مصر موتورز مجتمع السيارات - التكلفة كدا كويسة والا لأ ؟؟؟؟

اقتباس:

المشاركة الأصلية كتبت بواسطة as_dmx2000 (المشاركة 662277)

والله يافندم الف شكر على ردك فى الموضوع بس انا مكنش عندى ترشيح خالص لحد ما مرة سرحت وطلعت على الرصيف وبالتالى الكارتيرة بقت بترشح من ساعتها
اما بالنسبة للبوجيهات فكل اىللى يشوفها يقوللى طقم شنبر ومحدش يقوللى كاوتش صباب خالص مش عارف ليه
ثانيا بالنسبة لتغيير البوجيه بسن قصير هو عموما مش بيقطع معايا اصلا السن الطويل لكن كل الحكاية انى مش عاوز العربية فيها عيب فانا كنت عاوز اصلح العيب دا ومش عارف ايه هو العيب

خلاص انت دلوقتى هتفك الكرتيرة عشان تكشف عليها لو لاقدر الله مشروخة ولا أى حاجى توضبها وتركبها مع جوان جديد
وكاوتش الصباب بيتعمل ضرورى مع الشنبر وماتنساش خرطوم المبخر يركب فى العمة عشان ماتجيبش دلايل بعد كده لا قدر الله
وبالنسبة للسن الطويل والقصير طالما حضرتك شايف تعريق بسيط زيت على البوجيه ، لو ماعملتش شنبر وحكمت المكنة فوق من عند الوش ( كاوتش صباب ونظافة للصبابات ) ومن تحت عند الشنبر (شنبر برازيلى وماتنساش فرش شنبر تحت شنبر الزيت ، لأن شنبر الزيت بيبقى ضعيف) عمرك ما هتاخد أفضل اداء غير مع الشغل ده - ده لو فيه إمكانيات دلوقتى
( كاوتش الصباب ب 40 جنيه ونظافة الوش هتبقى على المصنعية زى ماقلت لحضرتك قبل كده كله = 100)
لكن لو عاوز مسكن كويس ومش مكلف هتجيب سن قصير للبوجيهات المعرقة
لأن التعريق على السن الطويل بعد فترة بيكون طبقة على البوجيه ويبتدى ياكل معاك بنزين لأن الشرارة بتضعف وبالتالى بتفقد 30-40 % من عزم الموتور مع إستهلاك مضاعف للبنزين
ناقشنى و إن شاء الله نحاول إننا نستفيد من بعض