مصر موتورز مجتمع السيارات - هي ليه الناس بتكره الاوبترا ؟؟؟؟؟؟؟؟؟

مصر موتورز مجتمع السيارات (https://www.masrmotors.com/vb/index.php)

- أوبترا (https://www.masrmotors.com/vb/forumdisplay.php?f=156)

- - هي ليه الناس بتكره الاوبترا ؟؟؟؟؟؟؟؟؟ (https://www.masrmotors.com/vb/showthread.php?t=86031)

رد: هي ليه الناس بتكره الاوبترا ؟؟؟؟؟؟؟؟؟

اقتباس:

المشاركة الأصلية كتبت بواسطة Torn@doo (المشاركة 666647)

ههههههههههههههه حلة الكورى بورى دى
رووق بس الاول
انا شخصيا مش بحب الاوبترا لسبب انى شايفها لا تناسب سنى وانها عواجيزى شوية
والتابلوة مفتقر لاى ابداع او تجديد ف المقابل مثلا حاجة زى الجين 2 بما انك دخلتها ف الكلام
انا بحب العربية دى جدا وبتمنى انى امتلكها لانها مناسبة سنى كشاب
دى جهة نظرى
تحيااااااااتى

أوكي ده سبب مقبول ومفيش مشاكل ودي وجهة نظر شخصيه تحترم طبعا لكن بحس ان الناس بتهاجمها كانها مبتمشيش مثلا او اعطالها كتير مع اني مفيش اي حاجه من الحاجات دي بس دايما بلاقي هجوم غير مبرر فقلت اشوف جايز فيه حاجه انا مش عارفها لاني بلاحظ اني الناس مش بتفضلها عن عربيات تانيه في فئتها من غير اسباب واضحه

اقتباس:

المشاركة الأصلية كتبت بواسطة كومندا (المشاركة 666668)

كفايه انها من منصور

يعني بيتهيقلي بردو اني منصور افضل مليون مره من عز العرب وكتير غيره وانا شخصيا ممكن اكون بعتبره بيجي بعد غبور مباشرة من حيث الخدمه (وجهة نظر شخصيه ) لاني اصلا مفيش غير كام توكيل عندنا بالاسم هما اللي بيشتغلو كويس

اقتباس:

المشاركة الأصلية كتبت بواسطة semmsem (المشاركة 666670)

انا معايا اوبترا 2006 وشايف انها ممتازه ومريحاني من الداخل وشكلها حلو جدا من الخارج ومش شايف فيا عيوب يعني ممكن تذكر

مهو ده اللي انا عاوز اقوله ان ناس كتير بتطلعها وحشه من غير اي اسباب وابسط مثال اكتب علي جوجل اوبترا واي حاجه من فئتها مثلا صني او اي حاجه وشوف النتيجه هتلاقي كمية عداء مش مبرره

اقتباس:

المشاركة الأصلية كتبت بواسطة .EhAb (المشاركة 666788)

المفروض الواحد يحكم عن العربية من تجربته الشخصية FLASHCar
مش اسمع ان واحد صاحب ابن خالتى اخوه كان معاه العربية نص ساعة و مش عاجباه.
و العيوب تكون حاجات اساسية فى العربية مش الواحد تكون معاه عربية خلصانة و مش قادرة و يقولك العفشة بتاعتها ناشفة او بتزيق او الابواب بتخبط :w6w200504111340266d

هي مش فكرة سمع والله هي فكرة اني حاسس انها مظلومه مع الناس ونفسي ناس معينه تصحح فكرتها عنها او عالاقل تراجع فكرتها عنها او تقدملنا اسباب كرههم ليها زي ما قال رأيه الاستاذ Torn@do

رد: هي ليه الناس بتكره الاوبترا ؟؟؟؟؟؟؟؟؟

من وجهة نظري عيوب العربية تتلخص في التوكيل وضعف العزل الداخلي - يعني لو ماشي في علي اسفلت خشن لازم تسمع صوته جوه العربية

غير كده العربية ممتازة من نواحي كتيره - وسعه ومريحة ومشاكلها قليله واحسن من عربيات كاير انت ذكرتها في موضوعك

رد: هي ليه الناس بتكره الاوبترا ؟؟؟؟؟؟؟؟؟

اقتباس:

المشاركة الأصلية كتبت بواسطة eng.mahmoud (المشاركة 666772)

سيبك من كلام الناس اللي هيمشي ورا كلام الناس عمره ما هيفلح .. أنا معايا كابريس كلاسيك 77 .. كل واحد يسمع الموديل يقولي حرام عليك .. مع انها بالنسبالي احسن من عربيات 2012 .. وصحيح انا ببيعها الوقتي بس ان شا الله لما الظروف تتحسن هشتري كابريس صابونة .. عند في الناس اللي بتقولي يا لهوي 5000 سي سي و8 سلندر .. اهي هتبقى 5700 سي سي و8 سلندر وشيك وشكلها احلى كمان .. انا ركبت الاوبترا .. عربية جميلة على فكرة جدا .. واحسن من كتير عربيات .. واللي بيقول مفيهاش ابداع يبقى يطلع ابداعه فيها .. جنوط .. بودي كيت .. ورق عدادات .. وفرش واضائة من جوة .. وفي الموتور فلتر رياضي .. ممكن تيربو .. زي ما يحب يظبط .. وممكن يجيبها مستعملة ويركبلها عفشة رياضية ويديها لون رالي ازرق سماوي في ابيض مع البودي كيت هتبقى عربية فاجرة .. وهبطها مع العفشة السبور على جنوط 18 .. ولو تغير الموتور كمان بموتور لومينا من الخليج ب الجير بوكس بتاعه ولما تبقى تيجي تبيعها رجعها على طبيعتها وبيعها .. وخلي قطع التعديل بيعها لوحدها او سقطها على عربية تانية .. وادعيلي قال الاوبترا وحشة قال .. مفيش بعد جنرال موتورز واللهي

هو من الواضح اني حضرتك بتحب العربيات الفخمه بس طبعا انا شخصيا لو هيدوني فلوس واخد عربيه 5700 سي سي هرفض دي تخرب بيتي ده اللي عنده 1600 تاعبينه ده غير طبعا الضرائب بتاعتها حاجات كتير تخليني افضل السي سي الاقل من الفين سي سي

اقتباس:

المشاركة الأصلية كتبت بواسطة .EhAb (المشاركة 666788)

لا والله هي مش فكرة سمع انا مقتنع بالعربيه جدا ومش بشكك فيها بس نفسي اصحح فكرة الناس عنها واللي فعلا عنده مشاكل او مضايقاه في حاجه او فيها عيب خارج عادي بردو يقوله عشان نصحح مفاهيمنا ونفهم العربيه مالها جايز كانت السبب في ضرب العراق ولا حاجه واحنا مش عارفين

رد: هي ليه الناس بتكره الاوبترا ؟؟؟؟؟؟؟؟؟

اقتباس:

المشاركة الأصلية كتبت بواسطة akerima (المشاركة 666975)

اذا كان من مميزات الاوبترا العزل او جايز حضرتك ركبت عربيه فيها مشاكل عامة العيب ده انا مش ملاحظه خالص بس طبعا وجهة نظر تحترم

رد: هي ليه الناس بتكره الاوبترا ؟؟؟؟؟؟؟؟؟

مين اللى بيكره الأوبترا ؟
انا بحبها جدا عربية محترمة
وركوبة زى اللانسر والكورولا لكن تكاليف تشغيلها |أقل
بصرف النظر عن انها من منصور ولا غبور ولا مشكور

رد: هي ليه الناس بتكره الاوبترا ؟؟؟؟؟؟؟؟؟

مميزات الأوبترا عن تجربة
عزل جيد جدا
ثبات مميز جدا على السرعات
صالون واسع جدا
موتور قوى سريع التجميع
قطع غيار رخيصة ومتوفرة
ميكانيكا سهلة بلا تعقيدات

رد: هي ليه الناس بتكره الاوبترا ؟؟؟؟؟؟؟؟؟

اقتباس:

المشاركة الأصلية كتبت بواسطة Hisham.Elgazzar (المشاركة 667007)

مين اللى بيكره الأوبترا ؟

انا بحبها جدا عربية محترمة
وركوبة زى اللانسر والكورولا لكن تكاليف تشغيلها |أقل

بصرف النظر عن انها من منصور ولا غبور ولا مشكور

هي مش فكرة كره بردو بس الفكره ان الناس في كل المنتديات بتعتبرالصني واللانسر والياريس والجين تو افضل منها وطبعا اكيد فيه ناس بتحب الاوبترا بس الفكره اني بلاقي ناس بتهاجمها بطريقه مستفزه من غير ما يعرفوها ولا يكونو حتي ركبوها مع اني المفروض تكاليف التشغيل الاقل تخلي الناس تفضلها عن كل اللي في فئتها