|
رد: يااهل الخبرة هل فورد فيستا كربية كويسة
الاخ الفاضل حمادة
عم زوجتي كان عنده 128 موديل 1980 و قرر أنه يبيعها و يشتري فورد فيستا لانه خايف من تخريد الملاكي القديم زي التاكسي و فعلا اشترى فيستا موديل 1998 و من اولها خد عندك يا باشا غير ترس الزيت ب 60 جنيه و سلك الدبرياج دفع فيه 180 جنيه و بعدين الاسبوع الماضي جه ميعاد تغيير الزيت و فلتر الزيت و الهواء الزيت طبعا سعره عادي لكن فلتر الهواء ب 100 جنيه و فلتر الزيت ب 60 جنيه من شارع دمشق و الحقيقة الراجل قعد يشد في شعره لما قارن اسعار قطع غيارها بال 128 لان فلتر الزيت في ال 128 ب من 10 الى 15 جنيه و فلتر الهواء ب 20 جنيه يعني جوز الفلاتر كان بيدفع فيه 30 أو 35 جنيه على الاكثر لقى نفسه في الفيستا دافع 160 جنيه بالتمام و الكمال في جوز الفلاتر . كان من نتيجتها أنه بعد ما كنت عامله اعلان بيع على النت لل 128 طلب مني تغيير الاعلان لبيع الفورد فيستا و أنا مصدقتش نفسي لانه كان لسه شاريها ب 33 الف و عايز يبيعها حتى لو ب 30 و سيكتفي بال 128 . راجع الاسعار اللي قلتها لك لو مش مصدقني . |
رد: يااهل الخبرة هل فورد فيستا كربية كويسة
جزاكم الله كل خير فرد فرد على المعلومات القيمة دى والافادة ويجعلها الله فى ميزان حسناتكم انتم فعلا وضحتوا ليا الصورة كويس بكرر شكرى تانى سلام
|
رد: يااهل الخبرة هل فورد فيستا كربية كويسة
الى الصديق السائل عن الفورد فيستا ..
على فكرة العربية دية من أجمل العربيات اللى انا ركبتها والناس بتفضل تتكلم عن ارتفاع أسعار قطع غيارها الميزة فى العربية دية انك ممكن تركب العربية وتقعد 5 سنين مثلا متحطش فيها أى قطعة غيار وماشية زى الفل ومش فاكر انى احتجت لها قطعة غيار غير مثلا فانوس يكون كسره واحد معندهوش ضمير خبطها وهى مثلا واقفة او مراية جانبية لنفس السبب ابحث بقى عن بعض العربيات الأخرى اللى كل شوية عايز تشترى لها قطعة غيار غير الأعطال والوقفة عند الميكانيكية ومرة تسخن ومرة مش عرف ايه انسى المواضيع دية كلها فى هذه السيارة التى أعتز بها تماما ويكفى انها أمركانى تقفيل ألمانى عايز ايه بقى |
| الساعة الآن 04:50 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017