مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)

- Hyundai Matrix - ماتريكس (https://www.masrmotors.com/vb/forumdisplay.php?f=135)

- - ظبط زوايا (https://www.masrmotors.com/vb/showthread.php?t=86778)

رد: ظبط زوايا

اقتباس:

المشاركة الأصلية كتبت بواسطة tham1010 (المشاركة 673468)

ربنا يجيب الموضوع على خير.. هل تعتقد يا مصطفى أن المطب هو السبب فى اللى حصل للعفشة أم أن هذا العيوب كانت موجودة قبل المطب والمطب هو اللى كشفها؟؟؟

هو المطب كان لفوق ولا مطب لتحت ( حفرة يعنى). هل كنت سائق بسرعة ولا كل مطب مضر بالعربية؟

أبقى قول لنا عملت ايه؟

ازيك يا تامر لا مطلعش العيب من المطب وكان المطب حفرة فى الارض و كنت ماشى بسرعة و ملحقتش افادية و العيب دة عمر افتراضى للبارات و جلب المقصات

رد: ظبط زوايا

انا رحت توكيل بيع قطع غيار هونداى عندنا فى شبرا الاسعار غالية جدا جدا جدا بار الدركسيون الخارجيةالواحدة 143 جنية يعنى الاتنين286 والبارة الخارجية و هو دة الى انا عايز اغيرة الواحدة275جنية يعنى الاتنين550جنية اما جلب المقصات الواحدة 154 جنية يعنى الاتنين 308 جنية مع العلم ان انا سالت بتاع العفشة و صفلى محل قلى مش هيكملو 300 جنية و بردو كورى اصلى ازاى مش عارف قلى جوز الجلب 80 جنية و البارات الخارجية البارة مش هكمل 100 جنية و كورى اصلى بردو بس انا قررت اعمل حاجة تانية خالص.................لما اعملها هقلكو عليها و يا رب تنفع ادعولى

رد: ظبط زوايا

اقتباس:

المشاركة الأصلية كتبت بواسطة darsh1511 (المشاركة 674108)

انا ظبط العربية الحمد اللة اشتريت جوز جلب مقصات ب 50 جنية كورى و جوز بارات دركسيون ب 85 جنية كورى جداد و ركبتهم ورحت ظبط زوايا طلع عندى ميل فى العجلة اليمين 2 سم و الشمال 1 سم يظهر من المطب الجامد الى انا اختة و عمل زرجينة للاتنين و عدلهم و ظبط زوايا بعد كدة بعد كدة حسيت بفرق كبير فى المشى البطيء و السريع والحمد اللةو انا فرحت جدا ان قطع الغيار متوفرة جدا و رخيصة للا فيتا او المتركس وتعيش زى ما تعيش المهم انى اركب الحاجة و انا مطمن انى مش هشترى مستعمل و انا و حظى شغالين ولا لأ

رد: ظبط زوايا

مبروك يا مصطفى// الحقيقة أنا لقيت محل جديد بيبيع قطع غيار أصلى وممتازة. كاتب موضوع عنها فى المنتدى. الشركة اسمها " الشركة الهندسية للسيارات" SMG والشركة لها فرع فى 5 شارع معروف وفرعين فى شارع رمسيس عند الأسعاف. الشركة بتستورد قطع غيار من الإتحاد الأوروبى واسعارها كويسة جدا يعنى سير الكاتينة ألمانى اصلى جبته 78 جنية على الرغم ان غبور بيبيع السير الكورى 160 جنية. وأعتقد الألمانى احسن اكيد من الكورى.

هو ضبط الزوايا دى بيكون عند الراجل اللى بينفخ الكاوتش؟

رد: ظبط زوايا

اقتباس:

المشاركة الأصلية كتبت بواسطة tham1010 (المشاركة 683317)

لا ظبط الزوايا بيكون عند واحد بيظبط الزوايا هههههههههه لازم يبقى عندة الجهاز الى بيظبط بية بيطلع العربية على المجرى و يركب اجهزة على كل فردة كوتش متوصلة بجهاز الظبط و يجيب نوع العربية على الجهاز و يظبط علية على شاشة الكمبيوتر و ينزل تحت العربية ويفك و يربط حجات لحد متظبط على الشاشة و خلاص و تكلفة الظبط 25 جنية

رد: ظبط زوايا

ممكن اعرف عملت فين العفشه ياباشا بتاعه العربيه

رد: ظبط زوايا

اقتباس:

المشاركة الأصلية كتبت بواسطة eslam hero (المشاركة 858646)

ممكن اعرف عملت فين العفشه ياباشا بتاعه العربيه

انا ساكن فى شبرا عملتها عند واحد فى شارع الترعة