|
رد: عاوز اخد رايكم فى عقد عمل للسعودية
انت لسة سنك صغير توكل علي الله و ربنا هيوفقك بس نصيحة من اخ اكبر خلي في دماغك هدف و هو انك مطولش في الغربة يعني كبيرك 5 سنيين و ترجع تاني والا يا برنس السنيين هتسرقك و هتوصل لسن لا قادر ترجع و تبدي من اول و جديد في مصر و في نفس الوقت هتكون زهقت من الغربة
|
رد: عاوز اخد رايكم فى عقد عمل للسعودية
المسألة محتاجة شوية حسابات بسيطة
1- الراتب يساوى بالمصرى حوالى 2500ج وحضرتك مرتبك هنا وانت جنب اهلك 1200ج 2- هتقدر توفر كام من الراتب السعودى؟ على احسن تقدير ما يعادل 1200ج مصرى يعنى السنة كلها1200 فى 12 شهر 14400 قول 15000 3- علشان تحوش 150000ج محتاج تتغرب عشر سنين عجاف من غير نزول خالص لأن النزول مصاريف تانية هدايا وخلافة 4- حالياً مبلغ 150000ج يعمل اية؟ ولا حاجة اخرك تدفعة مقدم شقة وتقسط الباقى باقية عمرك 5- بعد عشر سنين المبلغ دة هيعمل اية؟ شوية قمصان وكرفتات وبارفانات ولو كفاك اصلاً اذاً النتيجة هى : 1200 ج فى وسط اهلك افضل مئة مرة وبكرة تزيد او تضيف شغل تانى وربنا يوفقك لأن السفر على اقل من خمس او سبع الاف جنية مصرى مش هينفع |
رد: عاوز اخد رايكم فى عقد عمل للسعودية
بدل ما تستشير العباد استشير رب العباد
صلاة الاستخارة وربنا يوفقك لما فيه الخير واذا ربنا يسرك السفر اغتنم الحج والعمرة بقدر ما تستطيع |
رد: عاوز اخد رايكم فى عقد عمل للسعودية
حضرتك قلت إن المرتب 1800 ريال سعودى هاتصرف منها لسه أكل وشرب مش أقل من 800 ريال شهرياً يتبقى لك 1000 ريال تدخرهم وممكن تصرف منهم كمان شوية هدايا على شوية ملابس لك من هناك ، ولا قدر الله أدوية ، وهناك الأدوية غالية جداً يبقى اللى هايتبقى لا يساوى مشوار الغربة ، وبعدين مين عالم بعد ماترجع نهائى لمصر هاتلاقى شغل تانى ؟ نصيحة من أب .... ابقى فى بلدك ودور على شغل إضلفى بعد الظهر أو شغل يدى مرتب أعلى أحسن من الغربة |
رد: عاوز اخد رايكم فى عقد عمل للسعودية
لذة العيش فى التنقل
توكل على الله وخوض التجربة وفرصة قبل ما تتجوز ومتحسبلهاش وخليها على الله :CHUBBY~36: |
| الساعة الآن 12:19 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017