مصر موتورز مجتمع السيارات - خد فكرة واتجوز بكرة.

مصر موتورز مجتمع السيارات (https://www.masrmotors.com/vb/index.php)

- استراحة مصر موتورز (https://www.masrmotors.com/vb/forumdisplay.php?f=9)

- - خد فكرة واتجوز بكرة. (https://www.masrmotors.com/vb/showthread.php?t=84516)

رد: خد فكرة واتجوز بكرة.

اقتباس:

المشاركة الأصلية كتبت بواسطة waleed_d82 (المشاركة 653430)

بصراحة معاك حق أنا داخل علي الثلاثين ولسه متجوزتش بس مش مشكلة مادية لان الاهل مصممين يساعدوني علشان عايزين يخلصوا مني بس انا بحب الحياة الحرة بعيش ايامي يعني ولما احب اتجوز ميكونش جواز صالونات طبعا يعني لازم اكون عارف كل حاجة عنها وطباعها مش العروسة جاية بالواسطة واخو صاحبك معاة اخت قمر تجي نخطبها بكرة اقوم جاري علي بيتهم واخدو معايا وسيط ( حتي الجواز بالكوسه ) :129E17~143:

يا عم الجواز ده قدرنا :fun_3_4_2v[1]:
وطالما الواحد كده كده في يوم من الايام هيشيل مسؤلية ويخلف عيل تنح يقعد يعيط ويسرخ طول اليوم ولما تروح تلاقي الحكومة ( المدام ) مستنياك

يبقي الواحد يعيشله يومين قبل ما يتدهول قصدي يتجوز
بص طبعا يفضل متتجوزش بعد ال32 او 33 اعتقد ان ده السن المثالي عشان نتقبل قدرنا

انا عن نفسي عايش لوحدي بقالي 5 سنين ومزااااجي فوق الشووووووق :10FEE3~1106::10FEE3~1106 ::10FEE3~1106: وربنا يعين اصحابي اللي خطبوا واللي اتجوز علي ما اصابهم
تحياتي

رد: خد فكرة واتجوز بكرة.

السلام عليكم
انا عايز اقول كلام غير اعتيادى نوعا ما اخى الغالى
اختار لا بنائك الام التى تتمنى ان تربيهم كما تحب
وثانيا للفكاهه .......
يفضل ان تكون زيرو و يكون الزوج اول يد
ويكون لها ضمان ويا سلام بقى لو يطلع فيها عيب تصنيع والشركه المنتجه تسحبها و تاخد واحده تانيه زيرو زى ما الواحد بيسمع فى بلاه بره
وطبعا تخلى بالك انا فى منتدى سيارت بمعنى تاخد بالك تكون فابريقه ولا معجون و لارشه
واخيرا .......... ربنا يفقك فى الزوجه الصالحه و الذريه الصالحه
تقبل تحياتى

رد: خد فكرة واتجوز بكرة.

اقتباس:

المشاركة الأصلية كتبت بواسطة eng.moustafa nasr (المشاركة 653462)

ههههههههههههههههههههههههه هههههههههههههههههههه.... شكرا ياباشا على المشاركه دى .. وربنا يوعدنا بحته نظيفه..ان شاء الله :waving:

رد: خد فكرة واتجوز بكرة.

اقتباس:

المشاركة الأصلية كتبت بواسطة mhamdy75 (المشاركة 653410)

بص ياغالى

إقرأ القصة دى عجبتنى

-------------

قصة جميلة

يقول أحد معلمي القرآن في أحد المساجد ...
أتاني ولد صغير يريد التسجيل في الحلقة . ..
فقلت له: هل تحفظ شيئاً من القرآن؟
فقال نعم
فقلت له: إقرأ من جزء عم فقرأ ...
فقلت: هل تحفظ سورة تبارك ؟
فقال: نعم
فتعجبت من حفظه برغم صغر سنه ...
فسألته عن سورة النحل؟
فإذا به يحفظها فزاد عجبي . ..
فأردت أن أعطيه من السور الطوال فقلت: هل تحفظ البقرة؟
فأجابني بنعم وإذا به يقرأ ولا يخطئ . ..
فقلت: يا بني هل تحفظ القرآن ؟؟؟
فقال: نعم !!
سبحان الله وما شاء الله تبارك الله ...
طلبت منه أن يأتي غداً ويحضر ولي أمره ... وأنا في غاية التعجب ... !!!
كيف يمكن أن يكون ذلك الأب ... ؟؟
فكانت المفاجأة الكبرى حينما حضر الأب !!!
ورأيته وليس في مظهره ما يدل على التزامه بالسنة... فبادرني قائلاً: أعلم أنك
متعجب من أنني والده!!! ولكن سأقطع حيرتك ... إن وراء هذا الولد إمرأة بألف رجل
.... وأبشرك أن لدي في البيت ثلاثة أبناء كلهم حفظة للقرآن ... وأن ابنتي
الصغيرة تبلغ من العمر أربع سنوات تحفظ جزء عم
فتعجبت وقلت: كيف ذلك !!!
فقال لي إن أمهم عندما يبدئ الطفل في الكلام تبدأ معه بحفظ القرآن وتشجعهم على
ذلك .... وأن من يحفظ أولاً هو من يختار وجبة العشاء في تلك الليلة ... وأن من
يراجع أولاً هو من يختار أين نذهب في عطلة الإسبوع ... وأن من يختم أولاً هو من
يختار أين نسافر في الإجازة ... وعلى هذه الحالة تخلق بينهم التنافس في الحفظ
والمراجعة ...
نعم هذه هي المرأة الصالحة التي إذا صلحت صلح بيتها ....
وهي التي أوصى الرسول صلى الله عليه وسلم بإختيارها زوجة من دون النساء ....
وترك ذات المال والجمال والحسب ..
فصدق رسول الله عليه الصلاة والسلام إذ قال :
( تُنكح المرأة لأربع لمالها , وحسبها , وجمالها , ولدينها فاظفر بذات الدين
تربت يداك) رواه البخاري .
وقال عليه الصلاة والسلام :
( الدنيا متاع وخير متاع الدنيا المرأة الصالحة) رواه مسلم ..

بصراحه انت جيبت من الاخر والله وربنا يرزقنا الذريه الصالحه. واضيف على كلامك ان لازم بردو الواحد يبتدى من نفسه ويكون هو كمان .. سليم العقيدة والتفكير .والطيبون للطيبات ... وشكرااااااااااااااااااااا ااااااا جدااا على المشاركه .. ياباشا..

رد: خد فكرة واتجوز بكرة.

اقتباس:

المشاركة الأصلية كتبت بواسطة ابو الشوق كاديلك (المشاركة 653369)

ههههههههههه جوااااز:thnkr::thnkr:

ربنا يوفقك وتلاقي اللي يفيدك
بص يا سيدي الفاضل انا انسان بحب افكر بالعقل وافكر بعملية شوية

المجتمع 3 طبقات طبقة غنية في قمة الهرم الاجتماعي وطبقة متوسطة ثم في قاعدة الهرم الطبقة الفقيرة الكادحة المجدة

اذا كنت من الطبقة الغنية واهللك موفرين ليك المقومات المادية للزواج ومتوافر ليك وظيفة بدخل مادي عالي او اهلك هيصرفوا عليك توكل علي الله وتزوج

اما ان كنت دون ذلك ( وانا عن نفسي دون ذلك) ، فنصيجة انسي او حاول ان تتناسي هذا الموضوع ، فكر في مستقبلك وشوف ناوي تعمل ايه في حياتك
لو انت ناوي تعتمد علي نفسك ( وده الاصل ) فشبه مستحيل انك تتزوج قبل بداية الثلاثينات ، اما ان كنت تنوي الاعتماد علي الاسرة الكريمة وتحملهم بعض الاعباء المادية فليكن

ولكن دعني اخبرك ان الزواج سيكون انعكاسه علي طموحك ومستقبلك بالسلب هيكون من الاخر نهاية طموحك ويقضي علي مستقبلك مع سبق الاصرار و الترصد

عيش حياتك دلوقتي واسعي لمستقبلك ، اتحمل مسؤلية نفسك فقط وبلاش تتحمل مسؤلية شخص اخر معاك

واسأل اي حد اتجوز في سن صغيرة هتلاقي الغالبية العظمي بتندم علي اليوم اللي تجوز فيه وانه ماعش حياته ولا استمتع بيها

من الاخر متضيعش مستقبلك بايدك عشان متندمش قدام

تحياتي يا بوب:10FEE3~1106::10FEE3~1 106::10FEE3~1106::10FEE3~ 1106:

اولا شكراااااااااااااا جداا على مشاركتك ياريس .. وبالنسبه للطبقه والكلام دا الحمد لله زى غالب المصرين الطبقه المتوسطه .. والحمد لله توفرت فرصه السكن..وبرغم اختلافى معاك فى كام نقطه كدة .. بس انت شكلك قالب على حوار الجواز دا خالص.. والله انا معاك انك لوحدك حر اكتر .. وتقدر تعمل حاجات كتير.. وعايز اقولك ان فى نماذج تثبت ان الجواز مش عكس طموحك ولا حاجه بالعكس دا ممكن يكون دافع قوى جداا لانجاز حاجات كتير .. بص انا من رأى ان الجواز دا عفه وستر .. الزواج فطرة الله التي فطر الناس عليها
وهو سنةالله في خلقه..وقال (صلى الله عليه وآله وسلم): إلتمسوا الرزق بالنكاح.ومعاك طبعا ان الحياه بقت غاليه ... والظروف كل مدى بتبقى اصعب .. بس اكيد الواحد لما يعمل اللى عليه وياخد بالاسباب .. اكيد ربنا مش هيخذله وهيفتح عليه بالحلال ان شاء الله ..وانا رافض جدااا لفكرة تأخير الزواج طالما ..الظروف متاحه .ويمكن عشان اللى حواليا عملو كدة انا مثلا ولدى اتجوز وهو عندة 23 سنه والحمد لله حياه ناجحه من خطوة لخطوة .. عندى اصدقاء اتجوزو طبعا مفرومين .. فى الاول بس التعب مش بيدوم زى الراحه بردو .. والاهم الوصول للحاجه اللى الانسان عايزها .. وربنا يرزقك الذريه الصالحه والزوجه الصالحه اللى تكون سبب فى حياه افضل .. ونفرح بيك ان شاء الله ..

رد: خد فكرة واتجوز بكرة.

اقتباس:

المشاركة الأصلية كتبت بواسطة AMMI (المشاركة 653435)

أخى الكريم، بالنسبه لسؤالك" يعنى ايه اقل الامكانيات او الظروف اللى ممكن تتيح للواحد انه يقدم على الخطوة .."

طبعا لو هتعتمد على نفسك أعتماد كلى بدون مساعده من أحد فأول خطوه انك تكون خدت شقه وفاضل التشطيب والعفش ومعاك مبلغ فى حدود تشطيب الشقه عالاقل او ان مرتبك فى خلال سنه يخليك تقدر تشطب الشقه يبقى توكل على الله وأخطب وخلى فتره الخطوبه فى خلال سنه بالكتير لان طول فترة الخطوبه بيولد مشاكل. او لو ان مرتبك كبير وتقدر تاخد شقه ايجار جديد يبقى انت كده وفرت على نفسك مشوار كبير فى ثمن الشقه وتشطيبها ويبقى بالمبلغ اللى معاك تقدر تجيب العفش وبالتوفيق اخى الكريم

جزاك الله كل خير على النصيحه الغاليه ... اخى الكريم .. وشرفت الموضوع ...:GROWIN~12: والحمد لله فرصه الشقه اتوفرت الحمد لله والشكر لله .. ومبلغ التسطيب موجود الحمد لله .. للاسف فى ناس بقت شايفه الجواز انه عبارة عن تجارة وتجارة برأس مال كبير كمان .. وللاسف مع الظروف الصعبه الجواز بقى قليل .. وفى ناس كتير متخيله انه لو اتجوز مش هيعرف يعمل اللى هو عايزة .. نفسى صورة ان الجواز دا قبر لكل الاحلام والحريات..تتغير ..وربنا يوفق الشباب للخير دايما ...

رد: خد فكرة واتجوز بكرة.

كاااااااااامل احترامي وتقديري لرأيك ، وطبعا الطبيعي والفطرة اللي اتخلقنا عليها ان الراجل والست بيكملوا بعض انا مش مختلف معاك في اي حاجة من الكلام ده

بس انا فعلا زي ما انت قلت مش من مؤيدي الجواز بدري لانه بيعطل الواحد كتير وبيقضي علي طموحه وده انا شفته من تجارب ناس كتير

بص صوابعك مش زي بعضها، في شخص بيكون نفسيا محتاج يرتبط وحتاج للجو الاسري ( محتاج استقرار عاطفي )

وفيه شخص زي حالاتي مبعرفش اعيش مع حد انا مثلا بحب اهلي جدااااااااااا بس مقدرش اقعد معاهم اكتر من 3 سعات في الاسبوع لو زودت علي ال3 سعات لازم اعمل 100 مشكلة ، ومع ذلك بحب اخرج كل يوم وليا اصحاااااااااب كتير

ولمعلوماتك انا الاول علي دفعتي الحمد لله رب العالمين ال4 سنين

طبائع الناس بتختلف :shwt:

تحياتي ليك وتقبل فائق احترامي لرئيك

وعلي الفكرة العنوان بتاعك جامد شبه الاعلانات ( خد فكرة واشتري بعدين ) هههههههه بهزر معاك