|
رد: ما الفرق بين الجنط والكاوتش العادى ؟؟؟
انا متشكر جداً على فيض المعلومات الجميلة دة
وما إستخلصتة من المشاركات إن الكاوتش العادى أفضل من حيث المتانة والتحمل على الطريق وما الجنوط إلا مظهر بالدرجة الأولى تليها خفية الوزن والثبات ولكن يبقى سؤال ما هى الامور التى يجب على من أراد شراء جنوط مراعاتها عند الشراء |
رد: ما الفرق بين الجنط والكاوتش العادى ؟؟؟
أنا أفضل الكاوتش العادى عشان بلدنا فيها مطبات كتير وبلاعات مفتوحه وحفر كتير لو جنط حديد أيستحمل المطبات ومش أيتلوح بسهوله وبالنسبة للجنوط الأسبور أبعد عن الصينى والرخيص عشان بيتلوحو بسرعه فى الطرق بتاعة مصر الحلوة:12422A~17:
|
رد: ما الفرق بين الجنط والكاوتش العادى ؟؟؟
وبعدين الجنط العادى سعره رخيص وحديد ويستحمل ولو أتلوح بسهوله تعدله عند الراجل بتاع الملك الصالح ويرشهوملك نيكل لو مصدى وهات طاسات حلوة وركبها عليهم وأربطها بأبزيم عشان ولاد التيييييييييييييييييييييي ييييييييييييييييييييييييي يييييييييييييت
|
رد: ما الفرق بين الجنط والكاوتش العادى ؟؟؟
اقتباس:
ومش شرط يكونوا اخف من الحديد بل العكس واهم حاجة التصميم مايكونش عريض لما تركب الكاوتش يحك ونتا بتلف واهم حاجة المسامير او الجوايط تكون تمام وطبعا العفشة عشان منظلمش الجنوط ومش شرط تجيب كاوتش جديد لو اللى عندك تمام وتيوبلس بس العيب فى الجنوط الحديد انا الحمدلله عامل أبونيه دلوقتى عند بتوع الكاوتش - بسبب الكاوتش المستعمل والجنوط الحديد اللى عندى |
رد: ما الفرق بين الجنط والكاوتش العادى ؟؟؟
اقتباس:
انا اشتريت جنط حديد جديد من عند بتاع قطع الغيار ولما روحت اركب الكاوتش وحطيته على مكنة الترصيص لقيت الجنط بايظ وصعب تجيب جنط حديد دلوقتى ينفع يشتغل معاك تيوبلس كل ده ضحك على الدقون وتضييع فلوس اما بالنسبة للطاسات سألت عليها الطقم بيعمل 150 جنية و الحجات المضروبة ب 90 جنيه العيال السريحة بتوع الزبالة بيقصوا الكوليه اللى بتربط بيه الطاسه بنفس المفك اللى بينطر بيه الطاسة من على الجنط والموضوع مش بياخد 5 ثوانى يبقى برضو تضييع فلوس على الفاضى الخلاصة وأنا آسف انى طولت عليك : طقم جنط محترم تايوانى - تايلاندى - صينى (LM) الكاوتش حسب حالة اللى عندك لو ينفع تركبه على ماتفرج أو تشترى جديد المسامير والرينجات أو الجوايط والصواميل ويا سلام لو تخلى صامولة منهم بمفتاح ألنكيه (نجمة) دى بقى محدش هيعرف يسرقها وتملى تغطى العربية عشان متلفتش النظر ليها وبالتوفيق بإذن الله تقبل مرورى |
رد: ما الفرق بين الجنط والكاوتش العادى ؟؟؟
|
رد: ما الفرق بين الجنط والكاوتش العادى ؟؟؟
ROSE4UROSE4UROSE4U
|
| الساعة الآن 04:23 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017