رد: صوت احتكاك معدنى مخيف
 

هو انا لسة هاجرب بلية دبرياج
========================= =
خلاص حضرتك ادرى

رد: صوت احتكاك معدنى مخيف
 

استاذي واخي mr_astra يعز علي زعلك - ماقصدش اني اشكك في كلامك وانا عن نفسي كل فهمي في العربيات فقط من الخبرة العمليه وليس عن دراسة ممكن اكون فاهم غلط وعشان كده قلت في مشاركتي اني متهيالي (يعني ظن مني ليس اكثر) لكن فعلا كان عندي نفس العيب في جولف 2 صوت خشانة واحتكاك ولما كشفت عليه طلع بلية دبرياج وغيرتها الصوت راح

طبعا انا مش مع صاحب الموضوع ماسمعتش الصوت اللي بيتكلم عليه فانا رجحت انها تكون بلية دبرياج والله اعلم

وانا اكيد عارف ان خبرتك احسن مني بكتير في المجال دا بس حضرتك رضيت عليا ومارضتش علي صاحب المشكلة وكنت اتمني اني فعلا استفيد برايك في العيب دا

رد: صوت احتكاك معدنى مخيف
 

اخى الكريم " akerima " معلش انا اسف بس والله العظيم انا بزعل جدا ان واحد يكون عندة مشكلة وبامر الله الواحد بيكون عارف اية المشكلة وطريقة علاجها وبقول علية وبعدها واحد يرد من وجهه نظرة اللى والله العظيم بحترمها وابفضل افكر يمكن اكون غلطان وهو اللى صح لكن كدة صاحب المشكلة مابيعرفش راسة من رجلية وبيحس ان الكلام مناقض لبعضة ودة اكتر حاجة بتزعلنى

على العموم تقبل اعتزارى واخوك الكبير معلش

وبالنسبة للى حضرتك قلت علية دة بيكون مشكلة فى الفتيس لو فى صوت معين ودوست دبرياج الصوت راح يبقى كدة عندنا مشكلة فى الفتيس

انما العكس لو ما فيش صوت ودوست دبرياج الصوت بيظهر ساعتها البلية بتشتغل وهى اللى بتعمل صوت

كمان عاوز اؤلك لو انت بتسمع مواتير كتير صوت بلية الدبرياج لو تون معين والفتيس لو فية بلية او ونة او نحرة بيكون لة صوت تانى خالص بتعتمد على حاسة السمع

انا ساعات بكون ماشى على رجلى واسمع عربية جاية من ورايا بقدر احدد نوعها فى معظم العربيات وخصوصا الديزل ..... عارف وساعات فى العربيات الديزل بعرف هى محصورة بين موديل كام وموديل كام

:Wkiss5: :Wkiss5: :Wkiss5:

رد: صوت احتكاك معدنى مخيف
 

الساد الاحبـــه : akerima
mr_astra
تحية طيبه . تحية حب وتقدير على اسلوبكم فى الحوار الراقى وادب الاختلاف وقبول الرأى الاخر.
ROSE4U

رد: صوت احتكاك معدنى مخيف
 

كيا سيفيا

:wave2W21::wave2W21::wave 2W21:

رد: صوت احتكاك معدنى مخيف
 

الاستاذ / mr_astra
بعد التحيه.....
حقيقى الواحد بيسعد لما بيشوف نماذج محترمة وخاصة فى هذه الايام الصعبه التى اصبح فيها قبول الاخر صعب. صدقنى وعمرى قد تجاوز الخمسين باصادف شباب صغير لايقبل حتى النصيحه ويرد بمنتهى التطاول وقلة الذوق.
ربنا يبارك فيكم ياشباب ويحفظ بلدنا

رد: صوت احتكاك معدنى مخيف
 

انا بس حبيت ااكد على ان الصوت ده بيظهر والعربيه دايره وواقفه على وضع مور
وعاما انا متابع معاكم علشان نوصل لحل بس الموضوع هياخد وقت علشان اتاكد ان الصوت اختفى تماما :w6w200504112257276b