مصر موتورز مجتمع السيارات - أرجو النصيحة لشراء 128 مستعملة..

مصر موتورز مجتمع السيارات (https://www.masrmotors.com/vb/index.php)

- 128 FIAT (https://www.masrmotors.com/vb/forumdisplay.php?f=199)

- - أرجو النصيحة لشراء 128 مستعملة.. (https://www.masrmotors.com/vb/showthread.php?t=84932)

رد: أرجو النصيحة لشراء 128 مستعملة..

16 كويس عليها

رد: أرجو النصيحة لشراء 128 مستعملة..

اخى صاحب الاستفسار

اوعى تشترى

ومعلش

استحمل شوية وانتظر

وكل تاخيرة فيها خير ان شاء الله عزوجل

السعر دة كثير

انا شارى 128 موديل 1990 ما فيهاش غلطة

وتمام وصاروخ

18 ونصف من فترة قريبة

وكمان سنة على الرخصة

انما اللى انت شايفها دى ما تاخدهاش حتى ببلاش طالما الموتور خفيف

انت لما تشترى عربية

اشترى عربية تركب وتسوق

مش تركب وتروح عند الميكانيكى

انت عايز تعيش وتمشى وتقضى

مش تسكن عند الميكانيكى

وحط فى اعتبارك ان فيه الف جنيه هتظهر بعد شراء العربية

علشان اى شىء لازم له تضبيط

هيطلعلك حاجات من تحت الارض

علشان كده اصبر

وامسك على سعر 16 بالكثير اوى

لان المصريين عندهم افتكاسة عجيبة

تضر فى العالى علشان تاخذ الى انت عايزه

انت بقى

قله يفتح الله

والى عملها عمل غيرها

انما نصيحة اوى تشترى

لانك هتدفعه 20 وحط عليها تكاليف صيانة الموتور الخفيف

هتلاقى نفسك بتلطم

انا قعدت سنتين ادور لغاية ما لقيت عربية

تخيل بقى

سنتين والله

والحمد لله

دعوة الام وصفاء النية

والصبر

وصلونى لعربية تمام

لما بعمل حاجة بعملها من باب انى اتعلم او اضبط زيادة

انما ما فيهاش غلطة

اوعى

فرمل واصبر

وربنا يزرقك

رد: أرجو النصيحة لشراء 128 مستعملة..

العربية دى توبها من الأخر 14 الف جنيه ومتحطش مليم زيادة للتاجر اللى هيبيعهالك
حتى لو ماشية لوحدها
وتغيير الكبوت ولحام القايم يعنى كانت مفسخة وصاحبها لمها وكمان عاوز يبيعها ويكسب فيها :12F099~16::12F099~16::12 F099~16::12F099~16:

رد: أرجو النصيحة لشراء 128 مستعملة..

شكرا يا جماعة على الردود والاهتمام اللى انا مكنتش متوقعه ده بجد ربنا يباركلكم جميعا ..

انا استخرت ربنا واعتقد ده رد الاستخارة بتاعتى ..
جزاكم الله خيرا ..

رد: أرجو النصيحة لشراء 128 مستعملة..

اول حاجه نورت المنتدي 128 عربيه حلوة وقطع غيارها رخيصه بس السعر الى بتقول عليه غالى جدا حاول تنزل شويه علشان لسه حساب الشنبر فهى كويس عليها 17000 او 17500 وبالتوفيق ROSE4UROSE4UROSE4U

رد: أرجو النصيحة لشراء 128 مستعملة..

اقتباس:

المشاركة الأصلية كتبت بواسطة مايكل ذكرى (المشاركة 657404)

شكرا يا استاذ مايكل للترحيب ولاهتمامك.. بس هو واضح ان فيه فرق اسعار بين القاهرة واسكندرية لان اسعار ال128 اللى تعدى يعنى وممكن تشتريها بتوصل ل 20000 وبتعدى كمان وانا دورت كتير ..مش عارف ايه رأى حضرتك؟؟

رد: أرجو النصيحة لشراء 128 مستعملة..

استاذى الفاضل 20000 كتير جدا على عربية 128 موديل 88 بحالة الفبريكة مش دقة قايم ومغيرة حوض ورشة دواخل فى حاجات متعيبش العربية القديمة انك ممكن لاقيها رشت بس نظااااااااااااااااااااافة بس ممكن زى ما بتقول العربية ممكن تكون اتشدت صح بعد حادئة لكن الواضح ان الحادئة كانت من الاخر جابت نص ووصلت للقوايم فالخلاصة 16000 ده سعر كويس بشرط كون العربية اتسمكرت صح عشان متقرفكش انا ولله الحمد قبل ما ربنا يرزقنى بالشاهين كنت هاجيب 128 موديل 87 فبريكة دواخل موتور حالته ممتازة وبكرر ممتازة بال17000 جنيه واستنيت شوية كتار بعدها والحمد لله ربنا رزقنى بشاهين

حضرتك 20000 فكر فى (131-ريجاتا) هتستريح مع الاتنين دول أو هاتجيب 128 فبريكا موديل 91 فما فوق وربنا ييسرلك الامور واصبر هتلاقى احسن منها