الأتياش بتاعة الأسكترا ن وده الميكانيكي قالي عايز يتغير لكن للاسف ملقتش منه موجود في السوق فاطضر الميكانيكي يكبسهم

ودي صورة البيض الصغير بعد اتياش الدركسيون اللي بيدخل علي الاسكترا منقوله من مشاركه اخوناsamirayad

http://i728.photobucket.com/albums/w...ntitled-60.jpg

ودى صوره لموقع بيض المقصات على المقصات ....وباين مسمار البيضه اللى حنركبه فى شمعدان الركبه
http://i728.photobucket.com/albums/w...ntitled-59.jpg

وده لنك مشاركته بالمنتدي لتعم الفائده وهو شارح شرح نظري كويس جدا

http://masrmotors.com/vb/showthread.php?t=38248

وانا بصراحة كنت بتقطع جنبه لاني فكرة الكبس ذي مل قال اخي الكريمmemodina1 انها فكرة فاشلة لكن ملقتش مفر
وربنا يستر انا خايف ان عملية الكبس دي تفشل بعد فترة والعربيه تحتاج اني اشتريهم وملقيش ذيهم

ربنا يستر عايز راي الخبراءفي عمليه كبس بيض اتياش الدركسيون اللي بيدخل علي الاسكترا
وبيض عمود الاتزان

مع العلم ان فكرة الكبس لما شفتها عمليا فؤجئت انها فكرة غريبه ومتخلفه وهي انه بيضرب علي البيضه من فوق باشكوش تقيل عشان الغلاف الخارجي بتاعها يكبس علي البيضه من جوه وبعد كده يحط شويه شحم من برة ويغطي الكاوتشه اللي اسمها طعميه

ولو ممكن اعرف اذا كان بيض اتياش الدركسيون لدبابه 2006 موجود بالقاهرة ولا مش موجود

الرجاء رد الخبراء للتطمين