المشاركة الأصلية كتبت بواسطة Star 91 (المشاركة 662297)

ماشي يا ريس هنزل تقرير عن العربيه وبالصور كمان علشان خاطرك

بس أخلص من وجع الدماغ بتاع المرور ونقل الملكية ده وأفوق كده الأول

بس رأي المبدأي في العربية إنها حاجة سوبر بصراحة ممتازه جدا

1- الثبات على الطريق ممتاز جدا جدا شخصيا ما بحبش أسوق بسرعة تزيد عن الـ 100 بس ركبتها مع واحد صحبي
وكان سايق فوق الـ 150 والعربيه ثابته على الطريق .

2- صوت المتور هادي جدا ....

3- إقفل الشبابيك وشغل التكيف وهتلاقي نفسك في عالم تاني غير دوشة الشارع .

4- إقتصاديه جدا من ناحية البنزين أنا سافرت بيها من القاهرة للمنصورة ومن المنصورة لطنطا ومن طنطا للقاهرة وأنا فاتح التكييف طول الطريق وغير الزحمة على الطريق الدائري بسبب حادثة وقفت الطريق أكثر من ساعه ونص
والعربيه إستهلكت 27 لتر بنزين بالظبط

وهبقى أكتبلك تقرير مفصل إن شاء الله في أقرب فرصة

المشاركة الأصلية كتبت بواسطة A. Elmalawany (المشاركة 821922)

السلام عليكم و رحمة الله و بركاته
انا في السعودية و ناوي ان شاء الله اشتري جراند تريوس 2013 و عايز اعرف قطع الغيار متوفرة بره التوكيل في الاسكنرية و القاهرة ؟ و ايه اخبار اسعارها ؟
و بالنسبة لاخبار السحب و ثبات العربية ؟ حد فيكو بيشتكي منها ؟
و لو قدامي اشتري تريوس فول اوبشن أو جراند تريوس فول اوبشن اشتري ايه ؟
ارجو الرد سريعا