مصر موتورز مجتمع السيارات - اشتريت عربيه 128 ومش عارف تعمل معاها ايه اول ما تجيبها ادخل وانا اقولك

مصر موتورز مجتمع السيارات (https://www.masrmotors.com/vb/index.php)

- 128 FIAT (https://www.masrmotors.com/vb/forumdisplay.php?f=199)

رد: اشتريت عربيه 128 ومش عارف تعمل معاها ايه اول ما تجيبها ادخل وانا اقولك

اقتباس:

المشاركة الأصلية كتبت بواسطة sayed2077 (المشاركة 674196)

اولا يا استاذ ايطالى اشكرك على ردك على الموضوع
ثانيا
بالنسبه لتعاملى مع مشاكل الاسبراتير
فكل المشاكل اللى كانت بتواجهنى هى حاجتين فقط
الابلاتين والكوندنسر
وطبعا دول مشاكلهم ان العربيه بتغيب فى الدوارة جامد والعربيه تبطل منك وانت ماشى وكل الكلام اللى احنا عارفينه ده وانا بالانسبالى بستخدم الابلاتين والكوندنسر الانجليزى عن تجربة افضل 100 مره من الفرنساوى المضروب اللى فى السوق ده
وعموما انا بعطى للانجليزى عمر افتراضى شهرين الى 3 شهور وبعدها لازم يبداء يعطل تانى بينما الفرنساوى ممكن تيجيبوا وفى اقل من اسبوع يبوظ منك
نيجى بقى للمشكلة اللى بتواجهنى معاه وهى كيفية تركيب الابلاتين والكوندنسر وكيفية ظبطهم ولا اخفى عليك انى كل مره بروح علشان اعملهم عند الميكانيكى فعلا باجد صعوبه بسيطه فى كيفية عملهم وانا اوعدك باذن الله لو تعلمتهم ان شاء الله هنزلكم موضوع بالصور عن كيفية فك الاسبراتير وتركيب ابلاتين وكوندنسر وظبطهم ثم تركيب الاسبراتير مره اخرى باذن الله
نيجى بقى لمشكلة الكربراتير
المشكلة الوحيده اللى واجهتنى ومازالت بتواجهنى ان العربيه بتاكل بنزين ورغم ان الكربراتير روحت عملتله صيانه شامله من تغير اكس وباب وفبرة و تغير البيكات للبيكات المظبوطه تماما الى ان العربيه بتاكل بنزين برده وللاسف تكلفة صيانة الكربراتير بالذات مرتفعه جدا الى الحد اللى ممكن فى صانتين للكربراتير تروح تشترى واحد استيراد افضل من انك تعمله صيانه مره تانية
فانا من راءى لو الكربراتير بتاعك فيه حاجه متروحش تعمله صيانه بثمن الصيانه زود عليها واشترى واحد استيراد هيعمل معاك افضل 100 مره من اى كربراتير تم عمل صيانه له ولكن طبعا لازم يكون معاك ميكانيكى كويس علشان يجيبلك حاجه كويسه

بالنسبه بقى لقطع الغيار فانا عندى فى منطقتى شارع فيه جميع انواع الحرف الخاصه بالسيارات من ميكانيكى لكهربائى لسمكرية لبوهيجيه لبتوع ظبط كربراتير واسعارهم كلهم رخيصه وشغلهم كويس وطبعا بما ان كل الناس ديه فاتحه هناك فاكيد فيه بتوع قطع غيار وبصراحه بتوع قطع الغيار عندنا عندهم كل قطع الغيار اللى تتمناها الى حد كبير ما عدا بعض القطع البسيطه فموجود ايطالى وتركى وصينى ويوغسلافى وانا عن نفسى بفضل قطع الغيار اليوغسلافى لاكثر من سبب خامتها كويسه جدااا وبالتالى بتكون معمرة ثانيا سعرها متوسط لا غالى اوووى ولا رخيص اووووى
غير كدا مبيبقاش فيه منها مضروب كتييير وعلى العموم انا مركب سير الكاتينه الجود لك الاتحاد اوربى بس جايبه ب 40 جنية فقط ولكن مكنتش اعرف ان السوران الايطالى افضل منه بكتير وطبعا انا قولت ياخد وقته واغيرة بعدين وربنا يسهل الامور ان شاء الله

سيد باشا انت ساكن فين ؟

رد: اشتريت عربيه 128 ومش عارف تعمل معاها ايه اول ما تجيبها ادخل وانا اقولك

اقتباس:

المشاركة الأصلية كتبت بواسطة farouk89 (المشاركة 674257)

سيد باشا انت ساكن فين ؟

انا ليا بيتين
الاول فى المعادى وده بكون فيه فى اى يوم مدارس

اما بيتى الثانى فده فى دار السلام وبكون فيه فى اى يوم اجازه
وده الى فيه الناس اللى بتعمل سمكره وبويه وميكانيكا وكهربا وخلافه

وانا بتعامل مع جميع التخصصات فى دار السلام ماعدا الكهرباء
بتعامل معاه فى المعادى صنايعى شاطر جدااا فى الكهرباء وشحن التكيف وبيتقى الله جداا وبيخاف ربنا بجد

:fun_36_3_11[1]::fun_36_3_11[1]::fun_36_3_11[1]:

رد: اشتريت عربيه 128 ومش عارف تعمل معاها ايه اول ما تجيبها ادخل وانا اقولك

اقتباس:

المشاركة الأصلية كتبت بواسطة الايطالى الصغير (المشاركة 673420)

موضوع رائع ومشكور على المعلومات

أرجو ان تسرد خبرات تعاملك مع أشهر مشاكل الاسبيراتير والكاربيراتير

وطرق الضبط والصيانة لهاتين القطعتين من خلال خبرتك

وبالنسبة لاسعار القطع دى

لما بنروح عند بتوع قطع الغيار بيقولك ما فيش غير التركى والصينى

والانواع اللى حضرتك تفضلت بذكرها مش بنلاقيها

ايه البديل او ايه العمل

يعنى مثلا سير الكاتينة

يقولك ما فيش غير نوع اسمه Goodluck نازل تبع الاتحاد الاوروبى ب 45 جنيه

ولو قلتله ايطالى يقولك انسى

ايه رأيك ؟

متابع

الكاتينة الأيزوران عندنا فى القاهرة موجودة ياباشا ب 45 جنيه إيطالى أصلى
وفيه نوع تانى علبته زرقا بس مشفاكر الإسم تركى نظيف جدا برضو

رد: اشتريت عربيه 128 ومش عارف تعمل معاها ايه اول ما تجيبها ادخل وانا اقولك

اقتباس:

المشاركة الأصلية كتبت بواسطة Hisham.Elgazzar (المشاركة 674299)

اول ما افضى لازم اجي عندوكم ابص كده علي الصناعية لوني هاجي من الهرم مشوار طويل شويه بس لو لقيته يستاهل يبقي هجي علي طول اظبط الدنيا فالعربية

رد: اشتريت عربيه 128 ومش عارف تعمل معاها ايه اول ما تجيبها ادخل وانا اقولك

:fun_36_3_11[1]::fun_36_3_11[1]::fun_36_3_11[1]::fun_36_3_11[1]::fun_36_3_11[1]:

شكرا ع الشرح الرائع ده ربنا يباركلك

رد: اشتريت عربيه 128 ومش عارف تعمل معاها ايه اول ما تجيبها ادخل وانا اقولك

اقتباس:

المشاركة الأصلية كتبت بواسطة sayed2077 (المشاركة 673086)

السلام عليكم ورحمة الله وبركاته

كتير مننا بتبقى ال 128 اول عربيه يمتلكها فى حياته وبيبقى مش عارف ايه اول صيانه للعربيات المستعمله واللى احنا بنتكلم عليها ال 128

وده انا واجهته اول ما اشتريت العربيه كنت اجهل تماما اى شىء خاص بالسيارات من كل النواحى وده كان صعب جدا على الواحد وهو مش عارف يعمل معاها ايه وطبعا بعد ما ربنا زدنى علم مينفعش ابخل عليكم بالعلم ده وان شاء الله بعد الموضوع ده هتبقى عارف تعمل ايه مع العربيه بالظبط

نبداء بسم الله الرحمن الرحيم

دلوقت انت شارى العربيه لسه هتشترى الاتى من اى واحد بتاع قطع غيار فيات 128

1:سير كاتينه ماركة SORAN علبة حمرا صنع ايطالى اصلى = 50 جنية
2:سير دينموا كورى (لو خليت الراجل يجيبلك سير دينموا صينى هتلاقى الكورى اعرض وخامته افضل من الصينى بكتير ) =12 جنية
3:ابلاتين وكوندنسر صنع انجليزى علبته زرقاء = 25 جنية
4:طقم بوجيهات NGK هتلاقى مختوم عليها ختم مكتوب عليه استيراد (التوفيق) و هو المستورد الوحيد للبوجيهات الاصليه ديه =40 جنية
5:طقم سلوك بوجيهات فايبر مش نحاسى (الفايبر بيمنع ان لو عندك تسجيل متسمعش تكتكه فيه طول ما انت مشغل الماتور ) = 40-50 جنية
6:فلتر زيت ماركة FARM لون الفلتر فى الاغلب برتقالى : 15 جنية
7:فلتر هواء مصرى علبته لونها خضراء : 12 جنية
8:فلتر بنزين روسى كبير : 5 جنية

وبعدين تروح اى بنزينه التعاون تشترى من عندهم
جركن زيت ماتور التعاون البرتقالى 4 ليتر عن تجربه (افضل زيت لل 128) تغيره كل 2000 كيلو متر :60 جنية

وبعدين تروح عند ميكانيكى كويس يركبلك الحاجات ديه ويغيرلك زيت الماتور بزيت التعاون اللى انت اشتريته ويفضل بما انك جديد تخلى حد قريبك او صاحبك بيصلح عربيته على طول عند حد تخليه يوصفلك الميكانيكى بتاعه وتنبقى على طول اى صيانات تبقى معاه

كده يبقى احنا عملنا اغلب الصيانات اللى ممكن تتعمل فى الميكانيكا

بعدين بقى نروح عند كهربائى يكشفلك على كهربة العربيه لمبة مش شغالة يغيرهالك حاجه زرار بايظ يظبطهولك كدا يعنى

بعدين تروح عند عفشجى كويس يكشفلك على العفشة كلها ومش لازم تصلح كل البايظ فى ساعتها الا المساعدين تصلحهم غى وقتها علشان لو مغيرتهمش فى وقتهم هيشرخولك شاسيه العربيه كلها وبعد كدا يبقى غير حاجه حاجه كل ما يبقى معاك فلوس

وبعدين تروح اى بنزينه شل كبيره تظبط زوايا و تغير زيت فتيس وبعدين تغسل العربيه كامله ماتور و جوه وبره

ومبروك العربيه الجديده
و
السلام عليكم ورحمة الله وبركاته

ياريت نعرف اسماء المحلات اللي بتبيع قطع غيار 128 نضيفة في التوفقية

رد: اشتريت عربيه 128 ومش عارف تعمل معاها ايه اول ما تجيبها ادخل وانا اقولك

طيب انا سالت على زيت التعاون الاصفر 4 لتر البياع قالي ان سعره 90 جنيه يا ترى السعر اتغير ولا البياع دا اسعاره عالية؟