مصر موتورز مجتمع السيارات - مش عارف اجيب اى جهاز تكيف منزلى-- محتاج تجاربكم

مصر موتورز مجتمع السيارات (https://www.masrmotors.com/vb/index.php)

- استراحة مصر موتورز (https://www.masrmotors.com/vb/forumdisplay.php?f=9)

- - مش عارف اجيب اى جهاز تكيف منزلى-- محتاج تجاربكم (https://www.masrmotors.com/vb/showthread.php?t=84291)

رد: مش عارف اجيب اى جهاز تكيف منزلى-- محتاج تجاربكم

متشكر ليكم يا أعزائى على الرد ولكن محدش جاب سيرة LG بأى تقييم كله بيتكلم على شارب وكاريير فقط> بالمناسبة ضمان كاريير عام واحد بينما ضمان شارب و LG خمسة اعوام على كامل الجهاز. أعتقد فترة الضمان الطويلة ميزة فى حد ذاتها

رد: مش عارف اجيب اى جهاز تكيف منزلى-- محتاج تجاربكم

نصيحه منى احنا جبنا تكيف شباك كاريير اقسملك بالله مستحملش الثلاث شهور بتوع الصيف اه والله وطبعا كان جه على اخر الصيف وبدا يحصل فيه بعض الاعطال البسيطه مثالا علو صوته عن الاول و كمان الكمبروسيور فى الحر تلاقيه قفش وبيسحب امبير عالى وطلع ان العيب اساسا من الكمريسور وبجد حاجه وحشه جداااا بجد ولما جينا نشوف الضمان طلع ان الضمان سنه واحده بس ونزلنا نسئل على الكباس طلع ب 1500 جنية ال 2 حصان وان شاء الله هنصلحه قبل شهر 6 اللى جاااى
باذن الله

وانصحك بشارب حيث التكنولوجيا والاعتماديه اليابانيه التى لا مثيل لها شارب اعتماديه ملهاش مثيل

رد: مش عارف اجيب اى جهاز تكيف منزلى-- محتاج تجاربكم

اقتباس:

المشاركة الأصلية كتبت بواسطة sayed2077 (المشاركة 653585)

متشكر لحضرتك أنا فلا كنت رايح اجيب شارب ولكن الراجل لما قال لى ان تكيف LG جودة وإعتمادية شارب والكباس بتاعة كورى اصلى وهو تقفيل سعودى. و LG لدية ميزتان وهما

1- الشاشة الديجيال التى يظهر عليها درجة الحرارة للغرفة بينما شارب لا يوجد بها هذه الخاصية ويوجد فى الريموت فقط
2- الريش يتم التحكم فيها عن طريق الريموت بينما فى شارب التحكم يكون يدويا

اما عن الخصائص الاخرى فهى مشتركة والضمان خمس سنوات والجودة واحدة وهو يفضل ال LG لان الكباس كورى ومتوافق مع الجو السعودى وهو بهذا يتحمل اكثر

رد: مش عارف اجيب اى جهاز تكيف منزلى-- محتاج تجاربكم

انا رايي متفكرش غير في نوعين بس شارب و LG هما احسن الانواع علي فكرة احنا عندنا واحد كارير بس مش قد كدة والصوت عالي طبعا لكن الحمد لله شغال
وياريت تشوف التكيف الي الوحدة الداخلية (الفانه ) مواسير التبريد بتاعة الفريون فيها مطلية بطبقة مانعه للصدا والتأكل ولا عادية دا طبعا بيزود عمر التكيف معاك بس اعتقد الواحد ونص حصان مفهوش الميزة دي وربنا يوفقك لما فية الخير
:fun_36_3_11[1]:

رد: مش عارف اجيب اى جهاز تكيف منزلى-- محتاج تجاربكم

اقتباس:

المشاركة الأصلية كتبت بواسطة waleed_d82 (المشاركة 655930)

متشكر يا واليد. أنا راجعت مواصفات كل جهاز واحد ونص حصان شارب وLG وتأكدت أن LG الفانة ذهبية لمنع الصدأ وكذلك الحال مع شارب. أنا الحقيقة كنت متحمس جدا ولكن أبطأت فى إتخاذ القرار وخاصة ان الجو لسة مش حار جدا فقلت أخذ وقت اسمع خبرات الناس وكذلك أقرأ المزيد.

الحقيقة LG متميز فى الشكل والمواصفات وسعره مساوى للشارب. قلبى يميل لشراء LG فى النهاية. أمامى أسبوع وفى النهاية لو لم يحصل شئ يغير نيتى على شراء LG سوف أشترية فى النهاية

رد: مش عارف اجيب اى جهاز تكيف منزلى-- محتاج تجاربكم

يبقي دا الجيل الجديد من الواحد ونص حصان مطلي بطبقة ذهبية مانعه للصدا عموما انا لو مكانك حشتري LG لان كفاءته نفس الشارب بس احن شوية في السعر ودا طبعا راجع للشهرة العالمية بتاعة التكيفات الشارب بيزيد الطلب عليها مما يزيد السعر

رد: مش عارف اجيب اى جهاز تكيف منزلى-- محتاج تجاربكم

أنا الحقيقة ميال LG والحقيقة الثمن مش مشكلة لان الكل بينافس بنفس السعريعنى شارب واحد ونص حصان بارد بس 3150 والبارد والساخن 3400. اما جهاز LG فالبارد بس 3350 بينما البارد والساخن 3300 جنية. يعنى الفروق لا تذكر والحقيقة لو كان كاريير افضل ولو اغلى كنت اشتريته.

انا اللى مشجعنى على LG هو ميزة الشاشة الديجيتال اللى بتعرفك درجة حرارة الغرفة كام وكمان التحكم فى الريش عن طريق الرموت مش يدوى زى شارب، واخير الكمبروسير الكورى التروبيكال الذى يتحمل حتى 55 درجة. والحقيقة الراجل قالى خاصية حلوة وهو انه يقوم لو حتى النور ضعيف ( 165 فولت فأكثر) بينما شارب لازم من 180 فولت. مش متأكد من الحكاية دى قوى ولكن هو بيأكدها.

ربنا يسهل وننزل نحجزة الاسبوع الجاى