رد: اسعار المعارض والمبالغة الغير منطقية
 

يا جماعة الحكومة بتستسهل فلوس جاية من غير تعب ولا مصاريف .., اقصي حاجة شوية مصاريف تشغيل عبارة عن مرتبات عمالة وشكرا والباقي يتشفط تحت بند خدمات جمرك وحماية الصناعة المحلية اللي هي مش موجودة اصلا .., يعني افهم مثلا انني نرفع الجمارك علي منتجات مثيلة في مصر من اجل حمابة المنتج المصري وتصرف اموال الجمارك علي دعم هذة الصناعة وتطويرها ..., انما اللي بيحصل في الجمارك والضرائب في مصر دة اسمة سرقة ونصب , الحكومة بتستسهل علشان تزود دخلها من جيب المواطن زي ما بيقول المثل من دقنة وافتلة..!!!
وفي النهاية المواطن الغلبان هو اللي بيدفع:k_crying77[1]:

رد: اسعار المعارض والمبالغة الغير منطقية
 

استكمالا لشكاوينا من استهبال واسف علي اللفظ القطاع الحكومي....
بقالي شهرين بادفع 10 زباله للمحليات ومش بيجي غير يوم القبض ..
طيب فين العربيه اللي المفروض تمر يومين اسبوعيا ....مفيش
يعني بيدفعوني 10 جنيه اتوه من غير ادني خدمه...
فقررت الشهر ده مع كام جار ليه اننا مش دافعين وهنشوف هيعملونا ايه؟؟؟

رد: اسعار المعارض والمبالغة الغير منطقية
 

يا باشا والله الناس دى عايشة زى الناموس تمص الدم وبعد ما تمصة كمان تورملك ايدك يعنى من الاخر عشان الناس اللى ضدد الثورة انا مع الثورة ومع رحيل الناس دى ومحدش يقولى هما مالهم يعنى انت لو مسك البلد سنة ونصف تخيل ممكن تعمل اية دا انت لو رخصت الجمارك بس 30 % هتوفر على الناس فى حدود 8 الى اقصى فئة 40 الف
بلاش انت تعرف سيادتك انى احنا البلد الوحيدة اللى عندها النت بسرعات 512 وميجا و2ميجا وكدة كل بلاد الخليج تبداا سرعتها فى شبكات المحمول من 4 ميجا والارضى يبدا من 8 ميجا تخيل بقى السعر كام خلينا فى الارضى عشان دا اللى انا سالت علية صديقى هناك 8 ميجا 76 ريال سعودى تخيل بقى
وكل البلاد الاوروبية سرعتها تبدا من 64 ميجا والحقيقة معرفش السعر كام واحنا هنا لسة عندنا 512 وكمان محددين الداون لود يعم سيبنا فى حالنا والله لولا اهلى محتاجنى كنت سافرت برة من زمان..................... .................

رد: اسعار المعارض والمبالغة الغير منطقية
 

بس ان شاء الله الجاي افضل....

رد: اسعار المعارض والمبالغة الغير منطقية
 

على فكرة فعلا للموتوسيكلات ال 100 cc للبايك المستعمل ايا كان موديل السنة ب 1000 جنية غير الرسوم التانية الصغيرة

رد: اسعار المعارض والمبالغة الغير منطقية
 

يا باشا قوانين كتيره عايزه تتظبط لان للاسف القوانين السابقه مش زي ما بيقولوا حق الدوله انما استقطاع اكبر قدر من المال من المواطن....

رد: اسعار المعارض والمبالغة الغير منطقية
 

ويا ترى لو جبت cbr 400 افضل وتقريبا اسعاره كام ؟