مصر موتورز مجتمع السيارات - انا عايزة مقارنة شاملة ما بين العربيات دى

مصر موتورز مجتمع السيارات (https://www.masrmotors.com/vb/index.php)

- مقارنات (https://www.masrmotors.com/vb/forumdisplay.php?f=174)

- - انا عايزة مقارنة شاملة ما بين العربيات دى (https://www.masrmotors.com/vb/showthread.php?t=85898)

رد: انا عايزة مقارنة شاملة ما بين العربيات دى

لو قطع غيار الستارليت متوافره عندك تبقي عربيه ممتازه
ياباني و خفيفه و ممتعه
لو مش موجوده يبقي السوزوكي سويفت و بالمبلغ دا ممكن تجيبي عربيه معقوله
لو مالقتيش فممكن تجيبي ماروتي موديل 2006 مثلا هتكون بحاله ممتازه
و بالنسبه للابيزا عربيه تقيله علي بنت اوي
و البونتو عربيه محترمه بس قطع الغيار برضه لو متوافره عندك تبقي كويسه
بس اهم حاجه في اي عربيه تجبيها تكشفي علي اساسياتها كويس و تكون عربيه سليمه

رد: انا عايزة مقارنة شاملة ما بين العربيات دى

والله لومش هتفرق معاكى قطع الغيار يبقى ابيزا لو هتفرق يبقى ماروتى او كيا بريد

رد: انا عايزة مقارنة شاملة ما بين العربيات دى

اسمحيلى ارشحلك سوزوكى ماروتى لانها عربية ظريفة وشكلها بناتى واقتصادية وليها فعلا مميزات كتير
:12C186~161:

رد: انا عايزة مقارنة شاملة ما بين العربيات دى

اقتباس:

المشاركة الأصلية كتبت بواسطة الزيرو (المشاركة 665548)

السلام عليكم كل اهل المنتدى يا رب تكونو بخير وصحة يا رب
انا المرادى هتتقل هتتقل متزهقوش منى واستحملونى انا خايفة حد يضربنى بباب عربية ولا حاجة انا طماعنة فى كرمكم
انا معايا 25000 الف بس يعنى عايزة عربية على ادى كده بس تكون كويسة وشفت حاجات سعرها فى الرينج ده او اقل شوية وعايزة معلومات شاملة عن كل وحدة بما فيها الاسعار والشكل وقطع الغيار واستهلاك البنزين بما انى مش من القاهرة ومن اسيوط وصعب اسافر مصر كل شوية لو حاجة باظت فى العربية فتكون يعنى قطع غيارها متوفرة فى اسيوط وايه احسن عربية واسوا عربية فيهم
العربيات اللى شفتها هى
ستارليت
ابيزا 94
بونتو
ستروين
جيلى فروتة
كيا برايد هاتشباك
دايو ماتيز بس سمعت انها وحشة ومشاكلها كتير وكمان شكلها بصراحة مش عاجبنى
ولو فى انواع تانية فى نفس الرينج يا ريت
طبعا انتم اعلم وادرى منى انا معنديش اى معلومات خالص عن العربيات وبحاول اخد خلفية من النت وشوية شوية بتعلم

هنبدأ بالستارليت عربيه كويسه جداااوكفايه انها توياتا يعنى يابانى
ابيزا ابعدى عنها تماما واصرفى نظر عنها لان قطع غيارها غاليه ومش موجوده عندنا فى طنطا فامش معقول هتكون فى اسيوط وكمان عربيه مش بتاعت شغل خالص وعن تجربه شخصيه
جيلى فروته عربيه صينى من انتاج شركة جيلى والصينى اذا ماكنش اول يد يبقى زى قلته
كيا برايد عربيه كويسه جدااا وقطع غيارها متوفره
دايو ماتيز كويسه جدااا وقطع غيارها موجوده عند البقال بس عيبها الوحيد شكلها مش عاطفى شويه
والبونتو زيها زى الابيزا قطع غيار غاليه والمكانيكيه مش بيعرفوا يشتغلوا فيها
انا من رأيى خليكى فى الستارليت او الماتيز او الكيا
وطبعا عربيات برا المنافسه فاظن ان 128 مش هتكون مناسبه خالص

رد: انا عايزة مقارنة شاملة ما بين العربيات دى

متشكرة جدا جدا على كل الردود انا بجد استفت جدا جدا منكم ربنا يبارك فيكم يا رب